పద్మాపురంలో రేపు PGRS కార్యక్రమం

By B V Appalanaidu· 1h ago· Yandapallivalasa, Araku Valley, Alluri Sitharama Raju

అల్లూరి సీతారామరాజు జిల్లా అరకులోయ మండలం పద్మాపురం గ్రామ పంచాయతీ కార్యాలయం వద్ద సోమవారం ప్రజా ఫిర్యాదుల పరిష్కార వేదిక (PGRS) నిర్వహించనున్నట్లు MPDO వీసం ప్రసాద్ తెలిపారు. కలెక్టర్ నిశాంతి టి. ఆదేశాల మేరకు ఈ కార్యక్రమాన్ని నిర్వహిస్తున్నట్లు చెప్పారు. ప్రజలు తమ సమస్యలను అధికారుల దృష్టికి తీసుకురావచ్చని తెలిపారు. సంబంధిత శాఖల అధికారుల సమన్వయంతో సమస్యలను త్వరితగతిన పరిష్కరించేందుకు చర్యలు తీసుకుంటామని MPDO చెప్పారు.

More in Local

Local· just now

కుమార్తె ఆచూకీ కోసం తల్లిదండ్రుల ఆవేదన

విజయనగరం జిల్లా తెర్లాం మండలం నెమలాం గ్రామానికి చెందిన అలజంగి నాగమణి గత ఐదునెలలుగా కనిపించడంలేదని ఆమె తండ్రి అలజంగి దుర్గారావు ఆవేదన వ్యక్తంచేశారు. నాగమణి భర్త పొంతనలేని సమాధానాలు చెబుతున్నారని, ఫోన్లు కూడా ఎత్తడం లేదని తెలిపారు. తన కుమార్తె ఆచూకీ కోసం గత నాలుగు నెలలుగా పోలీస్ స్టేషన్ చుట్టూ తిరుగుతున్నా సమస్య పరిష్కారం కాలేదన్నారు. విషయాన్ని జనసేన పార్టీ రాజాం నియోజకవర్గ నాయకులు గండి చిరంజీవులు బొబ్బిలి MLA బేబీ నాయన దృష్టికి తీసుకెళ్లారు.

Local· 4m ago

రాజాంలో 64 మందికి CM రిలీఫ్ ఫండ్ చెక్కులు

విజయనగరం జిల్లా రాజాం నియోజకవర్గానికి చెందిన 64 మంది బాధితులకు MLA కొండ్రు మురళీమోహన్ CM రిలీఫ్ ఫండ్ చెక్కులు పంపిణీ చేశారు. ఆదివారం రాజాంలోని MLA క్యాంపు కార్యాలయంలో జరిగిన కార్యక్రమంలో అనారోగ్యంతో బాధపడుతున్న పేద కుటుంబాలకు చెక్కులు అందజేశారు. పేదల సంక్షేమానికి ప్రభుత్వం కట్టుబడి ఉందని MLA తెలిపారు. అనారోగ్యంతో ఇబ్బందులు పడుతున్న అర్హులైన వారికి CM రిలీఫ్ ఫండ్ ద్వారా ఆర్థిక సహాయం అందేలా చూస్తామని చెప్పారు.

▶

Local· 5m ago

మంగళగిరిలో కరాటే పోటీలు ప్రారంభం

గుంటూరు జిల్లా మంగళగిరిలో జపాన్ స్టూడియో ఆధ్వర్యంలో కరాటే పోటీలు ప్రారంభమయ్యాయి. ఈ పోటీల్లో ఆంధ్రప్రదేశ్‌తో పాటు తెలంగాణ, కర్ణాటక రాష్ట్రాలకు చెందిన కరాటే క్రీడాకారులు పాల్గొంటున్నారు. వివిధ విభాగాల్లో చిన్నారులు, యువత ఉత్సాహంగా పోటీపడుతూ తమ ప్రతిభను ప్రదర్శిస్తున్నారు. కరాటే సాధనతో ఆత్మవిశ్వాసం, క్రమశిక్షణ, శారీరక దారుఢ్యం పెరుగుతాయని నిర్వాహకులు తెలిపారు. మూడు రాష్ట్రాల నుంచి క్రీడాకారులు తరలిరావడంతో పోటీలు ఆసక్తికరంగా సాగుతున్నాయని చెప్పారు.

Local· 7m ago

రాజాం ప్రభుత్వ డిగ్రీ కాలేజీలో PG సెంటర్

రాజాం పట్టణానికి PG సెంటర్ మంజూరైంది. విజయనగరం జిల్లా రాజాం ప్రభుత్వ డిగ్రీ కళాశాలలో PG సెంటర్ ఏర్పాటుకు ప్రభుత్వం 30 కోట్లు మంజూరు చేశారు. ఈ మేరకు కళాశాల ప్రిన్సిపాల్ Dr. హైందవికి జిల్లా కలెక్టర్ కార్యాలయం నుంచి అధికారిక సమాచారం అందింది. రాజాం ప్రభుత్వ డిగ్రీ కళాశాల ఏర్పాటులో కూడా MLA కొండ్రు మురళీమోహన్ కీలకంగా కృషి చేశారని పేర్కొన్నారు. తాజాగా అదే కళాశాలలో PG సెంటర్ రావడంతో విద్యార్థులు, తల్లిదండ్రులు, మేధావులు హర్షం వ్యక్తం చేస్తున్నారు.