బ్యాంకుల 5-Day Workingపై వైరల్ గెజిట్‌?

By Prashanth· 1h ago· X

SBI సహా అన్ని ప్రభుత్వ రంగ బ్యాంకులకూ ప్రతి శనివారం సెలవు అంటూ సోషల్ మీడియాలో వైరల్ అవుతున్న గెజిట్‌ ఫేక్ అని PIB ఫాక్ట్ చెక్ టీమ్ తెలిపింది. కేంద్ర ఆర్థిక మంత్రిత్వ శాఖ ఇలాంటి గెజిట్ జారీ చేయలేదు. ప్రస్తుతం ప్రభుత్వ రంగ బ్యాంకులకు 2వ, 4వ శనివారాలు మాత్రమే సెలవు ఉంది. మిగతా శనివారాలు సాధారణ పని దినాలుగానే కొనసాగుతున్నాయి. 5-day banking అమలుపై చర్చలు కొనసాగుతున్నప్పటికీ.. అది ఇంకా అమల్లోకి రాలేదని కేంద్ర ఆర్థిక మంత్రిత్వ శాఖ తెలిపింది.

More in National

National· 3m ago

సెలబ్రిటీలూ బాధ్యత వహించాల్సిందే: FDA చీఫ్

పాన్‌ మసాలా, గుట్కా వంటి ప్రోడక్ట్స్ ప్రచారం చేసే సెలబ్రిటీలపై మహారాష్ట్ర FDA చీఫ్ తుకారాం ముంఢే మండిపడ్డారు. విమల్ యాడ్ విషయంలో సెలబ్రిటీలకు నోటీసులు జారీ అయిన సందర్బంలో ఆయన ఈ వ్యాఖ్యలు చేశారు. ఆహార భద్రత, ప్రకటనల చట్టాలు వర్తించే సమయంలో తాము ప్రచారం చేసే ఉత్పత్తుల విషయంలో సెలబ్రిటీలు కూడా బాధ్యత వహించాల్సి ఉంటుందని చెప్పారు. ప్రజలను ప్రభావితం చేసే సెలబ్రిటీలు యాడ్స్ విషయంలో మరింత జాగ్రత్తగా ఉండాలని సూచించారు.

National· 3m ago

ఇన్‌స్టా రీల్ చూసి నకిలీ కరెన్సీ దందా

గుజరాత్‌లోని రాజ్‌కోట్‌కు చెందిన కూరగాయల వ్యాపారి ఇన్‌స్టాగ్రామ్‌ రీల్ చూసి నకిలీ కరెన్సీ దందా గురించి తెలుసుకున్నాడు. టెలిగ్రామ్ ద్వారా నకిలీ నోట్లు తయారు చేయడం నేర్చుకున్నాడు. మండదుంగర్ ప్రాంతంలోని ఓ ఇంట్లో నకిలీ రూ.100, రూ.500 నోట్లను ముద్రించడం మొదలుపెట్టాడు. పోలీసులు అక్కడ సోదాలు చేపట్టారు. నోట్లతోపాటు సీపీయూ, మానిటర్, రెండు ప్రింటర్లు, లామినేటర్ హీటర్ మెషీన్, బటర్ పేపర్, నకిలీ నోట్ల ముద్రణకు ఉపయోగించిన కాగితాలను స్వాధీనం చేసుకున్నారు.

National· 55m ago

ఆసియా క్రీడల్లో చికితకు రెండు స్వర్ణాలు

ఆసియా క్రీడలు–2026లో పెద్దపల్లి జిల్లా ఎలిగేడు మండలం సుల్తానాపూర్‌కు చెందిన ఆర్చర్ తానిపర్తి చికిత సత్తా చాటారు. మహిళల కాంపౌండ్ టీమ్ ఈవెంట్‌లో జ్యోతి సురేఖ, ప్రీతికా ప్రదీప్‌తో కలిసి చైనాపై విజయం సాధించి స్వర్ణ పతకం పొందారు. అనంతరం కాంపౌండ్ మిక్స్‌డ్ టీమ్ ఈవెంట్‌లో సాహిల్ జాదవ్‌తో కలిసి దక్షిణ కొరియాపై గెలిచి రెండో స్వర్ణాన్ని సొంతం చేసుకున్నారు. ఈ విజయంతో 2028 లాస్ ఏంజిల్స్ ఒలింపిక్స్ కోటాను కూడా ఖరారు చేసుకున్నారు.

▶

National· 2h ago

జిమ్‌లో ఒరంగుటాన్లు.. వీడియో వైరల్

ఒడిశాలోని నందన్‌కానన్ బయోలాజికల్ పార్కులో ఒరంగుటాన్లు సందడి చేశాయి. ఇటీవల అటవీశాఖ అధికారులు వీటిని అడవిలో గుర్తించి భువనేశ్వర్ దగ్గర్లోని నందన్‌కానన్‌కి తరలించారు. అక్కడి వాతావరణం వాటికి అనుకూలంగా ఉండటంతో ఆరోగ్యం మెరుగుపడుతోందని ఒడిశా అటవీశాఖ మంత్రి గణేశ్ రాంసింగ్ ఖుంటియా తెలిపారు. జిమ్‌లో వ్యాయామం చేస్తున్నట్లుగా కనిపిస్తున్న ఒరంగుటాన్ల వీడియోలు వైరల్ అవుతున్నాయి. ఇవి ఏ దేశానికి చెందినవో తెలుసుకునేందుకు త్వరలో DNA టెస్టులు చెయ్యనున్నారు.