Crime

Crime· 20 Jun 2026

పేలిన కూలర్.. పెంకుటింట్లో మంటలు

AP: బీఆర్ అంబేడ్కర్ కోనసీమ జిల్లా రాజోలు మండలం మెరకపాలెంలో శుక్రవారం అర్ధరాత్రి జరిగిన ఫైర్ యాక్సిడెంట్‌లో మూడు కుటుంబాలు నిరాశ్రయులయ్యాయి. కోరుకొండ బాబురావు, కోరుకొండ కృష్ణమూర్తి కుటుంబాలు, తదితరులు ఒకే ఇంట్లో ఉంటున్నారు. ఇంట్లో ఉన్న కూలర్‌ లోవోల్టెజ్‌తో పేలడంతో ఒక్కసారిగా మంటలు వ్యాపించాయి. ఫైర్ సిబ్బంది మంటలను అదుపులోకి తెచ్చారు. అప్పటికే ఇంట్లోని వస్తువులు, ఇతర సామగ్రి పూర్తిగా దగ్ధమయ్యాయి. సుమారు రూ.5లక్షల ఆస్తినష్టం జరిగినట్లు ఫైర్ సిబ్బంది ప్రాథమికంగా అంచనా వేశారు. ఎలాంటి ప్రాణనష్టం జరగలేదు.

Crime· 20 Jun 2026

చిన్నపాము అని ఆటాడితే ప్రాణం తీసింది

TG: రంగారెడ్డి జిల్లా రాజేంద్రనగర్ ఖాద్రీహిల్స్‌కు చెందిన సయ్యద్ మొహిద్దీన్ హుస్సైనీ(30) వ్యాపారవేత్త. ఆయనకు మొయినాబాద్‌లో ఫాంహౌస్ ఉంది. ఆయన ఫ్రెండ్స్‌తో కలిసి అక్కడికి వెళ్లారు. ఫాంహౌస్‌లోకి చిన్న కట్లపాము రావడంతో చేతితో పట్టుకొని మొహిద్దీన్ అందరినీ భయపెట్టాడు. పాము కుడిచేతి వేలును నోటితో గట్టిగా పట్టుకొంది. కరుస్తోందని పక్కనున్నవారు చెప్పినా తనకు ఏంకాదని చెప్పాడు. శరీరంలో మార్పులు రావడంతో మెహిదీపట్నంలోని ఓ ప్రైవేట్ హాస్పిటల్‌కు వెళ్లగా డాక్టర్స్ ఇంజక్షన్ ఇచ్చారు. తర్వాత ఉస్మానియా హాస్పిటల్‌కు తీసుకెళ్లగా మొహిద్దీన్ మృతి చెందినట్లు డాక్టర్స్ తెలిపారు.

Crime· 20 Jun 2026

ఆగి ఉన్న లారీని ఢీకొట్టిన బొలెరో

AP: తిరుపతి జిల్లా శ్రీకాళహస్తి పట్టణ పరిధిలోని ఊరందరు నేషనల్ హైవేపై రోడ్ యాక్సిడెంట్ జరిగింది. హైవేపై ఆగి ఉన్న లారీని వెనుక నుంచి చేపల లోడ్‌తో వెళ్తున్న బొలెరో వాహనం బలంగా ఢీకొట్టింది. ఈ ప్రమాదంలో బొలెరో వాహనం డ్రైవర్‌తో పాటు క్లీనర్ గాయపడ్డారు. గమనించిన స్థానికులు వెంటనే సమీప హాస్పిటల్‌కు తరలించారు. ఈ ప్రమాదంతో బొలెరో వాహనం ముందు భాగం నుజ్జు నుజ్జు అయింది. వాహనంలో ఉన్న చేపల లోడ్ రోడ్డుపై చిందరవందరగా పడిపోయింది.

