Latest
విదేశీ విద్యకు ముందస్తు ప్రణాళికే కీలకం
ఫారెన్‌లో ఉన్నత చదువులు చదవాలనుకునే స్టూడెంట్స్ IB (International Baccalaureate)సిలబస్‌లో సబ్జెక్టుల ఎంపికపై ముందుగానే దృష్టి పెట్టాలని నిపుణులు సూచిస్తున్నారు. అమెరికా, బ్రిటన్‌తో పాటు యూరప్‌లోని దేశాల్లో యూనివర్సిటీలను బట్టి సబ్జెక్టులు, HL, SL స్థాయుల రూల్స్ మారుతున్నాయి. ఇంజినీరింగ్, మెడిసిన్ కోర్సులకు ఉన్నత స్థాయిలో చదవడం అవసరం . అందుకే స్టూడెంట్స్ ముందు నుంచే ఇంటరెస్ట్, ఫ్యూచర్ గోల్స్‌‌పై క్లారిటీ తెచ్చుకోవాలని నిపుణులు చెబుతున్నారు.
రోడ్లు లేక అవస్థలు.. పట్టించుకోని ప్రభుత్వం?
అల్లూరి సీతారామరాజు జిల్లా అరకు వేలి, డుంబ్రిగూడ మండలాల్లో మంజూరైన బీటీ రోడ్లను రద్దు చేయడం సరికాదని మాజీ MPTC బురిడి దశరథ్ అన్నారు. అసంపూర్తిగా ఉన్న రోడ్లను వెంటనే పూర్తి చేయాలని డిమాండ్ చేశారు. రహదారులు సరిగా లేక ఆదివాసీలు తీవ్ర ఇబ్బందులు పడుతున్నారని, రోగులు, గర్భిణులను ఆసుపత్రులకు తరలించడం కష్టంగా మారిందని ఆవేదన వ్యక్తం చేశారు. ప్రభుత్వం తక్షణమే స్పందించి రోడ్డు పనులు పూర్తి చేయాలని కోరారు.
Peace బాండ్ దేనికి: నేహా ప్రశ్న
AISA ప్రెసిడెంట్ నేహా బోరా, ఢిల్లీ పోలీసుల ₹10,000 పర్సనల్ బాండ్, శాంతియుతంగా ఉండాలన్న నోటీసును హైకోర్టులో సవాల్ చేశారు. CEC జ్ఞానేష్ రిజైన్ కోరుతూ అక్టోబర్ 16న CJP చేపట్టిన ‘లెహ్రా దో తిరంగా’ మార్చ్‌కి వెళ్తున్న నేహాను పోలీసులు ప్రివెంటివ్ డిటెన్షన్‌లో ఉంచారు. 17న రిలీజ్ చేశారు. అక్టోబర్ 18న ఆమెకు BNSS సెక్షన్లు 126, 130, 135(3) కింద నోటీసు వచ్చింది. శాంతియుతంగా నిరసన తెలిపే హక్కును పోలీసులు అణచివేస్తున్నారని AISA ఆరోపించింది.
రామనామి సముదాయం.. శరీరమే వారి దేవాలయం
ఛత్తీస్‌గఢ్‌కు చెందిన ప్రసిద్ధ హిందూ భక్తి తెగ అయిన రామనామి సముదాయానికి చెందిన సభ్యులు కోల్‌కతాలో జరుగుతున్న దుర్గాపూజా వేడుకలను సందర్శించారు. కుల వివక్షకు వ్యతిరేకంగా, భక్తిని ఆయుధంగా మలుచుకుని వీరు చేస్తున్న వినూత్న నిరసన దేశవ్యాప్తంగా చర్చనీయాంశంగా ఉంటుంది. ఈ సముదాయానికి చెందిన భక్తులు తమ శరీరమంతా 'రామ్' నామాన్ని పచ్చబొట్లు వేయించుకుంటారు. నుదుటి నుంచి కాళ్ల వరకు ప్రతి అంగుళంపై రామనామం ఉండేలా చూసుకుంటారు.
