పాలేరు వాగు చెక్ డ్యాంను ప్రారంభించిన మంత్రి

By Bala· 1h ago

ఖమ్మం జిల్లా కట్టుకాచారం గ్రామంలో పాలేరు వాగుపై 6.65 కోట్ల వ్యయంతో నిర్మించిన నూతన చెక్ డ్యాంను మంత్రి పొంగులేటి శ్రీనివాస రెడ్డి ఇవాళ జిల్లా కలెక్టర్ దివాకర్తో కలిసి ప్రారంభించారు. ఎల్‌నినో పరిస్థితుల తరుణంలో ఈ చెక్ డ్యాం వల్ల కట్టుకాచారం, కొత్తగూడెం పరిసర గ్రామాల్లో భూగర్భ జలాలు పెరిగి సాగునీరు అందుతుంది. వాగులో నీరు నిలవడంతో రైతులు హర్షం వ్యక్తం చేస్తున్నారు.

More in Local

Local· 11m ago

గొంతులో బిస్కెట్ ఇర్రుకోని చిన్నారి మృతి

మహబూబ్ నగర్ జిల్లా మూసాపేట మండలం సుర్తి తండాలో నిన్న రాత్రి ఆడుకుంటున్న ఏడాది చిన్నారి బిస్కెట్ గొంతులో ఇరుక్కోవడంతో మృతి చెందింది. తల్లి మౌనిక ఇంటి ముందు ఆడుకుంటున్న పిల్లలకు బిస్కెట్లు ఇచ్చి వంట చేసేందుకు ఇంట్లోకి వెళ్ళింది. బిస్కెట్ గొంతులో ఇరుక్కుని శ్వాస ఆడక చిన్నారి కుప్పకూలిపోయాడు. కుటుంబ సభ్యులు వెంటనే జిల్లా కేంద్రంలోని ఎస్వీఎస్ ఆసుపత్రికి తరలించగా, అప్పటికే మృతి చెందినట్లు వైద్యులు తెలిపారు.

▶

Local· 20m ago

చేతికొచ్చిన పంటను నాశనం చేసిన దుండగులు

జగిత్యాల జిల్లా వెల్గటూర్ మండలం జగదేవ్‌పేటలో దారుణం జరిగింది. రైతు మాధవరెడ్డికి చెందిన 16 గుంటల వరి పంటపై ముగ్గురు గుర్తుతెలియని వ్యక్తులు గడ్డి మందు పిచికారీ చేశారు. ఈ దృశ్యాలు CC కెమెరాల్లో రికార్డయ్యాయి. పంట ఎండిపోవడంతో 50 వేల రూపాయల నష్టం జరిగిందని, గతంలోనూ తనను వేధించారని రైతు తెలిపారు. దీనిపై పోలీసులకు కంప్లైంట్ చేసి న్యాయం చేయాలని కోరుతున్నాడు.

Local· 25m ago

రేపు జిల్లాలో ప్రజావాణి కార్యక్రమం రద్దు

ఆదిలాబాద్‌ కలెక్టరేట్‌లో సోమవారం జరగలిసిన ప్రజావాణి కార్యక్రమాన్ని రద్దు చేసినట్లు కలెక్టర్‌ రాజర్షి షా తెలిపారు. నిర్మల్‌ జిల్లాలో మంత్రి పొంగులేటి శ్రీనివాస్‌రెడ్డి నిర్వహించే సమావేశానికి జిల్లా అధికారులు హాజరుకావాల్సి ఉండటంతో ఈ నిర్ణయం తీసుకున్నట్లు పేర్కొన్నారు. అయితే మండల స్థాయిలో జరిగే ప్రజావాణి కార్యక్రమాలు యథావిధిగా కొనసాగుతాయని తెలిపారు. ప్రజలు తమ సమస్యలను మండల కేంద్రాల్లో పరిష్కరించుకోవచ్చని సూచించారు.

Local· 32m ago

మహిళ MISSING... దారుణ హత్య!

వికారాబాద్ జిల్లా కుల్కచర్ల పోలీస్‌స్టేషన్ పరిధిలో మహిళ దారుణ హత్యకు గురైంది. చెల్లాపూర్‌కు చెందిన గంధం అమృతమ్మ సెప్టెంబర్‌ 18న తల్లి ఇంటికి వెళ్తానని చెప్పి కనిపించకుండా పోయింది. కుటుంబ సభ్యుల ఫిర్యాదుతో పోలీసులు మిస్సింగ్‌ కేసు నమోదు చేశారు. విచారణలో మంగలి ఆనంద్‌(28)పై అనుమానం రావడంతో అదుపులోకి తీసుకుని ప్రశ్నించగా, అమృతమ్మను హత్య చేసినట్లు పోలీసులు తెలిపారు.