Crime· 20 Jun 2026

అమెజాన్‌లో కత్తి తెప్పించుకుని ప్రేమోన్మాది దాష్టికం

TG: రాయదుర్గం ఇండ్ల బస్తీలో నివసించే కంచమీది గోవర్ధన్(23) అదే బస్తీకి చెందిన ఓ డిగ్రీ విద్యార్థిని(21)ని ప్రేమ పేరుతో వెంటపడుతున్నాడు. ఆమె రిజెక్ట్ చేయడంతో కక్ష పెట్టుకున్నాడు. విద్యార్థిని కుటుంబం తమ ఇంట్లోని ఫస్ట్ ఫ్లోర్‌లో ఉంటోంది. అతడు తెల్లవారుజామున 4 గంటలకు పక్కింటిపైకెక్కి ఆమె ఇంట్లోకి కత్తితో వచ్చాడు. కుటుంబ సభ్యులపై కత్తితో దాడి చేశాడు. ఇరుగుపొరుగు వారు వచ్చి ఆ ఉన్మాదిని పట్టుకుని బంధించి పోలీసులకు అప్పగించారు. జులాయిగా తిరిగే నిందితుడు అమెజాన్‌లో కత్తి తెప్పించుకున్నాడని, హత్యాయత్నం కేసు నమోదు చేశామని పోలీసులు తెలిపారు.

Crime· 20 Jun 2026

అత్యాచారం కేసులో రిటైర్డ్ ఉద్యోగికి 21ఏళ్ల జైలుశిక్ష

TG: సూర్యాపేట జిల్లా హుజూర్నగర్ పట్టణానికి చెందిన వూసా వెంకటనారాయణ(84) రిటైర్డ్ ఉద్యోగి. హైదరాబాద్‌లోని చైతన్యపురి PS పరిధిలో స్థిరపడ్డాడు. ఆయన 2023లో మతిస్థిమితం సరిగాలేని ఓ బాలికకు బిస్కెట్లు, చాక్లెట్ల ఆశ చూపి తన ఇంట్లోకి తీసుకెళ్లి అత్యాచారం చేశాడు. బాలిక తండ్రి పోలీసులకు ఫిర్యాదు చేశాడు. పోలీసులు నిందితుడిని అరెస్ట్ చేసి రిమాండ్‌కు తరలించారు. కేసును విచారించిన రంగారెడ్డి జిల్లా ప్రత్యేక పోక్సో కోర్టు వెంకటనారాయణకు 21ఏళ్ల జైలుశిక్ష, రూ.30వేల జరిమానా విధించింది.

Crime· 20 Jun 2026

కృష్ణలంక CI నాగరాజుపై హత్యానేరం కేసు

AP: రౌడీషీటర్‌ గాదె సాయికృష్ణ తల్లి విజయలక్ష్మి ఇచ్చిన ఫిర్యాదు ఆధారంగా CI నాగరాజుపై హత్యానేరం కేసు నమోదు చేశారు. ఇన్‌స్పెక్టర్‌గా పనిచేసిన విజయవాడ కృష్ణలంక PSలోనే ఆయనపై కేసు నమోదైంది. ఈ కేసులో దర్యాప్తు అధికారిగా (IO) ACP దైవప్రసాద్‌ను, CP రాజశేఖరబాబు నియమించారు. వారు కృష్ణలంకలోని తల్లి విజయలక్ష్మి వాంగ్మూలం తీసుకున్నారు. సుమారుగా 2 గంటలపాటు వారి నుంచి వివరాలు సేకరించారు. అనంతరం కృష్ణలంక పోలీస్‌స్టేషన్‌కు చేరుకుని అక్కడి సిబ్బందిని విచారించారు.

Crime· 19 Jun 2026

కోర్టుకు అల్లు అర్జున్ స్వయంగా వెళ్ళాల్సిందే?

హైదరాబాద్‌లోని సంధ్య థియేటర్ తొక్కిసలాట కేసులో అల్లు అర్జున్‌కు గట్టి షాక్ తగిలింది. ఈ కేసును విచారిస్తున్న నాంపల్లి కోర్టు అల్లు అర్జున్‌తో పాటు మరో 19 మందికి సడన్‌గా కోర్టు నోటీసులు పంపించింది. ఈ కేసులో అల్లు అర్జున్‌ను 11వ నిందితుడిగా చేర్చిన పోలీసులు, ఇప్పటికే మొత్తం 23 మందిపై ఛార్జ్ షీట్ కూడా ఫైల్ చేశారు. ఈ క్రమంలోనే సోమవారం (june 22) రోజు అల్లు అర్జున్ స్వయంగా కోర్టుకు వచ్చి హాజరుకావాలని ఆర్డర్ వేశారు. పుష్పా 2 ప్రీమియర్ షో టైమ్‌లో జరిగిన ఈ ఇన్సిడెంట్ కేసు ఇప్పుడు ఈ కోర్టు నోటీసులతో మళ్లీ హాట్ టాపిక్‌గా మారింది.

