Health

Health· 9 Oct 2026

క్యాన్సర్ మందుల ధరలకు కత్తెర.. రోగులకు భారీ ఊరట!

క్యాన్సర్ మందుల ధరలకు కేంద్రం కత్తెర వేసింది. ధరల నియంత్రణలో లేని మందులపై ట్రేడ్ మార్జిన్‌ను 30 శాతానికి పరిమితం చేసింది. ఈ నెలాఖరు నుంచి 35 పేటెంట్ మందులు సహా 110 రకాల ఔషధాల ధరలు తగ్గనున్నాయి. రోగులకు ఏడాదికి ₹2,500 కోట్లు ఆదా అవుతాయని అంచనా. బ్రాండెడ్, జెనరిక్, స్వదేశీ, విదేశీ మందులకూ ఈ నిబంధన వర్తిస్తుంది. మందుల అధిక ధరలపై సుప్రీంకోర్టు ఆగ్రహం వ్యక్తం చేస్తూ, ఔషధ కంపెనీల అక్రమ వ్యాపారాలను అరికట్టేందుకు చట్టం తేవాలని కేంద్రానికి సూచించింది.

Health· 7 Oct 2026

నవ్వవయ్యా బాబు.. నీకోసమే!

రోజూ ఓ మంచి నవ్వు స్ట్రెస్ తగ్గించడమే కాదు.. లంగ్స్, హార్ట్, బ్లడ్ షుగర్ ఆరోగ్యానికి కూడా మేలు చేయొచ్చని స్టడీస్ చెబుతున్నాయి. గట్టిగా నవ్వినప్పుడు శ్వాస వేగంగా మారడంతో లంగ్స్‌లోని మ్యూకస్ బయటకు రావడానికి సహాయపడొచ్చు. లాఫ్టర్ థెరపీ వల్ల గుండె ఆరోగ్యంలో మార్పులు కనిపించగా, లాఫ్టర్ యోగాతో బ్లడ్ షుగర్, స్లీప్ కూడా మెరుగుపడొచ్చని పరిశోధనలు చెబుతున్నాయి. అయితే నవ్వడం మెడికల్ ట్రీట్‌మెంట్‌కు ప్రత్యామ్నాయం కాదు.

Health· 7 Oct 2026

AI కెరీర్‌ ప్లాన్ చేస్తున్నారా? ఇది మిస్‌ చేయొద్దు!

AI, కోడింగ్ స్కిల్స్ ఉన్నాయా? అయితే హెల్త్‌కేర్ AIలో జాబ్‌కి ఇంకో కీలకమైన స్కిల్ కూడా కావాల్సిందే! GE హెల్త్‌కేర్‌కి చెందిన గిరీష్ రాఘవన్ ప్రకారం.. డాక్టర్లు ఎలా పనిచేస్తారు, పేషెంట్లకు ఏం అవసరమో ఇంజినీర్లు కూడా తెలుసుకోవాలి. AI తప్పుగా సమస్య ఉందంటే అవసరం లేని Tests పెరగొచ్చు. సమస్యను గుర్తించకపోతే ట్రీట్‌మెంట్ ఆలస్యం కావచ్చు. అందుకే Techతో పాటు మెడికల్ ఫీల్డ్‌పై అవేర్‌నెస్ కూడా అవసరమని సూచించారు.

Health· 7 Oct 2026

కొలెస్ట్రాల్‌ బాగున్నా.. గుండెకు ముప్పు?

రక్తంలో ఉండే లైపోప్రొటీన్‌(A) అనే కొవ్వు కణం ఎక్కువగా ఉన్నవారికి గుండె జబ్బులు, గుండెపోటు ముప్పు పెరగొచ్చని డాక్టర్లు చెబుతున్నారు. ఇది ఎక్కువగా తల్లిదండ్రుల నుంచి జన్యువుల ద్వారా వస్తుంది. సాధారణ కొలెస్ట్రాల్‌ పరీక్షలో స్థాయిలు బాగున్నా.. కొందరిలో లైపోప్రొటీన్‌(A) ఎక్కువగా ఉండొచ్చు. స్థాయి ఎక్కువగా ఉంటే LDL(Low-Density Lipoprotein) కొలెస్ట్రాల్‌, BP, షుగర్‌ను అదుపులో ఉంచుకోవడం ద్వారా గుండె ముప్పును తగ్గించుకోవచ్చు.