కాలువలో వ్యక్తి గల్లంతు
మహబూబ్ నగర్ జిల్లా మిడ్జిల్ మండలం అయ్యవారిపల్లికి చెందిన చెన్నకేశులు KLI కాలువలో గల్లంతయ్యారు. సోమవారం స్నానానికి వెళ్లిన ఆయన నీటి ప్రవాహంలో కొట్టుకుపోయినట్లు తెలుస్తోంది. కాలువ అంచున దుస్తులు, చెప్పులు కనిపించడంతో గ్రామస్తులు గాలింపు చేపట్టారు. సమాచారం అందుకున్న తహసీల్దార్ రాఘవేందర్రెడ్డి, ఫైర్ సిబ్బందితో కలిసి కాలువలో గాలింపు చర్యలు కొనసాగిస్తున్నారు.
కనీసం ఇప్పటికైనా చట్టపాలన అమలు కావాలి: నేహా
CJP నేతలు సౌరవ్ దాస్, అశుతోష్ రాంకాల ఐదు రోజుల న్యాయపరమైన కస్టడీ ఈరోజు ముగుస్తుండగా, AISA అధ్యక్షురాలు నేహా.. రత్న సింగ్ పోస్ట్‌ను రీట్వీట్ చేస్తూ, “కనీసం ఇప్పటికైనా చట్టపాలన అమలు కావాలి. వారిని వెంటనే విడుదల చేయండి” అని డిమాండ్ చేశారు. అక్టోబర్ 14న తీహార్ జైలుకు పంపిన వారిని ఈరోజు స్పెషల్ ఎగ్జిక్యూటివ్ మేజిస్ట్రేట్ ముందు హాజరుపరచాల్సి ఉంది. వారిని విడుదల చేస్తారా? లేదా? అనే అనుమానాలు కొనసాగుతున్నాయి.
15 మండలాల్లో బ్యాంకింగ్ సేవలపై ప్రచారం
వనపర్తి జిల్లాలో ప్రజలకు బ్యాంకింగ్ సేవలు, కేంద్ర ప్రభుత్వ సామాజిక భద్రతా పథకాలను చేరువ చేసేందుకు అక్టోబర్ 21 నుంచి డిసెంబర్ 31 వరకు ప్రత్యేక శిబిరాలు నిర్వహించనున్నట్లు కలెక్టర్ ఆదర్శ్ సురభి తెలిపారు. జిల్లాలోని 15 మండలాలు, 268 గ్రామ పంచాయతీలు, 5 మున్సిపాలిటీల పరిధిలో ఈ శిబిరాలు ఏర్పాటు చేయనున్నారు. ప్రతి గ్రామంలో శిబిరం నిర్వహించి, పథకాలపై అవగాహన కల్పించనున్నారు.
జనసేన స్థానిక ఎన్నికల కమిటీ సభ్యుడిగా మహిపాల గణేష్
తూర్పు గోదావరి జిల్లా గోకవరం మండలానికి చెందిన జనసేన కార్యకర్త మహిపాల వీర వెంకట సత్యనారాయణ (గణేష్)కు జగ్గంపేట నియోజకవర్గ స్థానిక ఎన్నికల కోఆర్డినేషన్ కమిటీ నిర్వాహక దళ సభ్యుడిగా బాధ్యతలు అప్పగించారు. పార్టీ అధినేత పవన్ కళ్యాణ్ ఈ నియామక ఉత్తర్వులు జారీ చేశారు. తనపై నమ్మకంతో బాధ్యత ఇచ్చిన పవన్ కళ్యాణ్, నియోజకవర్గ ఇన్‌చార్జి తుమ్మలపల్లి రమేష్‌కు గణేష్ కృతజ్ఞతలు తెలిపారు. పార్టీ బలోపేతానికి కృషి చేస్తానన్నారు.
120 డేటా సెంటర్లకు బ్రేక్
"విశాఖలో AI డేటా సెంటర్ వద్దు" అని స్థానికులు చెబుతున్నా ప్రభుత్వం పట్టించుకోవట్లేదు. అమెరికాలో ఈ సంవత్సరం 120 డేటా సెంటర్లు ఆగిపోయాయని Data Center Watch తెలిపింది. వాటి మొత్తం విలువ ₹18,99,300. Heatmap Pro అంచనా ప్రకారం ₹24,69,100 విలువైన ప్రాజెక్టులు రద్దయ్యాయి. RegLayer (FT) ప్రకారం కనీసం 47 పెద్ద ప్రాజెక్టులు ఆలస్యం/రద్దు/బ్లాక్ అయ్యాయి. ప్రజలు డేటా సెంటర్లు వద్దంటున్నారు. నవంబర్ 3న జరిగే US మిడ్‌టర్మ్‌ ఎన్నికల్లో ఇది కీలక అంశంగా మారింది.
