ధూళిపాళ్లలో పట్టపగలే భారీ చోరీ

By Siva· 48m ago· Dhulipalla, Sattenapalli, Palnadu

పల్నాడు జిల్లా సత్తెనపల్లి రూరల్ మండలం ధూళిపాళ్ల గ్రామంలో పట్టపగలే దొంగతనం కలకలం రేపింది. ఇంట్లో ఎవరూ లేని సమయంలో దుండగులు బీరువా పగలగొట్టి సుమారు 40 సవర్ల బంగారు ఆభరణాలతో పాటు 6 లక్షల నగదును ఎత్తుకెళ్లారు. ఇంటికి వచ్చిన బాధితుడు విగ్నేశ్వరరావు చోరీ జరిగినట్లు గుర్తించి సత్తెనపల్లి రూరల్ పోలీస్ స్టేషన్‌లో ఫిర్యాదు చేశారు. దీంతో పోలీసులు కేసు నమోదు చేసి క్లూస్ టీంతో దర్యాప్తు ప్రారంభించారు.

More in Local

Local· 2m ago

ప్రభుత్వ పాఠశాలలో అల్పాహార పథకం ప్రారంభం

సిద్దిపేట జిల్లా కోహెడ మండలంలోని ప్రభుత్వ పాఠశాలల్లో విద్యార్థులకు పౌష్టిక అల్పాహారం అందించే కార్యక్రమాన్ని గురువారం ప్రారంభించారు. రాష్ట్ర ప్రభుత్వం, హరే రామ కృష్ణ ఫౌండేషన్ సహకారంతో చేపట్టిన ఈ కార్యక్రమంలో భాగంగా విద్యార్థులకు ప్రతిరోజూ అల్పాహారం అందించనున్నారు. ఉదయం తల్లిదండ్రులు వ్యవసాయ పనులకు వెళ్లే గ్రామీణ ప్రాంతాల్లో ఈ కార్యక్రమం విద్యార్థులకు ఎంతో ఉపయోగకరంగా ఉంటుందని ప్రజాప్రతినిధులు, ఉపాధ్యాయులు తెలిపారు.

▶

Local· 5m ago

కొత్తపేటలో వితంతు పెన్షన్ల పంపిణీ

గుంటూరు జిల్లా మంగళగిరి పట్టణంలోని కొత్తపేటలో నూతనంగా మంజూరైన వితంతు పెన్షన్లను టీడీపీ నాయకులు లబ్ధిదారులకు అందజేశారు. ఈ సందర్భంగా నాయకులు మాట్లాడుతూ.. అర్హులైన పేదలకు ప్రభుత్వం సంక్షేమ పథకాలు అందించేలా చర్యలు తీసుకుంటోందని తెలిపారు. కొత్తగా పెన్షన్లు మంజూరు కావడంతో లబ్ధిదారులు ఆనందం వ్యక్తం చేశారు. అర్హత ఉన్న ప్రతి ఒక్కరికీ ప్రభుత్వ సంక్షేమ పథకాలు అందేలా కృషి చేస్తామని టీడీపీ నాయకులు చెప్పారు.

Local· 10m ago

గామలపాడులో ఎన్టీఆర్ భరోసా పెన్షన్ల పంపిణీ

పల్నాడు జిల్లా దాచేపల్లి మండలం గామలపాడు గ్రామంలో ఎన్టీఆర్ భరోసా పెన్షన్ల పంపిణీ కార్యక్రమం నిర్వహించారు. కూటమి నాయకులు సుబ్బారావు, శీను, జానకి రామయ్య, సాంబ వెంకటేశ్వరరావు లబ్ధిదారుల ఇళ్లకు వెళ్లి పెన్షన్లు అందజేశారు. ఈ సందర్భంగా నాయకులు మాట్లాడుతూ.. గురజాల MLA యరపతినేని శ్రీనివాసరావు గామలపాడు గ్రామంలో పలు అభివృద్ధి కార్యక్రమాలకు శ్రీకారం చుట్టారని తెలిపారు. కూటమి ప్రభుత్వం పేదల సంక్షేమానికి ప్రాధాన్యం ఇస్తోందని చెప్పారు.

Local· 15m ago

EMI కోసం కన్నతల్లిని ఏం చేశాడంటే?

యాదాద్రి భువనగిరి జిల్లా చౌటుప్పల్‌ మండలం తుప్రాన్పేటలో దారుణం చోటుచేసుకుంది. ఇంటి EMIలు చెల్లించేందుకు డబ్బులు అవసరమైన ఓ వ్యక్తి తన అమ్మమ్మను హత్య చేసినట్లు పోలీసులు గుర్తించారు. పాల వ్యాపారం చేసే మంటిపల్లి రాజు (31) 36 లక్షలకు ఇల్లు కొనుగోలు చేసి రుణం తీసుకున్నాడు. అమ్మమ్మ యాదమ్మ(70) వద్ద ఉన్న బంగారం, వెండి ఇవ్వాలని కోరగా నిరాకరించడంతో హత్య చేసి నగలు తీసుకెళ్లినట్లు పోలీసులు తెలిపారు.