Crime· 19 Jun 2026

సాయికృష్ణ ఫ్యామిలీకి CM చంద్రబాబు ఫోన్ కాల్!

ఆంధ్రప్రదేశ్‌లో సాయికృష్ణ కేసు ఇప్పుడు సడన్ ట్విస్ట్‌లతో చాలా ఫాస్ట్‌గా కదులుతోంది. నిన్న రాత్రికి రాత్రే సీఐపీ (CIP) పై అర్జంట్‌గా కేసు రిజిస్టర్ చేసిన పోలీసులు.. ఈరోజు ఉదయమే సాయికృష్ణ ఇంటికి వెళ్లి విచారణ జరిపారు. ఈ క్రమంలోనే లేటెస్ట్ అప్‌డేట్ ఏంటంటే.. సీఎం చంద్రబాబు నాయుడు ఈరోజు సాయికృష్ణ తల్లి విజయలక్ష్మితో ఫోన్‌లో మాట్లాడారు. బాధితులకు గవర్నమెంట్ అండగా ఉంటుందని భరోసా ఇవ్వడానికే సీఎం స్వయంగా ఫోన్ చేసి మాట్లాడారు.

▶

Crime· 19 Jun 2026

బస్సు, ఆటో ఢీకొని 15 ఏళ్ల స్టూడెంట్ స్పాట్ డెడ్: మహబూబ్‌నగర్‌

మహబూబ్‌నగర్ జిల్లా చిన్నదరపల్లి దగ్గర ఒక ఘోర రోడ్డు ప్రమాదం జరిగింది. పరిగి డిపోకు చెందిన బస్సు, ఒక ఆటోను బలంగా ఢీకొట్టింది. ఈ యాక్సిడెంట్‌లో ఆటోలో ఉన్న సంపంగి చరణ్ (15) అనే స్టూడెంట్ అక్కడికక్కడే చనిపోయాడు. పెద్ద దరపల్లికి చెందిన ఆటో డ్రైవర్ రామ్ ఆంజనేయులుతో పాటు ఆటోలో ఉన్న మిగతా పిల్లలకు చిన్న చిన్న గాయాలయ్యాయి. ప్రమాదం జరిగిన వెంటనే గాయపడిన వారిని ట్రీట్‌మెంట్ కోసం జిల్లా గవర్నమెంట్ హాస్పిటల్‌కి తరలించారు. ఈ ఘటనతో ఆ ఏరియాలో తీవ్ర విషాదం నెలకొంది.

Crime· 19 Jun 2026

ముగ్గురు కుమార్తెలను చంపి తండ్రి ఆత్మహత్య

AP: ప్రకాశం జిల్లా చీమకుర్తి మండలం KV అగ్రహారం గ్రామానికి చెందిన ఏకుల సుధాకర్ తన ముగ్గురు కుమార్తెలు గోఅచ్యుత(11), పూజిత (9), లోహిత (8) లను హతమార్చాడు. అనంతరం గ్రామ శివారులోని ఓ చెట్టుకు ఉరేసుకుని ఆత్మహత్య చేసుకున్నాడు. సమాచారం అందుకున్న చీమకుర్తి పోలీసులు సంఘటన స్థలానికి చేరుకుని డెడ్ బాడీలను పరిశీలించారు. ఒకే కుటుంబంలో నలుగురు మృతి చెందడంతో గ్రామంలో విషాదఛాయలు అలుముకున్నాయి. కుటుంబ కలహాలే ఈ దారుణానికి కారణమని భావిస్తున్నారు.

Crime· 19 Jun 2026

సచివాలయ ఉద్యోగిపై పోక్సో కేసు

AP: తిరుపతి జిల్లా నాయుడుపేటలోని భరత్ నగర్ సచివాలయ ఉద్యోగి విజయరామయ్య తోటి మహిళా పరిచయాన్ని ఆసరాగా చేసుకుని ఆమె కుమార్తెపై అకృత్యాలకు పాల్పడ్డాడు. విజయరామయ్యకు స్థానికంగా నివాసముంటున్న ఓ మహిళతో వివాహేతర సంబంధం ఉంది. ఈ పరిచయంతో ఆమె కుమార్తె అయిన 9వ తరగతి చదువుతున్న బాలిక బాత్రూమ్‌లో ఉన్నప్పుడు రహస్యంగా వీడియోలు చిత్రీకరించాడు. ఆ వీడియోలను చూపిస్తూ బాలికను బ్లాక్‌మెయిల్ చేస్తూ తన కోరిక తీర్చాలంటూ వేధింపులకు పాల్పడ్డాడు. పోలీసులు నిందితుడిపై పొక్సో కేసు నమోదు చేశారు.

