TG

TG· 30 Jul 2026

వాగులు, వంతెనల వద్ద భద్రత కట్టుదిట్టం

TG: కుమురం భీమ్ ఆసిఫాబాద్ జిల్లాలో ఎడతెరిపి లేకుండా కురుస్తున్న భారీ వర్షాల నేపథ్యంలో జిల్లా పోలీస్ యంత్రాంగం <a href="https://www.theclearcutnews.com/n/oGAcrp9">హైఅలర్ట్</a> ప్రకటించింది. జిల్లా ఎస్పీ నితికా పంత్ కాగజ్‌నగర్ పెద్దవాగు, దహెగాం, పెంచికల్‌పేట్ ప్రాంతాల్లో వరద ముంపు ప్రాంతాలను స్వయంగా పరిశీలించారు. వాగులు, వంతెనల వద్ద పోలీసులు, SDRF బృందాలు అప్రమత్తంగా విధులు నిర్వహించాలని ఆదేశించారు. లైఫ్ జాకెట్లు, లైఫ్ బాయ్స్, తాళ్లు సిద్ధంగా ఉంచాలని సూచించారు. ప్రమాదకర ప్రాంతాలకు ప్రజలు వెళ్లొద్దన్నారు.

TG· 30 Jul 2026

మద్యం మత్తులో అంబులెన్స్ డ్రైవర్

TG: హైదరాబాద్‌లో డ్రంకన్ డ్రైవ్ తనిఖీల్లో షాకింగ్ ఘటన వెలుగుచూసింది. గచ్చిబౌలి ఆల్ సబా హోటల్ సమీపంలో రాయదుర్గం పోలీసులు తనిఖీలు నిర్వహించగా, అంబులెన్స్ డ్రైవర్ రాఘవేంద్ర మద్యం మత్తులో వాహనం నడుపుతూ పట్టుబడ్డాడు. బ్రీత్ అనలైజర్ పరీక్షలో అతనికి ఏకంగా 324 రీడింగ్ నమోదవడంతో పోలీసులు షాకయ్యారు. రోగుల ప్రాణాలను కాపాడాల్సిన అంబులెన్స్‌ను ఇంత ప్రమాదకర స్థితిలో నడపడం తీవ్ర నిర్లక్ష్యంగా పోలీసులు పేర్కొన్నారు. డ్రైవర్‌పై డ్రంకన్ డ్రైవ్ కేసు నమోదు చేసి అంబులెన్స్‌ను సీజ్ చేశారు.

TG· 30 Jul 2026

కడెం జలాశయంలోకి పోటెత్తుతున్న వరద

గత రెండు రోజులుగా కురుస్తున్న వర్షాలకు నిర్మల్ జిల్లాలోని కడెం ప్రాజెక్టుకు భారీగా వరద నీరు చేరుతోంది. అధికారులు అప్రమత్తమై ప్రాజెక్టు 9 గేట్లను ఎత్తి దిగువకు నీటిని విడుదల చేశారు. ప్రాజెక్టు వద్ద పరిస్థితిని జిల్లా SP జానకి షర్మిల క్షేత్రస్థాయిలో పరిశీలించి అధికారులతో వరద పరిస్థితిపై సమీక్ష నిర్వహించారు. ప్రాజెక్టు పరిసర ప్రాంతాల్లో భద్రతను మరింత కట్టుదిట్టం చేయాలని పోలీసులకు ఆదేశించారు. ఎట్టి పరిస్థితుల్లోనూ ప్రాజెక్టు సమీపానికి వెళ్లొద్దని, వరద నీటిలో సెల్ఫీలు, ఫోటోలు తీయొద్దని హెచ్చరించారు.

TG· 30 Jul 2026

ఇవాళ ‘రంగులూ, ఫిరంగులూ’ పుస్తకావిష్కరణ

TG: ప్రముఖ రచయిత దివంగత రాచకొండ విశ్వనాథ శాస్త్రి(రావిశాస్త్రి) రచనల్లోని కీలక వాక్యాలను , గుర్తుంచుకోదగిన పేరాలను, వ్యంగాత్మక సంభాషణలను, విషాద దృశ్యాలను సేకరించి ‘రంగులూ, ఫిరంగులూ’ పేరుతో 350 పేజీల పుస్తకంగా తీసుకొస్తున్నారు. ఇవాళ సాయంత్రం 6 గంటలకు హైదరాబాద్ నగరంలోని బషీర్‌బాగ్ ప్రెస్‌క్లబ్‌లో ఈ పుస్తకాన్ని ఆవిష్కరించనున్నారు. రచయితలు ఎం.ఎస్.నాయుడు, మృణాళిని, జి.ఎస్.చలం తదితరులు పాల్గొంటారు.

