కనగర్తిలో విద్యుత్ సబ్‌స్టేషన్‌కు గ్రీన్‌సిగ్నల్

By Srikanth Goud· 1h ago· Ramannapet, Konaraopet, Rajanna Sircilla

రాజన్న సిరిసిల్ల జిల్లా కోనరావుపేట మండలం కనగర్తిలో 33/11 కేవీ విద్యుత్ సబ్‌స్టేషన్‌ నిర్మాణానికి టీజీ NPDCLఅనుమతులు మంజూరు చేసింది. 2.70 కోట్ల అంచనా వ్యయంతో పనులు చేపట్టేందుకు ఉత్తర్వులు జారీ అయ్యాయి. పెరుగుతున్న విద్యుత్‌ డిమాండ్‌ను తీర్చడంతో పాటు తరచూ ఏర్పడే అంతరాయాలను తగ్గించేందుకు సబ్‌స్టేషన్‌ ఉపయోగపడనుంది. మంజూరుకు సహకరించిన CM రేవంత్‌రెడ్డి, మంత్రి భట్టి విక్రమార్క స్థానికులు కృతజ్ఞతలు తెలిపారు.

More in Local

Local· 1m ago

వెల్గటూర్‌లో వృద్ధుడి ఆత్మహత్యాయత్నం!

జగిత్యాల జిల్లా వెల్గటూర్‌లో పెద్దవాగు బ్రిడ్జి వద్ద ఓ వృద్ధుడు ఆత్మహత్యకు యత్నించగా జాలర్లు సకాలంలో స్పందించి ప్రాణాలు కాపాడారు. బ్రిడ్జిపై నుంచి దూకిన వృద్ధుడిని గమనించిన స్థానికులు జాలర్లకు సమాచారం అందించారు. వెంటనే అక్కడికి చేరుకున్న వారు అతడిని రక్షించారు. హైదరాబాద్‌కు చెందిన విజయ శ్రీనివాస్ దత్తాత్రేయ(85)గా గుర్తించారు. కుటుంబ కలహాలే కారణమని స్థానికులు తెలిపారు. పోలీసులు వివరాలు సేకరిస్తున్నారు.

▶

Local· 2m ago

'యువతా.. డ్రగ్స్‌కు దూరంగా ఉండండి'

కాకినాడ జిల్లా రౌతులపూడిలో డ్రగ్స్‌కు వ్యతిరేకంగా పోలీసులు అవగాహన కార్యక్రమం నిర్వహించారు. ఎస్సై వెంకటేశ్వరరావు ఆధ్వర్యంలో ‘డ్రగ్స్ వద్దు.. జీవితం ముద్దు’ అంటూ ప్రచారం చేపట్టారు. మాదకద్రవ్యాలు, చెడు అలవాట్లకు యువత దూరంగా ఉండాలని సూచించారు. డ్రగ్స్ వినియోగంపై సమాచారం ఇచ్చే వారికి బహుమతి అందిస్తామని, వారి వివరాలను గోప్యంగా ఉంచుతామని ఎస్సై తెలిపారు.

Local· 3m ago

జగిత్యాలలో అమారత్ అధ్యక్ష ఎన్నికలకు కౌంట్‌డౌన్

జగిత్యాలలో అమారత్-ఎ-మిల్లత్-ఎ-ఇస్లామియా అధ్యక్ష ఎన్నికలకు ఏర్పాట్లు పూర్తయ్యాయని ఎలక్షన్ కమిషనర్ మసియుద్దీన్ అఫ్సర్ తెలిపారు. అక్టోబర్ 9న మధ్యాహ్నం 1.30 గంటలకు 25 మసీదుల్లో పోలింగ్ జరగనుండగా, TR నగర్‌‌లోని 3 మసీదులను మినహాయించారు. ఓటర్ ఐడీతో వచ్చి ఓటు వేయాలని కోరారు. మెట్‌పల్లి, సిద్దిపేట, హుజూరాబాద్ తదితర ప్రాంతాల నుంచి అబ్జర్వర్లను ఆహ్వానించినట్లు తెలిపారు.

Local· 6m ago

అనంతపురంలో 'SUCI' భారీ ర్యాలీ

ధరల పెరుగుదలను అరికట్టాలని, కరువు నివారణ చర్యలు చేపట్టాలని, ఉద్యోగ–ఉపాధి అవకాశాలు పెంచాలని డిమాండ్ చేస్తూ అనంతపురంలో SUCI (కమ్యూనిస్ట్) పార్టీ ఆధ్వర్యంలో భారీ ప్రజా ర్యాలీ నిర్వహించారు. ఎన్టీఓ హోమ్ నుంచి క్లాక్ టవర్ వరకు సాగిన ఈ ర్యాలీలో పార్టీ కేంద్ర కమిటీ సభ్యులు, రాష్ట్ర కార్యదర్శి బి.ఎస్. అమర్‌నాథ్ పాల్గొని విద్య, వైద్యం, రైతు, మహిళా సమస్యలను వెంటనే పరిష్కరించాలని స్పష్టం చేశారు.