▶

Crime· 18 Jun 2026

చనిపోయే ముందు క్రాంతి కుమార్ కన్నీటి సెల్ఫీ వీడియో!

కృష్ణలంక సీఐ నాగరాజుపై మరో షాకింగ్ ఆరోపణ వెలుగులోకి వచ్చింది. గత నెల 21న ఆత్మహత్య చేసుకున్న క్రాంతి కుమార్ అనే యువకుడి సెల్ఫీ వీడియో ఇప్పుడు సోషల్ మీడియాలో వైరల్ అవుతోంది. ఆ వీడియోలో.. "నేను మాదిగ పుట్టుక పుట్టడం తప్పా?" అంటూ క్రాంతి కుమార్ తీవ్ర ఆవేదన వ్యక్తం చేశాడు. సీఐ నాగరాజు తనను వెంటాడి కొడుతున్నాడని, తన ఆత్మహత్యకు ఆయనే కారణమంటూ చనిపోయే ముందు కన్నీళ్లు పెట్టుకున్న ఈ వీడియో ఇప్పుడు తీవ్ర సంచలనం రేపుతోంది.

Crime· 18 Jun 2026

గాదె సాయికృష్ణ డెత్‌ మిస్టరీ.. పోలీసులపై కేశినేని నాని సంచలన ఆరోపణలు!

గాదె సాయికృష్ణ మరణంపై EX MP కేశినేని నాని పోలీసులపై సంచలన ఆరోపణలు చేశారు. సాయికృష్ణ ఒంటిపై ఉన్న థర్డ్ డిగ్రీ గాయాలు బయటపడకుండా ఉండేందుకే, పోలీసులు రహస్యంగా దహనం చేశారని ఆరోపించారు. ఫోరెన్సిక్, DNA లాంటి ఎలాంటి ఎవిడెన్స్ దొరక్కుండా ఉండేందుకే అస్థికలను కృష్ణానదిలో కలిపేశారని నాని అన్నారు. ఈ విషయంలో 'కమాండ్ రెస్పాన్సిబిలిటీ' కింద NTR జిల్లా పోలీస్ కమిషనర్ S.V రాజశేఖర బాబును వెంటనే సస్పెండ్ చేయాలని ఆయన డిమాండ్ చేశారు.

Crime· 18 Jun 2026

అయోధ్య రామాలయంలో బిగ్ బ్రేకింగ్.. CCTV కెమెరా మాయం చేసిన నిందితులు!

అయోధ్య రామాలయంలో విరాళాల డబ్బుల మాయం కేసులో షాకింగ్ విషయాలు బయటపడ్డాయి. ఎలాంటి ఎవిడెన్స్ దొరక్కుండా ఉండేందుకు నిందితులు అక్కడి CCTV కెమెరాలను ట్యాంపరింగ్ (మార్చడం) చేసినట్లు SIT అధికారులు గుర్తించారు. ఈ కేసులో మొత్తం 200 మంది అనుమానితుల లిస్ట్ ఉండగా, ఇప్పటికే 125 మందిని విచారించారు. ముఖ్యంగా ఈ కేసులో మెయిన్ సస్పెక్ట్ అయిన తిను యాదవ్‌ను అధికారులు గంటల తరబడి ప్రశ్నించి కీలక వివరాలు రాబడుతున్నారు.