▶

TG· 30 Jul 2026

ఉప్పొంగిన పొచ్చెర జలపాతం.. హైఅలర్ట్

TG: ఆదిలాబాద్ జిల్లాలో కురుస్తున్న భారీ వర్షాలకు ప్రముఖ పర్యాటక కేంద్రం పొచ్చెర జలపాతం ఉగ్రరూపం దాల్చింది. గత రెండు రోజులుగా కురుస్తున్న ఎడతెరిపి లేని వర్షాలతో ఎగువ ప్రాంతాల నుంచి భారీగా వరద నీరు చేరి జలపాతం ప్రమాదకర స్థాయిలో ప్రవహిస్తోంది. వరద ఉధృతి నిన్నటితో పోలిస్తే మరింత పెరగడంతో అటవీ శాఖ అధికారులు అప్రమత్తమయ్యారు. పర్యాటకుల భద్రత దృష్ట్యా జలపాతం సందర్శనను తాత్కాలికంగా నిలిపివేసి, ఎవరినీ అనుమతించడం లేదు. వరద ప్రవాహం తగ్గే వరకు పొచ్చెర జలపాతం వద్దకు రావద్దని అధికారులు విజ్ఞప్తి చేశారు.

TG· 30 Jul 2026

CM ఉన్న విమానం గాల్లోనే చక్కర్లు.. ఉత్కంఠ

TG: ఢిల్లీ నుంచి హైదరాబాద్‌కు వస్తున్న ఇండిగో విమానంలో ప్రయాణిస్తున్న CM రేవంత్ రెడ్డికి తృటిలో పెనుప్రమాదం తప్పింది. శంషాబాద్ విమానాశ్రయంలో ల్యాండింగ్‌కు సిద్ధమైన సమయంలో ఎయిర్ ట్రాఫిక్ కంట్రోల్ నుంచి తుది క్లియరెన్స్ అందకపోవడంతో పైలట్ అప్రమత్తంగా వ్యవహరించి చివరికి సేఫ్‌గా దించారు. రన్‌వేపై ల్యాండింగ్ ప్రయత్నాన్ని నిలిపివేసి విమానాన్ని మళ్లీ గాల్లోకి తీసుకెళ్లారు. దాదాపు 20 నిమిషాల పాటు గాల్లో చక్కర్లు కొట్టిన అనంతరం విమానాన్ని సురక్షితంగా శంషాబాద్ విమానాశ్రయంలో ల్యాండ్ చేశారు.

TG· 30 Jul 2026

4 మెగా ఇండస్ట్రియల్ పార్కులు

TG: హైదరాబాద్ శివారులో నాలుగు కొత్త పారిశ్రామిక పార్కులు ఏర్పాటు చేయడానికి కేంద్రప్రభుత్వ భారత్ ఔద్యోగిక్ వికాస్ యోజన పథకం కింద చర్యలు వేగవంతమయ్యాయి. తొలి దశలో తిమ్మాపూర్, ఎలిమినేడు, మాదారం, దండుమైలారం ప్రాంతాల్లో పార్కులు ఏర్పాటు చేయనున్నట్లు రాష్ట్ర ప్రభుత్వ ప్రధాన కార్యదర్శి సంజయ్ జాజు తెలిపారు. త్వరలో కేంద్రానికి DPR సమర్పించనున్నట్లు వెల్లడించారు. అదనంగా మరో 16 ప్రాంతాల్లో పారిశ్రామిక పార్కుల ఏర్పాటుకు ప్రతిపాదనలు సిద్ధం చేస్తున్నట్లు పేర్కొన్నారు.