▶

Health· 6 Oct 2026

"పిల్లలకు అక్కడ ఇంజెక్షన్.. డేంజర్"

పిల్లలకు పిర్రలపై ఇంజెక్షన్ లేదా వ్యాక్సిన్ ఎట్టి పరిస్థితుల్లో ఇప్పించవద్దు అని అలర్ట్ ఇచ్చారు ప్రఖ్యాత పీడియాట్రీషియన్ డాక్టర్ శివరంజని. తొడలో కానీ, భుజంపై గానీ ఇంజెక్షన్ వెయ్యవచ్చని చెప్పిన ఆమె.. మజిల్‌లో వేసే ఇంజెక్షన్‌కి.. ముఖ్యంగా 2 ఏళ్ల లోపు పిల్లలకైతే.. తొడలో మాత్రమే వెయ్యాలని అమె తెలిపారు. ముడ్డిలో సయాటిక్ నరం ఉంటుందన్న డాక్టర్.. పొరపాటున ఆ నరంలో ఇంజెక్షన్ వేస్తే, పక్షవాతం కూడా వచ్చే ప్రమాదం ఉంటుందని హెచ్చరించారు.

Health· 6 Oct 2026

టార్గెట్ వెయిట్ లాస్ కాదు.. ఫ్యాట్ లాస్!

ఓవర్‌వెయిట్ తగ్గించే మందుల్లో ఇప్పుడు సైంటిస్టుల ఫోకస్ మారుతోంది. వేగంగా వెయిట్ లాస్ అయితే ఫ్యాట్‌తో పాటు కండరాలు కూడా తగ్గి, గాయపడటం లేదా కిందపడిపోయే రిస్క్ పెరుగుతుంది. దీంతో నోవో, లిల్లీ, రిజనేరన్ కంపెనీలు మజిల్ ప్రొటెక్షన్, బాడీ ఫ్యాట్ టార్గెటింగ్‌పై కొత్త మందులను టెస్ట్ చేస్తున్నాయి. కొన్ని రీసెర్చ్‌లలో కండరాల నష్టం తగ్గడంతో పాటు పొట్ట, లివర్ చుట్టూ ఉన్న కొవ్వు కరిగినట్లు తేలింది. ఇక టార్గెట్ వెయిట్ లాస్ కాదు.. హెల్తీ ఫ్యాట్ లాస్!

Health· 5 Oct 2026

రాత్రిపూట కాళ్లనొప్పులు ఎందుకు?

కొందరికి రాత్రిపూట విపరీతంగా కాళ్ల నొప్పులు వస్తుంటాయి. ఎన్ని మందులు వాడినా ప్రయోజనం ఉండదు. ఇందుకు కారణం శరీరంలో నీటి శాతం తగ్గడం, నరాల సమస్యలు, రక్త ప్రసరణ సరిగా జరగకపోవడం అంటున్నారు వైద్యులు. శరీరంలో తగినంత నీరు లేకపోతే కండరాలు బిగుసుకుపోయి రాత్రి సమయంలో నొప్పులు వస్తాయంటున్నారు. పొటాషియం, మెగ్నీషియం, కాల్షియం వంటి ఖనిజాల లోపం వల్ల కూడా కండరాల పనితీరు దెబ్బతింటుందంటున్నారు. సమతుల్య ఆహారంతోపాటు తగినంత నీరు తాగడం అవసరమంటున్నారు.

Health· 5 Oct 2026

బీపీ, షుగర్‌, కిడ్నీ సమస్యలకు ఒకే చికిత్స విధానం!

