బుక్ చదివితే క్యాష్ ప్రైజ్

By Nani eluri· 4d ago· Hindustantimes

స్మార్ట్‌ఫోన్, రీల్స్‌కు పెరుగుతున్న అలవాటును తగ్గించి ప్రజలను బుక్స్ చదివేలా చేయడానికి సింగపూర్ గవర్నమెంట్ న్యూ ప్రోగ్రామ్ స్టార్ట్ చేసింది. ఈ స్కీమ్ ఐదేళ్ల పాటు కొనసాగుతుంది. రోజూ కనీసం 15 నిమిషాలు బుక్ చదివిన వారికి వర్చువల్ కాయిన్స్ ఇస్తారు. రీడింగ్ టైమ్‌ని ఆన్‌లైన్‌లో నమోదు చేసుకోవాలి. రోజుకు 15 నిమిషాలు చదివితే 20 కాయిన్స్ లభిస్తాయి. వీటిని రియల్ క్యాష్‌గా మార్చుకోవచ్చు. ప్రజల్లో రీడింగ్ హ్యాబిట్‌ని పెంచడమే ఈ ప్రోగ్రాం లక్ష్యం.

More in Arts/Literature

Arts/Literature· 1d ago

గురజాడ కలం.. ‘కన్యక’లో ఆత్మగౌరవ గళం!

తెలుగు సాహిత్యంలో సామాజిక చైతన్యానికి బాటలు వేసిన కవి, రచయిత గురజాడ అప్పారావు జయంతి ఇవాళ. 1912లో ఆయన రాసిన చిన్న పద్యకావ్యం ‘కన్యక’ వాసవి కన్యకాపరమేశ్వరి కథ ఆధారంగా రూపుదిద్దుకుంది. రాజుల అధికారం, స్త్రీలపై ఆధిపత్యం, సామాన్యులపై జరిగే దురాగతాలను గురజాడ ఇందులో ప్రశ్నించారు. సామాజిక అంతరాలు, అణగారిన వర్గాల ఆత్మగౌరవం, స్త్రీ గౌరవం, సంఘ సంస్కరణ, హేతుబద్ధతను ‘కన్యక’ ద్వారా బలంగా చాటిచెప్పారు. ‘పూర్ణమ్మ’లాగే స్త్రీ ఆత్మగౌరవం ఈ రచనలోనూ కీలకాంశంగా నిలిచింది.

Arts/Literature· 4d ago

తెలుగులో ఫూలన్ దేవి ఆత్మకథ

రాజకీయ నాయకురాలైన ఒకప్పటి బందిపోటు దివంగత ఫూలన్ దేవి ఆత్మకథను తెలుగులోకి అనువదించారు నవత. దాన్ని హైదరాబాద్ బుక్ ట్రస్ట్ ప్రచురించింది. ఆమె చిన్నతనంలో పేదరికం, కులవ్యవస్థ, బాల్య వివాహం వల్ల ఎదురైన చేదు అనుభవాలను ఈ పుస్తకంలో వివరించారు. దాడులు, అవమానాలు, అణచివేతను ఎదుర్కొని ఆమె బందిపోటుగా మారిన విషయాలను వివరంగా ఇందులో రాశారు. అనంతరం ఆమె ఎంపీ అయ్యేవరకూ సాగిన ప్రస్థానాన్ని ఇందులో వివరించారు. పుస్తకం ధర 275 రూపాయలు. కొనే <a href="https://amzn.in/d/01uBwf7E">లింక్</a>.

Arts/Literature· 5d ago

పెద్దింటి అశోక్ కుమార్‌తో ‘నాలుగు కథలతో ఓ సాయంత్రం’

TG: తెలంగాణ సామాజిక, రాజకీయ, పర్యావరణ చరిత్రను ఆవిష్కరిస్తున్న ప్రముఖ రచయిత పెద్దింటి అశోక్ కుమార్‌తో రేపు సాయంత్రం ప్రత్యేక సాహిత్య కార్యక్రమం జరుగనుంది. ‘నాలుగు కథలతో ఓ సాయంత్రం’ పేరుతో హైదరాబాద్ నగరం బంజారాహిల్స్‌లోని లామకాన్‌లో సాయంత్రం 6.15 గంటల నుంచి నిర్వహించనున్నారు. ధ్వని సంస్థ ఆధ్వర్యంలో ఈ కార్యక్రమం జరుగుతోంది.

Arts/Literature· 5d ago

తెలంగాణ సాయుధ పోరాట యోధ..మల్లు స్వరాజ్యం

మల్లు స్వరాజ్యం.. తొలి దశ తెలంగాణ సాయుధ పోరాట చరిత్రలో ఆమెది చెరగని సంతకం. 13 ఏళ్ల వయస్సులోనే పోరుబాట పట్టిన ఆమె, పదహారేళ్లకే భూమి, భుక్తి, విముక్తి కోసం బందూక్ చేతబట్టారు. నిజాం నిరంకుశత్వాన్ని నిరసించారు. దొరలు, దేశ్‌ముఖ్‌లపై పోరాడారు. ఆమె జీవిత చరిత్రను హైదరాబాద్ బుక్ ట్రస్ట్ పుస్తక రూపంలో తీసుకొచ్చింది. 1981లో మల్లు స్వరాజ్యం ఐద్వాను స్థాపించారు. 2001 వరకు అధ్యక్షురాలిగా ఉన్నారు. జీవితాంతం పోరాట యోధురాలిగా పేరు తెచ్చుకున్నారు. పుస్తకం ఖరీదు 200 రూపాయలు. పుస్తకం కొనే <a href="https://hyderabadbooktrust.com/products/na-maate-tupaki-toota-mallu-swarajyam-as-told-to-katyayini-and-vimala?srsltid=AU7gw4VleZFXYB60-kUyRNi8Tp2yYfss9FWy50y9xGjOISq7AtB1o6dO&sku_id=28621326">లింక్</a>.