TG· 30 Jul 2026

పర్యావరణ అనుమతులపై సుప్రీంకోర్టు కీలక నిర్ణయం

TG: సుప్రీంకోర్టు కీలక తీర్పుతో తెలంగాణలోని పాలమూరు–రంగారెడ్డి ఎత్తిపోతల పథకం, సీతమ్మసాగర్ బ్యారేజీ, డిండి ఎత్తిపోతల పథకం, గౌరవెల్లి రిజర్వాయర్ ప్రాజెక్టులకు పర్యావరణ అనుమతుల ప్రక్రియ సుగమమైంది. 2017 నాటి ప్రత్యేక మినహాయింపు నోటిఫికేషన్‌ను సమర్థించిన ధర్మాసనం, భవిష్యత్తులో సాధారణ మినహాయింపులు ఇవ్వకుండా కేంద్రాన్ని ఆదేశించింది. 2021లో జారీచేసిన ఎక్స్‌పోస్ట్ ఫ్యాక్టో అనుమతుల ఆఫీస్ మెమోరాండంను రద్దు చేసింది. పర్యావరణ అనుమతులు తీసుకున్న తర్వాతే ప్రాజెక్టు పనులు ప్రారంభించాలని స్పష్టం చేసింది.

TG· 29 Jul 2026

సుప్రీంకోర్టు తీర్పుతో సాగునీటి ప్రాజెక్టులకు బిగ్ రిలీఫ్

TG: తెలంగాణలోని పాలమూరు-రంగారెడ్డి, సీతమ్మ సాగర్, గౌరవెల్లి రిజర్వాయర్ లాంటి సాగునీటి ప్రాజెక్టులకు సుప్రీంకోర్టు రిలీఫ్ ఇచ్చింది. 2021లో కేంద్ర పర్యావరణ శాఖ జారీ చేసిన ఆఫీస్ మెమోరాండాన్ని రద్దు చేసినా, దాని ఆధారంగా ఇప్పటికే మంజూరైన పర్యావరణ అనుమతులు చెల్లుబాటులోనే ఉంటాయని తెలిపింది. ఈ తీర్పు భవిష్యత్తు ప్రాజెక్టులకు మాత్రమే వర్తిస్తుందని, కొత్త ప్రాజెక్టులకు ముందస్తు అనుమతులు తప్పనిసరి అని చెప్పింది. తెలంగాణలో కొనసాగుతున్న ప్రాజెక్టుల నిర్మాణాలకు చట్టపరమైన అడ్డు ఉండదనే స్పష్టత వచ్చింది.

TG· 29 Jul 2026

అక్కపెల్లి వద్ద రాకపోకలు బంద్.. హైఅలర్ట్

TG: మంచిర్యాల జిల్లా చెన్నూరు మండలం అక్కపెల్లి గ్రామం వద్ద పాలవాగు ఉప్పొంగి లోలెవల్ వంతెనపై వరద నీరు ప్రవహిస్తోంది. దీంతో అధికారులు రహదారిని పూర్తిగా మూసివేసి రెండు వైపులా బారికేడ్లు ఏర్పాటు చేశారు. తహసీల్దార్ మల్లికార్జున్, సీఐ, ఎంపీడీవో కలిసి పరిస్థితిని పరిశీలించి పోలీస్ బందోబస్తు ఏర్పాటు చేశారు. అత్యవసరమైతే తప్ప ప్రజలు బయటకు రావద్దని, వాగులు, చెరువుల వద్దకు వెళ్లి చేపల వేట, ఈత, ఫోటోలు తీయొద్దని సూచించారు. శిథిలావస్థలో ఉన్న ఇళ్లను ఖాళీ చేసి సురక్షిత ప్రాంతాలకు వెళ్లాలన్నారు.

TG· 29 Jul 2026

ప్రాణహిత, గోదావరి నదుల ఉగ్రరూపం.. హైఅలర్ట్

TG: మంచిర్యాల జిల్లా కోటపల్లి మండలంలో జిల్లా కలెక్టర్ కుమార్ దీపక్ ప్రాణహిత, గోదావరి నదుల వరద పరిస్థితిని పరిశీలించారు. భారీ వర్షాల నేపథ్యంలో అన్ని శాఖల అధికారులు <a href="https://www.theclearcutnews.com/n/ru3a7Gr">అప్రమత్తం</a>గా ఉండాలని ఆదేశించారు. మట్టి, పెంకుటిళ్లు, రేకుల ఇళ్లలో నివసించే ప్రజలు వీలైనంత త్వరగా సురక్షిత ప్రాంతాలు లేదా పునరావాస కేంద్రాలకు వెళ్లాలని సూచించారు. నదులు, వాగులు, చెరువుల వద్దకు వెళ్లవద్దని, చేపల వేట, ఈత, స్నానాలు పూర్తిగా నివారించాలని హెచ్చరించారు. గ్రామాల్లో ప్రజలకు నిరంతరం అవగాహన కల్పించాలని అధికారులను ఆదేశించారు.