బీపీ, షుగర్‌, కిడ్నీ సమస్యలను విడివిడిగా కాకుండా ఒకదానితో ఒకటి సంబంధం ఉన్న సమస్యలుగా చూసి చికిత్స అందించాలని వైద్య నిపుణులు సూచించారు. ‘వారణాసి డిక్లరేషన్‌ 2026’లో ఈ సమస్యలపై ప్రత్యేకంగా చర్చించారు. ఈ మూడు సమస్యలు ఉన్నవారికి గుండె జబ్బుల ముప్పు కూడా పెరుగుతుందని తెలిపారు. అందుకే 35 ఏళ్లు దాటిన వారికి బీపీ, షుగర్‌, కిడ్నీ పనితీరుపై పరీక్షలు చేయాలని సూచించారు. దేశంలో ప్రజలకు సులభంగా పరీక్షలు, సరైన చికిత్స అందేలా చర్యలు తీసుకోవాలని కోరారు.

Health· 5 Oct 2026

స్మోకింగ్ లేదు.. అయినా లంగ్ క్యాన్సర్ షాక్!

నాలుగేళ్లుగా దగ్గు.. స్మోకింగ్ అలవాటు లేదు. అయినా 30 ఏళ్ల రసికకు లంగ్ క్యాన్సర్ షాక్ ఇచ్చింది. తొలుత డాక్టర్లు అనుమానించకపోయినా.. ఆమె పట్టుబట్టి CT స్కాన్ చేయించుకోవడంతో అసలు విషయం బయటపడింది. అప్పటికే క్యాన్సర్ లింఫ్ నోడ్స్‌కు వ్యాపించింది. స్మోకర్స్, 50+ వయసువారే కాదు.. ఎయిర్ పొల్యూషన్, సెకండ్‌హ్యాండ్ స్మోక్, జెనెటిక్స్ వల్ల నాన్‌-స్మోకర్స్‌కూ రిస్క్ ఉంది. ఎక్కువ రోజులు దగ్గు ఉంటే లైట్ తీసుకోకుండా డాక్టర్‌ను సంప్రదించాలి.

Health· 5 Oct 2026

రోజంతా కుర్చీలోనేనా? బాడీ బెల్స్‌ మోగుతున్నాయ్!

రోజూ గంటల తరబడి ల్యాప్‌టాప్ ముందు కూర్చుంటున్నారా? అయితేనే బ్యాక్, నెక్, షోల్డర్ పెయిన్ జాగ్రత్త! సరైన పోష్చర్ లేకపోవడం, ఎక్కువసేపు కూర్చోవడం వల్ల ఉద్యోగుల్లో ఈ సమస్యలు పెరుగుతున్నాయి. భారత్‌లో 60% మంది ఉద్యోగులకు లోయర్ బ్యాక్ పెయిన్, 40% మందికి నెక్ పెయిన్ ఉన్నట్లు అధ్యయనాలు చెబుతున్నాయి. ఎక్కువ వర్కింగ్ అవర్స్, స్ట్రెస్, ఎక్సర్‌సైజ్‌కు టైమ్ లేకపోవడం పరిస్థితిని దిగజారుస్తోంది. హెల్త్ క్యాంపులు, యోగా, ఇన్సూరెన్స్‌తో పాటు వర్క్ అవర్స్ తగ్గించాలి.

Health· 5 Oct 2026

యూరోపియన్ల కంటే 10 ఏళ్లు ముందే డయాబెటిస్‌!

యూరోపియన్లతో పోలిస్తే భారతీయులు సహా దక్షిణాసియా ప్రజలకు టైప్-2 డయాబెటిస్‌ దాదాపు 10 ఏళ్ల ముందే వచ్చే అవకాశం ఉందని నిపుణులు తెలిపారు. పొట్ట చుట్టూ ఫ్యాట్ ఎక్కువగా ఉండటం, ఇన్సులిన్‌ సరిగా పనిచేయకపోవడం, రక్తంలో కొవ్వులు పెరగడం ఇందుకు కారణాలుగా చెప్పారు. భారతీయుల ఆహారంలో కార్బోహైడ్రేట్లు ఎక్కువగా, ప్రొటీన్‌, ఫైబర్‌ తక్కువగా ఉంటున్నాయని అధ్యయనం తెలిపింది. డయాబెటిస్‌ ముప్పు తగ్గాలంటే ఆహారపు అలవాట్లు మార్చుకోవాలని డాక్టర్స్ సూచించారు.

