చీకటి కోనేరు మేకోవర్ పూర్తి!

By KUCHIPUDI BUJJIBABU· 1h ago· Amaravati, Kanchili, Srikakulam

గుంటూరు జిల్లా మంగళగిరి శ్రీ లక్ష్మీనరసింహస్వామి దేవస్థానం ఎదురుగా ఉన్న చీకటి కోనేరు సుందరీకరణ పనులు పూర్తయ్యాయి. ప్రభుత్వ ఆదేశాల మేరకు భక్తులు, పురప్రజల సౌకర్యార్థం ఈ పనులు చేపట్టారు. దేవస్థానం ఈఓ కోగంటి సునీల్ కుమార్ ఈ వివరాలు తెలిపారు. కోనేరు పరిసరాలు ఆహ్లాదకరంగా మారాయి. శనివారం నుంచి ప్రాంగణం ప్రజలకు అందుబాటులోకి వస్తుంది. పరిసరాలను పరిశుభ్రంగా ఉంచాలని ఈఓ కోరారు.

More in Local

Local· 3m ago

అంగన్వాడీ ఉత్సవాలు.. పౌష్టికాహారంపై ఫోకస్!

కాకినాడ జిల్లా శృంగవరం గ్రామంలో అంగన్వాడీ ఉత్సవాలు ఘనంగా జరిగాయి. సీడీపీఓ పి. వెంకటలక్ష్మి, సూపర్‌వైజర్ నాగమణి పాల్గొన్నారు. పిల్లలు, గర్భిణులకు పౌష్టికాహారం అందించాలనే ఉద్దేశంతో ఈ కార్యక్రమం నిర్వహించారు. అంగన్వాడీ సిబ్బంది కుమారి ఆధ్వర్యంలో జరిగింది. బాల్య వివాహాలను అరికట్టాలని, నాయకులు, ప్రజలు సహకరించాలని సూచించారు. అంగన్వాడీ కేంద్రాల ద్వారా అనేక బాల్యవివాహాలు అరికట్టినట్లు తెలిపారు.

Local· 6m ago

అరకులోయలో కౌంటింగ్ సెంటర్ చెక్!

అల్లూరి సీతారామరాజు జిల్లా అరకులోయ ప్రభుత్వ జూనియర్ కళాశాలలో MPTC, ZPTC ఎన్నికల కౌంటింగ్ హాల్, స్ట్రాంగ్ రూమ్ ఏర్పాట్లను MPDO వీసం ప్రసాద్ శనివారం పరిశీలించారు. విద్యుత్, తాగునీరు, శానిటేషన్, భద్రత ఏర్పాట్లు చేస్తున్నారు. కౌంటింగ్ ప్రశాంతంగా, పారదర్శకంగా జరగాలని అన్ని శాఖలు సమన్వయంతో పనిచేయాలని సూచించారు. డిప్యూటీ MPDO సత్యనారాయణ, మండల ఇంజనీరింగ్ ఇన్‌చార్జి పైడితల్లి, AO వీరభద్రరావు పాల్గొన్నారు.

Local· 8m ago

పేదరికాన్ని ఓడించి.. సివిల్ కానిస్టేబుల్!

అల్లూరి జిల్లా పెదబయలు మండలం చుట్టుమెట్ట గ్రామానికి చెందిన కిముడు కామరాజు సివిల్ కానిస్టేబుల్‌గా ఎంపికయ్యాడు. ఆర్థిక ఇబ్బందులు, పేదరికాన్ని ఎదుర్కొంటూ ప్రభుత్వ ఉద్యోగం సాధించాడు. గ్రామ యువత ఆధ్వర్యంలో ఘన సన్మానం చేశారు. గ్రామ పెద్దలు, యువత అభినందించారు. ఆయన విజయాన్ని స్ఫూర్తిగా తీసుకోవాలని సూచించారు. పేదరికం అడ్డంకి కాదని, పట్టుదలతో ఉన్నత స్థాయికి చేరుకోవచ్చని నిరూపించాడు. కార్యక్రమంలో కుటుంబ సభ్యులు, గ్రామ పెద్దలు, మహిళలు, యువత పాల్గొన్నారు.

Local· 11m ago

ధర్మపురి ఆలయానికి రూ.2.33 లక్షల ఆదాయం

జగిత్యాల జిల్లా ధర్మపురి శ్రీ లక్ష్మీనరసింహ స్వామి ఆలయానికి శనివారం రూ.2,33,628 ఆదాయం వచ్చింది. టికెట్ల ద్వారా రూ.1,33,146, ప్రసాదాల ద్వారా రూ.61,500, అన్నదానం ద్వారా రూ.38,982 వచ్చాయి. శనివారం కావడంతో భక్తులు పెద్ద సంఖ్యలో దర్శనానికి వచ్చారు. ఆలయ అధికారులు ఈ వివరాలు తెలిపారు.