TG· 29 Jul 2026

మహిళను వేధించిన జూబ్లీహిల్స్ SHO సస్పెండ్

TG: ఒక మహిళను వేధించి, బ్లాక్‌మెయిల్ చేసిన ఆరోపణలపై జూబ్లీహిల్స్ SHO యు. శ్రీనివాసులు రెడ్డిని అధికారులు సస్పెండ్ చేశారు. ఓ కేసు కోసం వచ్చిన తనను లోబరుచుకుని, లైంగికంగా వేధించి, అబార్షన్ చేయించాడని బాధితురాలు కంప్లైంట్ ఇచ్చింది. ప్రైవేట్ వీడియోలతో బెదిరించి రూ. 2 కోట్లు అడిగాడని చెప్పింది. జూబ్లీహిల్స్ పోస్టింగ్ కోసం ఆయన రూ. 25 లక్షలు లంచం ఇచ్చాడని కూడా ఆరోపించింది. ప్రస్తుతం ఈ ఘటనపై పోలీసులు విచారణ చేస్తున్నారు.

TG· 29 Jul 2026

బాలసదన్ నుంచి ఇద్దరు బాలికలు మిస్సింగ్

పెద్దపల్లి జిల్లా సుల్తానాబాద్‌లోని బాలసదన్ చిల్డ్రన్ హోమ్ నుంచి ఇద్దరు బాలికలు అదశ్యమయ్యారు. మార్కండేయ కాలనీలో ఉన్న బాలసదన్‌లో కుర్చీలు వేసుకుని కాంపౌండ్ గోడ దూకి తెల్లవారుజామున వెళ్లిపోయినట్లు అధికారులు గుర్తించారు. పాలితం గ్రామానికి చెందిన 9వ తరగతి విద్యార్థిని ఉమామహేశ్వరి(15), ఉప్పరిపల్లెకు చెందిన 4వ తరగతి విద్యార్థిని ఆకృతి(8) మిస్సయ్యారు. ఉమామహేశ్వరి 3 రోజుల క్రితమే బాలసదన్‌కు వచ్చినట్లు సమాచారం. సూపరింటెండెంట్ వనిత ఫిర్యాదు మేరకు పోలీసులు కేసు నమోదు చేసి ప్రత్యేక బృందాలతో గాలిస్తున్నారు.

▶

TG· 29 Jul 2026

రోడ్లపై మోటర్లతో నీళ్లు తోడాల్సిన పరిస్థితి

TG: హైదరాబాద్‌లో కురిసిన భారీ వర్షం నగరాన్ని అతలాకుతలం చేసింది. ఉప్పల్–నారపల్లి ఫ్లైఓవర్ పరిసరాల్లో భారీగా వరద నీరు నిలిచిపోవడంతో రోడ్లు చెరువులను తలపించాయి. నీటిని మోటర్ల సహాయంతో బయటకు పంపాల్సిన పరిస్థితి నెలకొంది. దీంతో వాహనదారులు గంటల తరబడి ట్రాఫిక్‌లో చిక్కుకుని తీవ్ర ఇబ్బందులు పడ్డారు. 2018లో ప్రారంభమైన ఉప్పల్–నారపల్లి ఫ్లైఓవర్ పనులు ఇప్పటికీ పూర్తి కాకపోవడంతో ప్రతి వర్షానికి ఇదే పరిస్థితి రిపీట్ అవుతుందని స్థానికులు, వాహనదారులు ఆవేదన వ్యక్తం చేస్తున్నారు.

