సిద్దాపూర్‌లో డంపింగ్‌ యార్డుపై నిరసన

By A Srisailam· 1h ago· Kothur (Ct), Kothur, Ranga Reddy

రంగారెడ్డి జిల్లా కొత్తూరు మండలం సిద్దాపూర్‌లో డంపింగ్‌ యార్డు ఏర్పాటును వ్యతిరేకిస్తూ SDVP జేఏసీ ఆధ్వర్యంలో నిరవధిక నిరాహార దీక్షలు ప్రారంభమయ్యాయి. GO 641 జారీ చేసి 90 రోజులు గడిచినా ప్రభుత్వం స్పందించకపోవడంతో ఈ నిర్ణయం తీసుకున్నట్లు JAC నేతలు తెలిపారు. ప్రొఫెసర్‌ హరగోపాల్‌ దీక్ష శిబిరాన్ని ప్రారంభించారు. తొలిరోజు నవయువతకు చెందిన పలువురు దీక్షలో కూర్చున్నారు. JAC నేతలు రాంబల్‌ నాయక్‌, పినపాక ప్రభాకర్‌ పాల్గొన్నారు.

More in Local

▶

Local· 1m ago

'యువతా.. డ్రగ్స్‌కు దూరంగా ఉండండి'

కాకినాడ జిల్లా రౌతులపూడిలో డ్రగ్స్‌కు వ్యతిరేకంగా పోలీసులు అవగాహన కార్యక్రమం నిర్వహించారు. ఎస్సై వెంకటేశ్వరరావు ఆధ్వర్యంలో ‘డ్రగ్స్ వద్దు.. జీవితం ముద్దు’ అంటూ ప్రచారం చేపట్టారు. మాదకద్రవ్యాలు, చెడు అలవాట్లకు యువత దూరంగా ఉండాలని సూచించారు. డ్రగ్స్ వినియోగంపై సమాచారం ఇచ్చే వారికి బహుమతి అందిస్తామని, వారి వివరాలను గోప్యంగా ఉంచుతామని ఎస్సై తెలిపారు.

Local· 2m ago

జగిత్యాలలో అమారత్ అధ్యక్ష ఎన్నికలకు కౌంట్‌డౌన్

జగిత్యాలలో అమారత్-ఎ-మిల్లత్-ఎ-ఇస్లామియా అధ్యక్ష ఎన్నికలకు ఏర్పాట్లు పూర్తయ్యాయని ఎలక్షన్ కమిషనర్ మసియుద్దీన్ అఫ్సర్ తెలిపారు. అక్టోబర్ 9న మధ్యాహ్నం 1.30 గంటలకు 25 మసీదుల్లో పోలింగ్ జరగనుండగా, TR నగర్‌‌లోని 3 మసీదులను మినహాయించారు. ఓటర్ ఐడీతో వచ్చి ఓటు వేయాలని కోరారు. మెట్‌పల్లి, సిద్దిపేట, హుజూరాబాద్ తదితర ప్రాంతాల నుంచి అబ్జర్వర్లను ఆహ్వానించినట్లు తెలిపారు.

Local· 5m ago

అనంతపురంలో 'SUCI' భారీ ర్యాలీ

ధరల పెరుగుదలను అరికట్టాలని, కరువు నివారణ చర్యలు చేపట్టాలని, ఉద్యోగ–ఉపాధి అవకాశాలు పెంచాలని డిమాండ్ చేస్తూ అనంతపురంలో SUCI (కమ్యూనిస్ట్) పార్టీ ఆధ్వర్యంలో భారీ ప్రజా ర్యాలీ నిర్వహించారు. ఎన్టీఓ హోమ్ నుంచి క్లాక్ టవర్ వరకు సాగిన ఈ ర్యాలీలో పార్టీ కేంద్ర కమిటీ సభ్యులు, రాష్ట్ర కార్యదర్శి బి.ఎస్. అమర్‌నాథ్ పాల్గొని విద్య, వైద్యం, రైతు, మహిళా సమస్యలను వెంటనే పరిష్కరించాలని స్పష్టం చేశారు.

Local· 10m ago

వీడీసీలను రద్దు చేయాలి: విద్యార్థి సంఘాలు

నిజామాబాద్ జిల్లా తాళ్లరాంపూర్‌లో వీడీసీల వ్యవస్థకు వ్యతిరేకంగా ఐదు విద్యార్థి సంఘాలు ఐక్యంగా ప్రెస్‌మీట్ నిర్వహించాయి. SFI, AISF, PDSU, BVM, MSF నాయకులు వీడీసీలను వెంటనే రద్దు చేసి రాజ్యాంగం, గ్రామ స్వరాజ్యాన్ని కాపాడాలని డిమాండ్ చేశారు. బాధితుల ఫిర్యాదులపై పోలీసులు స్పందించకపోవడంపై ఆగ్రహం వ్యక్తం చేశారు. కేంద్ర మాజీ మంత్రి సముద్రాల వేణుగోపాల్ చారికి వినతిపత్రం ఇవ్వగా, DGPతో చర్చిస్తానని హామీ ఇచ్చారు.