అరెస్ట్‌తో సరిపెట్టొద్దు.. సియా డిమాండ్ ఇదే

By Vishnu· 1d ago· Thehindu

గురుగ్రామ్‌లో మహిళా బైకర్‌ను కారుతో ఢీకొట్టిన కేసులో ప్రధాన నిందితుడు కళ్యాణ్ బైంస్లాను పోలీసులు రాజస్థాన్‌లో అరెస్ట్ చేశారు. తనను చంపేందుకు యత్నించిన వ్యక్తిని కేవలం అరెస్ట్‌ చేస్తే సరిపోదనీ, కఠినమైన శిక్ష విధించాలని సియా కోరారు. అతను బెయిల్‌పై బయటకొస్తే న్యాయం జరిగినట్లు అవ్వదనీ, కారులోని మరో ఇద్దరిని కూడా అరెస్ట్ చెయ్యాలని డిమాండ్ చేశారు. ఈ ఘటనను ఆమె సింపతీ పొందేందుకు వాడుకుంటున్నారన్న ఆరోపణలను కొట్టిపారేశారు. పోలీసులు హత్యాయత్నం సహా కొన్ని సెక్షన్ల కింద కేసు పెట్టారు.

More in Crime

Crime· 4h ago

యూట్యూబర్ వైష్ణవి భర్త దారుణ హత్య

యూట్యూబర్ వైష్ణవి భర్తను గుర్తుతెలియని వ్యక్తులు దారుణంగా హత్య చేశారు. నిజామాబాద్‌ ఆర్‌ఆర్ చౌరస్తా దగ్గర ఇవాళ సాయంత్రం కారులో వచ్చిన ముగ్గురు వ్యక్తులు కత్తితో దాడి చేయడంతో హరిబాబు స్పాట్‌లోనే చనిపోయాడు. సమాచారం అందుకున్న టూ టౌన్ పోలీసులు ఘటనా స్థలానికి వచ్చి డీటెయిల్స్ సేకరించారు. బాడీని మార్చురీకి షిఫ్ట్ చేశారు. నిందితుల కోసం పోలీసులు సెర్చ్ చేస్తున్నారు.

Crime· 5h ago

పోస్టాఫీసులో ఫండ్స్ గోల్‌మాల్.. మహిళ అరెస్ట్

అరుణాచల్‌ప్రదేశ్‌లోని తవాంగ్‌ పోస్టాఫీసులో 39.25 లక్షల రూపాయల ప్రభుత్వ ఫండ్స్ గోల్‌మాల్‌ కేసు వెలుగులోకి వచ్చింది. పోస్టల్‌ శాఖకు చెందిన మల్టీ టాస్కింగ్‌ స్టాఫ్‌గా పనిచేస్తున్న మహిళను పోలీసులు అరెస్ట్‌ చేశారు. సెప్టెంబర్‌ 7న జరిగిన ఫైనాన్షియల్‌ వెరిఫికేషన్‌లో లెక్కల్లో తేడాలు బయటపడ్డాయి. 2023 జనవరి నుంచి 2024 మే వరకు PLI, RPLI ప్రీమియం ఫండ్స్ అఫీషియల్ అకౌంట్లలో జమ కాలేదని అధికారులు గుర్తించారు. సెప్టెంబర్‌ 14న అరెస్టయిన నిందితురాలు పోలీస్‌ కస్టడీలో ఉంది. ఇన్వెస్టిగేషన్ కొనసాగుతోంది.

Crime· 6h ago

బీజేపీ మాజీ ఎమ్మెల్యేపై యువతి కంప్లైంట్

మహారాష్ట్ర కల్యాణ్‌లోని మాజీ బీజేపీ ఎమ్మెల్యే నరేంద్ర పవార్‌తోపాటు సస్పెండెడ్ పోలీసు శైలేష్ పాటిల్ మీద 22 ఏళ్ల వివాహిత యువతి ఫిర్యాదు చేసింది. వీరిద్దరూ కత్తి చూపి తనపై లైంగికదాడి చేశారని ఆమె చెప్పింది. సెప్టెంబర్ 13న పవార్ ఆమెను తన ఆఫీసుకు పిలిచి ఫార్మ్‌హౌస్‌కు తీసుకెళ్లాడని, అక్కడ శైలేష్ పాటిల్ కత్తి చూపి బెదిరించి ఇద్దరూ తనపై లైంగికదాడి చేశారని కంప్లైంట్ చేసింది.

Crime· 1d ago

గర్భిణి మృతి..ఆరుగురు పోలీసుల సస్పెండ్

యూపీలోని ఫిరోజాబాద్‌లో దళిత సామాజికవర్గానికి చెందిన ఒక గర్భిణి చనిపోవడంతో ఆరుగురు పోలీసులను అధికారులు ఉద్యోగంలో నుంచి సస్పెండ్ చేశారు. దొంగతనం కేసులో ఆమె భర్తను పట్టుకోవడానికి పోలీసులు ఇంటికి వెళ్లారు. ఆ టైంలో పోలీసులు తన కడుపుపై తన్నడంతోనే గర్భిణి చనిపోయిందని బంధువులు చెప్పారు. అర్ధరాత్రే ఆమెకు పోస్ట్‌మార్టం చేసి అంత్యక్రియలు కూడా చేసేశారు. అయితే ఆమెను కొట్టిన పోలీసులపై హత్య కేసు పెట్టాలని డిమాండ్ చేస్తూ సమాజ్‌వాదీ పార్టీ నాయకుడు రామ్‌జీలాల్ సుమన్ పోలీస్ స్టేషన్ ముందు నిరసన చేశారు.