కేకే సర్వే కిరణ్ పొలిటికల్ ఎంట్రీ

By BUJJIBABU· 1h ago· Guntur

ఏపీ స్థానిక సంస్థల ఎన్నికల్లో 'ఏకం' ప్లాట్‌ఫామ్ ద్వారా అభ్యర్థులను నిలుపుతున్నట్లు కేకే సర్వే CEO కిరణ్ కొండేటి ప్రకటించారు. 2024 అసెంబ్లీ ఎన్నికల్లో కూటమికి 160కి పైగా సీట్లు వస్తాయని చెప్పిన తమ అంచనా నిజమైందని గుర్తుచేశారు. ఉచిత పథకాల కంటే తాగునీరు, డ్రైనేజీ, రోడ్లు వంటి మౌలిక వసతులు, ఉచిత విద్య, వైద్యమే ముఖ్యమని, రాష్ట్రవ్యాప్తంగా పోటీకి సిద్ధంగా ఉన్న 1.60 లక్షల మందిని ‘ఏకం’ ద్వారా బరిలోకి దింపుతామని చెప్పారు.

More in Local

Local· 1m ago

తోటవలసకు తాగునీటి ట్యాంక్.. టీడీపీ వినతి!

అల్లూరి సీతారామరాజు జిల్లా కొత్తూరు పంచాయతీలో శుక్రవారం నిర్వహించిన ప్రత్యేక గ్రామసభలో టీడీపీ గ్రామ కమిటీ అధ్యక్షుడు దుంబరి కృష్ణ పలు సమస్యలపై ఎంపీడీవో ప్రభాకరావుకు వినతిపత్రం అందించారు. తోటవలసలో తాగునీటి ట్యాంక్ నిర్మించాలని, టెంకబుడ్డి, బుసుపాడు గ్రామాలకు రోడ్డు, తాగునీటి సౌకర్యం కల్పించాలని కోరారు. అర్హులకు ఆర్‌ఎఫ్‌ఓ పట్టాలు, నూతన రేషన్‌కార్డుదారులకు ఇళ్ల స్థలాలు మంజూరు చేయాలని విజ్ఞప్తి చేశారు.

Local· 3m ago

అరకులోయ లో ఘనంగా గాంధీ జయంతి

అరకు వ్యాలీ ప్రభుత్వ డిగ్రీ కళాశాలలో చరిత్ర విభాగం, ఎన్‌ఎస్‌ఎస్, విశాఖపట్నం మైభారత్ ఆధ్వర్యంలో గాంధీ జయంతి నిర్వహించారు. ప్రిన్సిపాల్ డా. సీహెచ్. కేశవరావు, అధ్యాపకులు గాంధీ చిత్రపటానికి పూలమాల వేసి నివాళులర్పించారు. అహింస, శాంతి, స్వాతంత్ర్య ఉద్యమంలో గాంధీ పాత్రను వక్తలు వివరించారు. అధ్యాపకులు, సిబ్బంది, విద్యార్థులు పాల్గొన్నారు.

రెండు కొండలు దాటితేనే బడి.. 40 మంది విద్యార్థుల బాధ!

▶

Local· 5m ago

రెండు కొండలు దాటితేనే బడి.. 40 మంది విద్యార్థుల బాధ!

అల్లూరి సీతారామరాజు జిల్లా అరకులోయ మండలం గన్నెల పంచాయతీ కింటీబైడి గ్రామంలో పాఠశాల భవనం, ఉపాధ్యాయుడు లేక సుమారు 40 మంది విద్యార్థులు ఇబ్బందులు పడుతున్నారు. సమీప చబ్కాని పాఠశాలకు వెళ్లాలంటే రెండు కొండలు దాటాల్సి వస్తోందని గ్రామస్థులు ఆవేదన వ్యక్తం చేశారు. గ్రామంలో పాఠశాల భవనం నిర్మించి, ఉపాధ్యాయుడిని నియమించాలని మాజీ ఎంపీటీసీ గోవిందరావు కోరారు. లోకేష్, జిల్లా కలెక్టర్ ప్రత్యేక చొరవ చూపి సమస్యను పరిష్కరించాలని విజ్ఞప్తి చేశారు.

Local· 7m ago

ఎండ, వానల్లో నిరీక్షణకు చెక్.. దాచేపల్లిలో కొత్త బస్ బే!

పల్నాడు జిల్లా దాచేపల్లి పట్టణంలో ప్రయాణికుల సౌకర్యార్థం నూతనంగా నిర్మించిన ఈ-బస్ బేను శుక్రవారం ప్రారంభించారు. రాష్ట్ర విద్యుత్ శాఖ మంత్రి గొట్టిపాటి రవికుమార్, ఎంపీ లావు శ్రీకృష్ణదేవరాయలు, గురజాల ఎమ్మెల్యే యరపతినేని శ్రీనివాసరావు కొబ్బరికాయ కొట్టి ప్రారంభోత్సవం నిర్వహించారు. కార్యక్రమంలో ఏపీఎస్‌ఆర్టీసీ చైర్మన్ కొనకళ్ల నారాయణరావు, టీడీపీ నాయకులు పాల్గొన్నారు. ఎండ, వానల్లో రోడ్లపై నిరీక్షిస్తున్న ప్రయాణికులకు కొత్త బస్ బే ఉపశమనం కలిగించనుంది.