పండగ సాయన్న సమాధి వద్ద నాటక బృందం నివాళులు
తెలంగాణ ప్రజానాయకుడు పండగ సాయన్న పోరాట స్ఫూర్తిని భావితరాలకు పరిచయం చేసేలా రూపొందించిన ‘పండగ సాయన్న’ నాటక పోస్టర్‌ను మంగళవారం మహబూబ్‌నగర్‌లోని ఆయన సమాధి వద్ద ఆవిష్కరించారు. నాటక బృందం నివాళులర్పించింది. ఈ నెల 22న హైదరాబాద్‌ రవీంద్ర భారతిలో జరిగే సాయన్న జయంతి వేడుకల్లో నాటకాన్ని తొలిసారిగా ప్రదర్శించనున్నారు. ప్రముఖ నటుడు తనికెళ్ల భరణి నేపథ్య వ్యాఖ్యానం అందించనున్నారు. కార్యక్రమంలో పలువురు ప్రముఖులు పాల్గొన్నారు.
పొట్ట కొవ్వును తగ్గించే కొత్త ఇంజెక్షన్?
అదిక బరువు తగ్గించేందుకు CBL-514 అనే కొత్త ఇంజెక్షన్‌పై రిసేర్చర్ డాక్టర్ W. Timothy Garvey చేసిన రీసెర్చ్ ఆశాజనక ఫలితాలను చూపించాయి. ఈ ఇంజెక్షన్ స్కిన్ కింద ఉండే కొవ్వుతో పాటు, పొట్టలో అవయవాల చుట్టూ పేరుకునే ప్రమాదకరమైన కొవ్వును కూడా తగ్గించవచ్చని వెల్లడైంది. ఈ పరిశోదనలో పాల్గొన్నవారిలో 8 వారాల తర్వాత కొవ్వు పరిమాణం తగ్గినట్లు గుర్తించారు. అయితే, ఇది ఇంకా పరిశోధన దశలోనే ఉంది. దీని భద్రత, దీర్ఘకాలిక ఫలితాలపై మరిన్ని అధ్యయనాలు అవసరమని తెలిపారు.
మహిళల నొప్పిపై గ్లోబల్ స్టడీ..
<a href="https://www.nature.com/articles/s41591-026-04696-w">‘GRRC-P</a>’ పేరుతో జరిగిన గ్లోబల్ స్టడీలో మహిళలు, పురుషులతో పోలిస్తే ఎక్కువ నొప్పిని అనుభవిస్తున్నట్లు తేలింది. 118 దేశాలకు చెందిన 61 లక్షల మందికి పైగా వివరాలను పరిశీలించి ఈ పరిశోధనను ‘నేచర్ మెడిసిన్’ జర్నల్‌లో ప్రచురించారు. తల, ముఖం, మెడ, వీపు, ఛాతీ, కడుపు, తుంటి, మోకాళ్లు సహా 11 శరీర భాగాల్లోనూ మహిళలు ఎక్కువ నొప్పి ఉన్నట్లు తెలిపారు. కేవలం పెయిన్‌కిల్లర్స్ ఇవ్వడం కాకుండా, అసలు కారణాన్ని గుర్తించి సరైన ట్రీట్‌మెంట్ అందించాలని తెలిపారు.
ఐదేళ్ల బాలుడి నోట్లో గుచ్చుకున్న ఇనుప రాడ్
గుజరాత్‌లోని పాటాన్ జిల్లా షమీ తాలూకా వేద్ గ్రామంలో ఊహించని ప్రమాదం జరిగింది. ఐదేళ్ల బాలుడు తన ఇంటి దగ్గర ఆడుకుంటుండగా ఉన్నట్టుండి కిందపడిపోయాడు. ఆ టైంలో అక్కడున్న ఒక ఇనుప రాడ్ నేరుగా ఆ బాలుడి నోట్లో గుచ్చుకుని బయటకు వచ్చింది. బాలుడికి బాగా రక్తం పోవడంతో చికిత్స కోసం హాస్పిటల్‌కి తరలించారు. డాక్టర్లు ఆపరేషన్ చేసి రాడ్‌ను జాగ్రత్తగా బయటకు తీశారు. బాలుడు ప్రాణాపాయం నుంచి తప్పించుకున్నాడు.
