బహార్ కేఫ్‌లో సడెన్ రైడ్స్.. 50 కిలోల మాంసం పారవేత!

By Mahesh· 1h ago· హైదరాబాద్

TG: హైదరాబాద్ దిల్‌సుఖ్‌నగర్‌లోని బహార్ బిర్యానీ కేఫ్‌పై TGSAFE అధికారులు సడెన్ రైడ్స్ చేశారు. కిచెన్‌లో స్టోర్ చేసిన 50 కిలోల పాడైపోయిన చికెన్, మటన్, రొయ్యలతో పాటు ఎక్స్‌పైరీ డేట్ ముగిసిన ఫుడ్ ఐటమ్స్‌ను గుర్తించి స్పాట్‌లోనే డంప్ చేశారు. అధికారులు ఫుడ్ శాంపిల్స్‌ను కలెక్ట్ చేసుకొని, టెస్టుల కోసం ల్యాబ్‌కు పంపారు. ప్రజల ఆరోగ్యాన్ని దృష్టిలో ఉంచుకుని ఆ రెస్టారెంట్ FSSAI లైసెన్స్‌ను వెంటనే రద్దు చేయాలని సిఫార్సు చేశారు.

More in TG

TG· 43m ago

చదువుతోపాటు స్కూల్లో ఫెసిలిటీస్ ఉండాలి

TG: తెలంగాణ పీపుల్స్‌ ఫ్రంట్‌ విద్యా బస్సు యాత్రలో భాగంగా ఖమ్మం జిల్లాలోని ఎల్లన్న నగర్‌లో పొలిటికల్‌ ఎకానమీ అనలిస్ట్‌ సృజన యాదవ్‌ మాట్లాడారు. పిల్లలకు రెండు మూడు అక్షరాలు నేర్చుకుంటే సరిపోదని, మంచి చదువు అందేలా స్కూల్స్‌ ఉండాలని అన్నారు. స్కూల్లో ఆట వస్తువులు, బాత్రూమ్‌లు, తాగునీరు, విద్యార్థులు కూర్చునేందుకు బెంచీలు ఉండాలని తెలిపారు. టీచర్లు రెగ్యులర్‌గా వచ్చి పిల్లలకు మంచి విద్య అందించాలని ఆమె కోరారు.

TG· 1h ago

22A బ్యాన్ లిస్ట్‌పై CM బిగ్ డెసిషన్.. 30 రోజుల్లో క్లియర్

TG: రాష్ట్రంలో 22A బ్యాన్ లిస్ట్‌లో ఉన్న నిరుపేదల ఆస్తుల సమస్యలను 30 రోజుల్లో సాల్వ్ చేసేలా చర్యలు తీసుకుంటామని CM రేవంత్‌రెడ్డి అసెంబ్లీలో ప్రకటించారు. ఇందుకోసం CCLA, న్యాయ, స్టాంప్స్‌-రిజిస్ట్రేషన్స్‌ శాఖల అధికారులతో హైపవర్ కమిటీ ఏర్పాటు చేస్తామన్నారు. ULC ల్యాండ్స్, ప్రభుత్వ లేఅవుట్లు, సింగరేణి కోల్‌బెల్ట్, GO 59, GO 118, అసైన్డ్ భూములు, ఇందిరమ్మ ఇళ్లు, నాలా ఛార్జీలు, అక్రమ లేఅవుట్లు, లీజ్‌హోల్డ్ ఆస్తులు వంటి 12 అంశాలపై పరిష్కార చర్యలు చేపడతామని సిఎం తెలిపారు.

TG· 2h ago

ప్రభుత్వ స్కూళ్లపై రోడ్ మ్యాప్ కావాలి: ఆకునూరి మురళి

TG: తెలంగాణ పీపుల్స్ ఫ్రంట్ విద్యా బస్సుయాత్రలో భాగంగా ఖమ్మం జిల్లా కొణిజర్ల మండలం ఎల్లన్నగర్ పర్యటనలో రిటైర్డ్ ఐఏఎస్ ఆకునూరి మురళి మాట్లాడారు. రాష్ట్రంలోని స్కూళ్లకు సరిపడా టీచర్లు, బస్సులు, మంచి ఫెసిలిటీస్ కల్పించి విద్యార్థులకు ఆహ్లాదకరమైన వాతావరణం ఉండేలా చూడాలని కోరారు. ఇలాంటి మార్పుల కోసం ప్రభుత్వం చట్టం, రోడ్ మ్యాప్, టైమ్ ఫ్రేమ్ రూపొందించాలని అన్నారు. నిర్ణయించిన సమయంలోగా ప్రభుత్వ స్కూళ్లను మెరుగుపరిచేలా ప్రత్యేకంగా మానిటర్ చేయాలని సూచించారు.

TG· 2h ago

ఒకే టీచర్‌.. రెండు రూముల్లో స్కూల్‌, అంగన్‌వాడీ!

TG: ఖమ్మం జిల్లా.. కొణిజర్ల మండలం.. ఎల్లన్నగర్‌లో సింగిల్‌ టీచర్‌ స్కూల్‌ ఉండటంపై రిటైర్డ్‌ IAS ఆకునూరి మురళి ఆవేదన వ్యక్తం చేశారు. స్కూల్‌కు ఉన్న రెండు రూముల్లోనే పాఠశాలతో పాటూ అంగన్‌వాడీ కూడా నడుస్తోందని తెలిపారు. 5వ తరగతి తర్వాత పిల్లలు ఎక్కడ చదవాలన్నదే సమస్యగా మారిందనీ.. ప్రైవేట్‌ స్కూళ్ల బస్సులు కూడా గ్రామానికి రావడం లేదని అన్నారు. 2026లోనూ ఇలాంటి స్కూల్‌ ఉండటం అన్యాయమనీ.. ఈ పరిస్థితిని.. ప్రభుత్వం, ప్రజల దృష్టికి తీసుకెళ్లేందుకే ఇక్కడ బస చేస్తున్నామని మురళి చెప్పారు.