Crime· 18 Jun 2026

TDP కార్యకర్తపై కర్రలు, రాళ్లతో దాడి

AP: కర్నూల్ జిల్లాలో TDP కార్యకర్త తైజుమ్ బాషా అనే యువకుడిపై గుర్తుతెలియని వ్యక్తులు కర్రలు, రాళ్లతో విచక్షణా రహితంగా దాడి చేశారు. తీవ్రంగా గాయపడిన తైజుమ్ స్పాట్‌లోనే స్పృహ కోల్పోయాడు. గమనించిన కుటుంబసభ్యులు, స్థానికులు వెంటనే కర్నూల్ గవర్నమెంట్ హాస్పిటల్‌కు తరలించారు. తన ఇంటి నుంచి కిరాణాషాపుకు వెళ్లి తిరిగి వస్తుండగా దుండగులు కాపుకాసి హత్యాయత్నం చేశారు. పోలీసులు కేసు నమోదు చేశారు. దాడిచేసిన వారిలో జలీల్, ఫైజల్, ఆరిఫ్ మరికొందరు ఉన్నట్లు, వీరంతా YCP కార్యకర్తలుగా చెబుతున్నారు.

Crime· 18 Jun 2026

కోనసీమ జిల్లాలో ఆక్వా రైతు దారుణ హత్య

AP: అంబేద్కర్ కోనసీమ జిల్లా ఐ పోలవరం మండలం మురమళ్ల గ్రామానికి చెందిన ఆక్వా రైతు దాట్ల కృష్ణంరాజు దారుణ హత్యకు గురయ్యాడు. నిన్నటి నుంచి కృష్ణంరాజు కనపడకుండా పోవడంతో కుటుంబసభ్యులు స్థానిక చెరువు వద్ద వెతకగా డెడ్‌బాడీని గుర్తించి పోలీసులకు సమాచారం అందించారు. ఘటనా స్థలానికి చేరుకున్న పోలీసులు డెడ్‌బాడీని పరిశీలించారు. గుర్తుతెలియని వ్యక్తులు ఆయనను హత్య చేసి, మృతదేహానికి రాళ్లు కట్టి రొయ్యల చెరువులో పడేసి పరారయ్యారైనట్లు తెలిపారు. కేసు నమోదు చేసి అన్ని కోణాల్లో దర్యాప్తు చేపట్టారు.

▶

Crime· 18 Jun 2026

10 మందిపై పోక్సో కేసు నమోదు

TG: భద్రాద్రికొత్తగూడెం జిల్లా అన్నపురెడ్డిపల్లి మండలంలోని ఓ ఇంట్లో మైనర్ బాలుడు, బాలిక ఒంటరిగా ఉన్న సమయంలో గమనించిన గ్రామస్థులు వారిని పట్టుకున్నారు. సదరు బాలుడిని గ్రామస్థులంతా కలిసి ఒక చెట్టుకు కట్టేసి తీవ్రంగా కొట్టారు. బాలుడు, అతనితో పాటు ఉన్న మరికొందరు కలిసి తన కూతురితో అసభ్యంగా ప్రవర్తించారంటూ బాలిక తల్లి పోలీస్‌స్టేషన్‌లో ఫిర్యాదు చేసింది. పోలీసులు విచారణ చేపట్టారు. బాలికపై అసభ్యంగా ప్రవర్తించడంతో పదిమంది నిందితులపై పోక్సో కేసు నమోదు చేసినట్లు పోలీసులు తెలిపారు.

Crime· 18 Jun 2026

సాక్ష్యాలు తారుమారు చేసేందుకు యత్నం.. చివరికీ

హైదరాబాద్‌లోని మియాపూర్ పోలీస్‌స్టేషన్ పరిధిలో నివసించే దంపతులకు మూడున్నర ఏళ్ల కుమార్తె ఉంది. ఆమెను 2019 జూన్ 12 నుంచి స్థానికంగా ఓ ప్లేస్కూల్‌కు పంపించారు. పాఠశాలలో కరాటే కోచ్‌గా పనిచేసే కిరణ్‌సాయి(24) పాపపై అత్యాచారం చేశాడు. విషయాన్ని అమ్మమ్మకు పాప చెప్పింది. ఆమె పోలీసులకు చెప్పడంతో నిందితుడిని అరెస్టు చేశారు. ప్లేస్కూల్ ప్రిన్సిపల్ దీపిక సాక్ష్యాలను తారుమారు చేసేందుకు యత్నించారు. కేసును విచారించిన రాజేంద్రనగర్ పోక్సో కోర్టు నిందితుడు కిరణ్‌సాయికి 20ఏళ్ల జైలుశిక్ష, ప్రిన్సిపల్‌కు మూడేళ్ల జైలుశిక్ష విధిస్తూ తీర్పునిచ్చింది.