Health· 4 Oct 2026

Stress తీసుకుంటే.. Hair Fall తప్పదా?

తెలంగాణ యువతలో మెంటల్ టెన్షన్, నిద్రలేమి ఎక్కువగా ఉన్నట్లు ‘ట్రయా’ స్టడీలో తేలింది. దేశవ్యాప్తంగా 5 లక్షల 6 వేల మంది పురుషులపై చేసిన సర్వే ప్రకారం.. 29 నుంచి 31 ఏళ్ల వారిలో ఒత్తిడి.. నేషనల్ యావరేజ్ ప్రకారం 54.6% ఉండగా, తెలంగాణలో 63.6%గా ఉంది. దీంతో రాష్ట్రం 2వ స్థానంలో నిలిచింది. నిద్రలేమిలోనూ 36.7%తో తెలంగాణ 2వ స్థానంలో ఉంది. స్ట్రెస్, Sleep problems, పోషకాల లోపం కారణంగా చిన్న వయసులోనే హెయిర్ ఫాల్ సమస్య పెరుగుతోందని ఎక్స్‌పర్ట్స్ చెబుతున్నారు.

Health· 3 Oct 2026

పెద్దలూ టీకా వేసుకోవాల్సిందే!

టీకాలు కేవలం చిన్నపిల్లలకే కాకుండా 18 ఏళ్లు దాటిన పెద్దలకు కూడా ఎంతో అవసరమని హెల్త్ ఎక్స్‌పర్ట్స్ చెప్తున్నారు. వయసు పెరిగే కొద్దీ బాడీలో ఇమ్యూనిటీ లెవెల్స్ తగ్గడం, శీతాకాలంలో వైరస్ ఇన్ఫెక్షన్లు పెరిగే ఛాన్స్ ఉండటంతో వ్యాక్సినేషన్ రక్షణ కవచంలా పనిచేస్తుందటున్నారు. ముఖ్యంగా 50 ఏళ్లు దాటిన వారు, షుగర్, BP, ఆస్తమా ఉన్నవారు ఏటా ఫ్లూ వ్యాక్సిన్ తీసుకోవడం బెటర్. అంతేకాకుండా హెపటైటిస్-బి, చికెన్‌‌పాక్స్, టిడాప్, యాంటీ రేబీస్ వంటి వ్యాక్సిన్లను హెల్త్ కండిషన్ బట్టి డాక్టర్ సలహాతో డోసులు తీసుకోవాలి.

Health· 2 Oct 2026

స్కిన్ కేర్ ముందు.. ఈ కెమికల్స్ తప్పక చెక్ చేయండి!

స్కిన్, జుట్టు కోసం రకరకాల కాస్మొటిక్స్ వాడుతుంటాం. ఎవరో సజెస్ట్ చేశారని వెంటనే కొనకుండా.. అందులో ఏ కెమికల్స్ ఉన్నాయో చెక్ చేయాలని ఎక్స్‌పర్ట్స్ సూచిస్తున్నారు. స్కిన్‌కు ఇరిటేషన్, అలర్జీ వంటి సమస్యలకు కారణమయ్యే ఛాన్స్ ఉందని చెబుతున్నారు. అందుకే కాస్మొటిక్స్ కొనేముందు ఇన్‌గ్రిడియెంట్స్ లిస్ట్‌ను ఒకటికి రెండుసార్లు చెక్ చేయడం బెటర్. ముఖ్యంగా సల్ఫేట్స్, ట్రైక్లోసన్, పెట్రోకెమికల్స్, పారాబెన్స్ వంటి కెమికల్స్ ఉన్నాయా లేదా చూసుకోవాలని సూచిస్తున్నారు.

