యువకుడిపై పోలీసుల దాడి అంటూ ఆరోపణలు!

By A.Ajay· 1h ago

TG: జిల్లా కేంద్రంలోని హబీబ్‌నగర్‌కు చెందిన మహ్మద్ ఫయాజ్‌పై పోలీసులు దాడి చేశారనే ఆరోపణలు సోషల్ మీడియాలో వైరల్ అవుతున్నాయి. ఓ ఫంక్షన్‌కు వెళ్లి ఇంటికి వస్తుండగా కొందరు పోలీసులు తనను వెంబడించి కొట్టారని ఫయాజ్ అన్నారు. దాడిలో అతడి భుజానికి గాయం అయినట్లు వీడియోలో కనిపిస్తోంది. విధుల్లో ఉన్న పోలీసులు మందు తాగరానే ఆరోపణ కూడా ఉంది. ఈ ఘటనపై SP చర్యలు తీసుకున్నారా అనే ప్రశ్నలు వ్యక్తమవుతున్నాయి.

More in TG

త్వరలో ‘ఆపరేషన్‌ బ్లూ కోడ్‌’: కల్వకుంట్ల కవిత

▶

TG· 6m ago

త్వరలో ‘ఆపరేషన్‌ బ్లూ కోడ్‌’: కల్వకుంట్ల కవిత

TG: భూపాలపల్లి జిల్లా ప్రభుత్వ హాస్పిటల్లోని SNCU వార్డులో సీలింగ్‌ భాగం కూలిందని తెలంగాణ రక్షణ సేన అధ్యక్షురాలు కల్వకుంట్ల కవిత తెలిపారు. ఆ టైంలో వార్డులో చిన్నారులు లేకపోవడంతో ప్రమాదం తప్పిందన్నారు. ఆదిలాబాద్‌ RIMSలో అగ్ని ప్రమాదంలో ఐదుగురు శిశువులు మృతి చెందిన ఘటనను ఆమె ప్రస్తావించారు. హాస్పిటల్లో మౌలిక వసతులపై ప్రభుత్వం దృష్టి పెట్టాలని కోరారు. హాస్పిటల్లను సందర్శించి పరిస్థితులను పరిశీలించేందుకు ‘ఆపరేషన్‌ బ్లూకోడ్‌’ చేపడతామని ప్రకటించారు.

TG· 10m ago

అమిత్ షా తెలంగాణ టూర్ క్యాన్సిల్!

TG: కేంద్ర హోం మంత్రి అమిత్ షా తెలంగాణ టూర్‌ను క్యాన్సిల్ చేసుకున్నారు. రేపు కరీంనగర్‌లోని ఓ ప్రైవేట్ కార్యక్రమానికి ఆయన చీఫ్ గెస్ట్‌గా హాజరుకావాల్సి ఉంది. తరువాత హైదరాబాద్‌లో రాష్ట్ర BJP కొత్త ఇన్‌ఛార్జ్‌లతో భేటీ అయ్యే అవకాశమున్నట్లు పార్టీ వర్గాలు భావించాయి. తూప్రాన్ మండలం బ్రహ్మణపల్లిలోనూ అమిత్ షా పర్యటన ఉంటుందనే సమాచారం రావడంతో అధికారులు సెక్యూరిటీ అరేంజ్‌మెంట్స్ చేశారు. చివరి నిమిషంలో అమిత్ షా టూర్ క్యాన్సిల్ అయ్యింది.

▶

TG· 16m ago

భూముల కబ్జాపై R.S.ప్రవీణ్ కుమార్ ఆగ్రహం

TG: మహబూబ్‌నగర్ జిల్లా జడ్చర్లలో చర్చి భూముల వివాదంపై BRS జనరల్ సెక్రటరీ R.S.ప్రవీణ్ కుమార్ స్పందించారు. మాజీ మంత్రి లక్ష్మారెడ్డితో కలిసి బాధితులను కలిసిన ఆయన భూమిని ప్రైవేట్ వ్యక్తులు ఆక్రమించేందుకు ప్రయత్నిస్తున్నారని ఆరోపించారు. మహిళలపై దాడి జరిగిందని, పోలీసులు ప్రైవేట్ వ్యక్తులకు మద్దతుగా ఉన్నారని అన్నారు. అధికారిక పత్రాలు ఉన్నప్పటికీ ప్రభుత్వం పట్టించుకోవడం లేదన్నారు. ప్రజల ఆస్తులను కాపాడేందుకు కబ్జాదారులకు వ్యతిరేకంగా పోరాడతామని చెప్పారు.

▶

TG· 21m ago

ట్యాంకర్ నీళ్లతో పంటల సాగు

TG : ఎల్ నినో వర్షాభావంతో రైతులు చాలా ఇబ్బందులు పడుతున్నారు. సరైన వర్షాలు లేక పంటలు ఎండిపోతున్న టైములో, జోగులాంబ గద్వాల జిల్లా మదనపల్లికి చెందిన రైతు నాగిరెడ్డి ట్యాంకర్లతో కంది పంటకు నీళ్లు పోస్తున్నారు. దీని కోసం 2 లక్షల రూపాయలు అప్పు చేసినట్లు తెలిపారు. తాను ఇప్పటికే పత్తి పంటతో నష్టపోయానని, కంది పంటనైనా దక్కించుకోవడానికి ఈ ప్రయత్నం చేస్తున్నానని ఆవేదన వ్యక్తం చేశారు.