రాఘవాపూర్‌కు కొత్త రోడ్డు.. పనులు ప్రారంభం
పెద్దపల్లి జిల్లా పెద్దపల్లి మండలం రాఘవాపూర్ గొల్లపల్లి గ్రామంలో ₹10 లక్షలతో నిర్మించనున్న నూతన సీసీ రోడ్డుకు ప్రభుత్వ విప్, ఎమ్మెల్యే చింతకుంట విజయరమణారావు శంకుస్థాపన చేశారు. స్థానిక నాయకులతో కలిసి అభివృద్ధి పనులకు శ్రీకారం చుట్టారు. గ్రామీణ ప్రాంతాల్లో రహదారులు, మౌలిక సదుపాయాల అభివృద్ధికి ప్రాధాన్యత ఇస్తున్నట్లు తెలిపారు. ఈ కార్యక్రమంలో ప్రజాప్రతినిధులు, కాంగ్రెస్ నాయకులు, కార్యకర్తలు, గ్రామస్తులు పాల్గొన్నారు.
డేటా సెంటర్ కోసం 'లంచం'?
అమెరికా.. పెన్సిల్వేనియాలో ఈగిల్ రాక్ రిసార్ట్ నివాసులు తమకు ఇస్తున్న ₹9,49,655ను తిరస్కరిస్తున్నారు. "ఆ లంచం మాకొద్దు" అంటున్నారు. 2024 చివరలో 1,200 ఎకరాల అడవిని నరికి నార్త్‌పాయింట్ డెవలప్‌మెంట్ ప్రాజెక్ట్ ప్రారంభమైంది. భారీ డేటా సెంటర్ నిర్మిస్తున్నారు. ఈ ప్రాజెక్టు వల్ల సౌండ్, ఎయిర్ పొల్యూషన్, ఇతర నష్టాలు కలుగుతాయంటూ లోకల్స్ దీన్ని ఆపించగలిగారు. స్థానికులకు పరిహారంగా మనీ ఇచ్చేందుకు కంపెనీ ముందుకొచ్చింది. అయినా వారు గట్టిగా వ్యతిరేకిస్తున్నారు.
హిట్, ఫ్లాప్ కామన్.. యష్ కామెంట్స్
KGF 2’ తర్వాత దాదాపు నాలుగేళ్లకు యష్ నటించిన ‘టాక్సిక్’ సినిమా ఆశించిన స్థాయిలో ఆడలేదు. ఈ టైంలో బెంగళూరులో జరిగిన ‘రామాయణ్’ ట్రైలర్ లాంచ్ ఈవెంట్‌లో యష్ స్పందించారు. సినిమా హిట్ అయినా, ఫ్లాప్ అయినా ఇండస్ట్రీలో కామన్ అని అన్నారు. తనకు మద్దతుగా నిలిచి సినిమా చూసిన అభిమానులకు, కన్నడ ప్రేక్షకులకు థ్యాంక్స్ చెప్పారు. మీ రుణాన్ని ఎప్పటికీ పూర్తిగా తీర్చుకోలేనన్నారు. ఏ సినిమా ఎలాంటి ప్రేక్షకుల కోసం తీస్తున్నామో తమకు స్పష్టత ఉందని యష్ చెప్పారు.
చదువులో సత్తా.. విద్యార్థులకు స్కాలర్‌షిప్‌లు
సిద్దిపేట జిల్లా బెజ్జంకి మండలం చీలాపూర్‌లో ఈవ్స్ స్వచ్ఛంద సంస్థ ఆధ్వర్యంలో 2025–26 విద్యా సంవత్సరానికి ప్రతిభావంతులైన విద్యార్థులకు మెరిట్ స్కాలర్‌షిప్‌లు అందజేశారు. మొదటి స్థానం సాధించిన వారికి ₹1,500, రెండో స్థానం పొందిన వారికి ₹1,000 చొప్పున నగదు బహుమతులు ఇచ్చారు. ఇంటర్, ఎస్‌ఎస్‌సీ, ఏడో తరగతిలో ప్రతిభ చూపిన విద్యార్థులను అభినందించారు. విద్యార్థులు ఉన్నత లక్ష్యాలను చేరుకోవాలని సంస్థ ప్రతినిధులు ఆకాంక్షించారు.