Health· 2 Oct 2026

ఫుడ్ ప్యాకెట్లపై ఇక ‘రెడ్ ఫ్లాగ్’.. FSSAI ప్లాన్

ఇకపై బిస్కెట్లు, ప్యాకేజ్డ్ డ్రింక్స్ వంటి ఫుడ్ ప్యాకెట్లపై రెడ్ హెక్సాగన్ వార్నింగ్ లేబుల్ కనిపించే అవకాశం ఉంది. షుగర్, సాచురేటెడ్ ఫ్యాట్, ఉప్పు ఎక్కువగా ఉన్న ఫుడ్స్‌ను ఈ లేబుల్‌తో గుర్తించేలా FSSAI ప్రపోజల్ చేసింది. కొనేటప్పుడు హెల్త్ రిస్క్స్‌ను ఈజీగా గుర్తించి డెసిషన్ తీసుకోవడం ఈజీ చేయడమే టార్గెట్. దీనిపై FSSAI సుప్రీంకోర్టుకు ఇచ్చిన అఫిడవిట్‌లో ఈ కొత్త ప్లాన్‌ను ముందుకు తెచ్చింది.

Health· 2 Oct 2026

ఈ Healthy స్నాక్‌ను మిస్ అవ్వకండి!

సాయంత్రం స్నాక్స్‌గా బిస్కెట్లు, పకోడీలకు బదులుగా గుప్పెడు వేయించిన శనగలు ట్రై చేయొచ్చు. వీటిలో ప్రొటీన్, ఫైబర్, ఐరన్, విటమిన్లు ఎక్కువగా ఉంటాయి. ఫైబర్ వల్ల ఎక్కువసేపు కడుపు నిండిన ఫీలింగ్ ఉండి, ఎక్స్‌ట్రా కేలరీలు తీసుకోవడం తగ్గొచ్చు. తక్కువ గ్లైసెమిక్ ఇండెక్స్‌ కారణంగా బ్లడ్‌లో షుగర్ వేగంగా పెరగకుండా సహాయపడతాయి. డైజెస్టివ్ ప్రాసెస్, హార్ట్ కేర్‌కు కూడా ఇవి మంచి ఫలితాలు ఇస్తాయి.

Health· 2 Oct 2026

విటమిన్ డీ లోపం.. గుండె కణాల్లో ఒత్తిడి

విటమిన్ డీ లోపం గుండె కణాలపై ప్రభావం ఉంటుందని హైదరాబాద్‌లోని ICMR-నేషనల్ ఇన్‌స్టిట్యూట్ ఆఫ్ న్యూట్రిషన్ (NIN) రిసెర్చ్ లో తేలింది. విటమిన్ డీ తక్కువగా ఉంటే గుండె కణాల్లో ఆక్సిడేటివ్ స్ట్రెస్ పెరిగి, కణాలు దెబ్బతినే ప్రమాదం ఉందని రిసేరచర్స్ గుర్తించారు. అయితే ఈ అధ్యయనం ఎలుకలు, ల్యాబ్‌లో పెంచిన గుండె కణాలపై మాత్రమే జరిగింది. మనుషులపై దీని ప్రభావాన్ని నిర్ధారించేందుకు మరిన్ని పరిశోధనలు అవసరమని NIN తెలిపింది.

Health· 1 Oct 2026

వీకెండ్‌లో ఎక్కువ నిద్రపోతే సరిపోదు..!

వారంలో రోజూ సరిపడా నిద్రపోకపోతే ‘స్లీప్ డెబిట్’ పెరుగుతుంది. రోజుకు కనీసం 7 గంటలు నిద్రపోవాలని నిపుణులు సూచిస్తున్నారు. వారంలో తక్కువగా నిద్రపోయి వీకెండ్‌లో ఎక్కువసేపు పడుకోవడం కొంత ఉపశమనం ఇవ్వొచ్చు. కానీ నిద్రలేమి ప్రభావాలను పూర్తిగా భర్తీ చేయదు. తక్కువ నిద్ర కొనసాగితే శరీర పనితీరుపై ప్రభావం పడొచ్చు. అందుకే వీలైనంత వరకు ప్రతిరోజూ ఒకే సమయానికి సరిపడా నిద్రపోవడం మంచిది.