TG· 29 Jul 2026

వర్షాల వేళ జలమండలి యాక్షన్

TG: హైదరాబాద్‌లో కురుస్తున్న భారీ వర్షాల నేపథ్యంలో జలమండలి MD అశోక్ రెడ్డి అధికారులతో అత్యవసర సమీక్ష నిర్వహించారు. ముంపు ప్రాంతాలు, హాట్‌స్పాట్లపై ప్రత్యేక దృష్టి పెట్టాలని, వరద నీటి తొలగింపు, సీవరేజీ ఓవర్‌ఫ్లో సమస్యలను వెంటనే పరిష్కరించాలని ఆదేశించారు. తాగునీటి నాణ్యతను నిరంతరం పరీక్షిస్తూ కలుషితం కాకుండా జాగ్రత్తలు తీసుకోవాలన్నారు. పనులు జరిగే ప్రాంతాల్లో బారికేడ్లు ఏర్పాటు చేసి ప్రజల భద్రతను కాపాడాలని సూచించారు. <br>వరద ప్రభావిత ప్రాంతాల్లో హైడ్రా, GHMC, పోలీసులతో సమన్వయంతో పనిచేయాలని చెప్పారు.

TG· 29 Jul 2026

నిలిచిపోయిన బొగ్గు ఉత్పత్తి

TG: భారీ వర్షాలు కురుస్తుండడంతో మంచిర్యాల జిల్లాలోని సింగరేణి ఓపెన్‌కాస్ట్ గనులు నీటమునిగిపోయాయి. బొగ్గు ఉత్పత్తి, ఓబీ వెలికితీత, రవాణా పూర్తిగా నిలిచిపోయింది. శ్రీరాంపూర్ OCP–1, OCP–2, రామకృష్ణాపూర్ OCP, కైరిగూడ ఓసీపీ గనుల్లో వర్షపు నీరు చేరడంతో బొగ్గు ఉత్పత్తి, వెలికితీత, బొగ్గు రవాణా పనులు నిలిచిపోయాయి. గనుల్లోని భారీ డంపర్లు, ఎక్స్‌కవేటర్లు, వాహనాలు ఎక్కడికక్కడే నిలిచిపోయాయి. వర్షాలు తగ్గిన తర్వాత నీటిని తొలగించి భద్రతా తనిఖీల అనంతరం కార్యకలాపాలను పునఃప్రారంభిస్తామని అధికారులు తెలిపారు.

TG· 29 Jul 2026

బొగత జలపాతం వద్ద హైఅలర్ట్

TG: ములుగు జిల్లా వ్యాప్తంగా ఎడతెరిపి లేకుండా కురుస్తున్న వర్షాలతో వాజేడు మండలంలోని ప్రసిద్ధ బొగత జలపాతం ఉధృతంగా ప్రవహిస్తోంది. ఎగువ ప్రాంతాల నుంచి భారీగా వరద నీరు చేరడంతో జలపాతం ప్రమాదకరంగా మారింది. దీంతో పర్యాటకుల భద్రతను దృష్టిలో ఉంచుకుని అటవీ శాఖ అధికారులు జలపాతం సందర్శనను తాత్కాలికంగా నిలిపివేశారు. పరిస్థితులు సాధారణ స్థితికి వచ్చే వరకు ఎవరూ అక్కడికి రావద్దని సూచించారు. అవాంఛనీయ ఘటనలు జరగకుండా జలపాతం పరిసరాల్లో భద్రతను మరింత కట్టుదిట్టం చేశారు.

TG· 29 Jul 2026

నాలా వరదలో కొట్టుకుపోయిన వృద్ధుడు

TG: హైదరాబాద్ మియాపూర్ వైశాలినగర్ రైల్వే అండర్‌పాస్ సమీపంలో వరద నీటిలో పడి వృద్ధుడు బాలయ్య గల్లంతయ్యారు. హఫీజ్‌పేట్ ప్రేమ్‌నగర్‌కు చెందిన ఆయన ప్రమాదవశాత్తు నాలా వరద ప్రవాహంలో కొట్టుకుపోయినట్లు పోలీసులు గుర్తించారు. భారీ వర్షాల నేపథ్యంలో అండర్‌పాస్ వద్ద నాలా మరమ్మత్తు పనులు జరుగుతుండటంతో ఆ ప్రాంతాన్ని తాత్కాలికంగా మూసివేశారు. సమాచారం అందుకున్న మియాపూర్ పోలీసులు, హైడ్రా, NDRF బృందాలు వెంటనే ఘటనాస్థలానికి చేరుకుని గల్లంతైన వృద్ధుడి కోసం గాలింపు చర్యలు ముమ్మరం చేశాయి.