రైలులో ఫోన్ స్పీకర్‌లో పాటలు, వీడియోలు చూస్తున్నారా?
రైలు ప్రయాణంలో ఫోన్‌లో పాటలు, వీడియోలు స్పీకర్‌లో పెట్టి ఇతరులకు ఇబ్బంది కలిగిస్తే జరిమానా తప్పదని దక్షిణ రైల్వే అధికారులు వెల్లడించారు. ఈ రూల్స్ ప్రకారం ₹1,000 జరిమానా విధించడంతో పాటు రైల్వే ప్రాంగణం నుంచి తొలగించవచ్చని, అయినా వినకపోతే ఆరు నెలల వరకు జైలు శిక్ష, ₹.5,000 వరకు జరిమానా పడే అవకాశం ఉందని తెలిపారు. ప్రయాణికులకు ఇబ్బంది కలిగించకుండా ఫోన్‌ను హెడ్‌ఫోన్స్‌తో ఉపయోగించడం మంచిదని సూచిస్తున్నారు.
మైదుకూరు ఎన్నికలు వాయిదా
కడప జిల్లా మైదుకూరు మున్సిపల్ ఎన్నికలను రాష్ట్ర ఎన్నికల సంఘం వాయిదా వేసింది. నామినేషన్ల ప్రక్రియలో తీవ్ర ఉద్రిక్తతలు చెలరేగి, అభ్యర్థుల నామినేషన్ పత్రాలను ప్రత్యర్థులు చించివేయడంతో సరైన స్క్రూటినీ సాధ్యం కాదని జిల్లా కలెక్టర్ SEC రిపోర్ట్ ఇచ్చారు. దీని ఆధారంగా ఎన్నికల కమిషనర్ అనిల్ చంద్ర పునేఠా ఎన్నికను వాయిదా వేస్తున్నట్లు ప్రకటించారు. నామినేషన్ కేంద్రంలోకి గుంపు చొరబడి ధ్వంసం చేసిన ఘటన రాజకీయ వర్గాల్లో తీవ్ర చర్చగా మారింది. నెక్ట్స్ ఉత్తర్వులు వచ్చే వరకు ప్రక్రియకు బ్రేక్ పడినట్లే.
కడపలో దళిత అభ్యర్థిపై దాడి!
కడప పట్టణంలోని 27వ వార్డు దళిత కార్పొరేటర్ అభ్యర్థి బి. శ్యాంసన్, ఆయన కుటుంబ సభ్యులపై దాడి చేసి నామినేషన్ పత్రాలు చించివేశారని ఆరోపణలు వెల్లువెత్తాయి. లోమడ చంద్రమోహన్ రెడ్డి అనుచరులే ఈ దాడికి పాల్పడ్డారని బాధితుడు ఆరోపించారు. గాయపడిన వారికి పోలీసులు రక్షణ కల్పించలేదని, ఫిర్యాదు నమోదు చేయలేదని పేర్కొన్నారు. ఈ ఘటనపై జాతీయ ఎస్సీ కమిషన్, జాతీయ మానవ హక్కుల కమిషన్‌కు ఫిర్యాదు చేయనున్నట్లు శ్యాంసన్ తెలిపారు.
గ్యాంగ్‌స్టర్ల కోసమే పోలీసులు: అభిజీత్ దీప్కే
గ్యాంగ్‌స్టర్ల పట్ల పోలీసులు చూపే గౌరవాన్ని.. ప్రొటెస్టర్లపై చూపాలన్నారు CJP ఫౌండర్ అభిజీత్ దీప్కే. ఢిల్లీ ఈస్ట్ DCP అభిషేక్ ధానియా 2025 ఆగస్టులో గ్యాంగ్‌స్టర్ లారెన్స్ బిష్ణోయ్‌ని “లారెన్స్ బిష్ణోయ్ సాహెబ్” అని పిలిచిన వీడియోని ఇవాళ ట్వీట్ చేశారు అభిజీత్. నటుడు టైగర్ ష్రాఫ్‌పై నిన్న ముంబైలో జరిగిన కాల్పుల వెనక బిష్ణోయ్ గ్యాంగ్ ఉందని క్లెయిమ్స్ రావడంతో ఈ వీడియో వైరల్ అయింది. నోరు జారానన్న DCP, తన సీనియర్ ఓమ్‌వీర్ బిష్ణోయ్ గుర్తొచ్చారని చెప్పారు.