Local

Local· 23 Aug 2026

కళాకారులను పట్టించుకోకపోతే పోరాటమే

AP : కళలను, కళాకారులను ప్రభుత్వం పట్టించుకోకపోతే ఊరుకునేది లేదని ఆంధ్రప్రదేశ్ ప్రజానాట్యమండలి నాయకులు చంద్రనాయక్, పెంచలయ్య అన్నారు. వినుకొండలో జరిగిన పల్నాడు జిల్లా సభలో వారు మాట్లాడారు. ప్రభుత్వ సాయం లేక రాష్ట్రంలో నాటకాలు, కళల పరిస్థితి బాగా పాడైపోయిందని బాధపడ్డారు. ప్రత్యేక శాఖ ఉన్నా కళాకారులకు పైసా ఉపయోగం లేదని, బడ్జెట్‌లో డబ్బులు పెట్టకుండా అభివృద్ధి ఎలా జరుగుతుందని అడిగారు. ప్రజల కష్టాలను బయటపెడుతూ, కొత్త పాటలు, నాటకాల ద్వారా జనాల్లో మేల్కొలుపు తేవడానికి తాము ఎప్పుడూ ముందుంటామని చెప్పారు.

Local· 23 Aug 2026

70 ఏళ్ల వయసులో రైతుకు కొత్త జీవితం

TG : కరీంనగర్ జిల్లా జమ్మికుంటలోని ఓ ప్రైవేట్ ఆసుపత్రిలో అరుదైన ఆపరేషన్ సక్సెస్ అయింది. సిరిసేడు గ్రామానికి చెందిన 70 ఏళ్ల రైతుకు 16 ఏళ్ల క్రితం కాలేయానికి ఆపరేషన్ జరిగింది. అయితే మళ్లీ కాలేయంతో పాటు కడుపు భాగంలోకి వ్యాధి వ్యాపించింది. పరిస్థితి క్లిష్టంగా ఉండటంతో దాదాపు 8 ఆసుపత్రులు ఆపరేషన్ చేయడానికి ఒప్పుకోలేదు. చివరకు జమ్మికుంట హాస్పిటల్‌లో డాక్టర్ ను సంప్రదించారు. ఆయన పరీక్షించి కాలేయంలో 12 తిత్తులు ఉన్నట్లు గుర్తించారు. తన అనుభవంతో ఆపరేషన్‌ను విజయవంతంగా పూర్తి చేసి రైతు ప్రాణాలను కాపాడారు.

▶

Local· 23 Aug 2026

చెరువులో అక్రమంగా మట్టి తవ్వకాలు

AP : నెల్లూరు జిల్లా కలిగిరి పెద్ద చెరువులో మట్టి మాఫియా విచ్చలవిడిగా తోడేస్తోంది. అధికారుల సహకారంతోనే హిటాచీలు, టిప్పర్లు, ట్రాక్టర్లు పెట్టి రోజూ టన్నుల కొద్దీ మట్టిని అమ్ముకుంటూ లక్షలు సంపాదిస్తున్నారు. పొలం పనుల పేరుతో పర్మిషన్ తెచ్చుకుని, బయట వ్యాపారాలకు మట్టిని అమ్ముతున్నా ఎవరూ పట్టించుకోవట్లేదు. చెరువును లోతుగా తవ్వేస్తుండటంతో అది పెద్ద గోతిలా మారిపోయింది. దీనివల్ల పశువులకి, జనాలకి ప్రమాదం వచ్చే అవకాశం ఉంది. ఇప్పటికైనా అధికారులు స్పందించి ఈ అక్రమ తవ్వకాలను ఆపాలని ఊరి జనం కోరుతున్నారు.

Local· 23 Aug 2026

సమస్యలతో విసిగిపోయారా? కలెక్టరేట్‌కి పదండి!

AP : కాకినాడ జిల్లా ప్రజా సమస్యల పరిష్కారం కోసం సోమవారం కలెక్టరేట్‌లో ‘పీజీఆర్‌ఎస్‌’, ‘రెవెన్యూ క్లినిక్’ కార్యక్రమాలు నిర్వహించనున్నట్లు కలెక్టర్ హరేంధిర ప్రసాద్ తెలిపారు. ఉదయం 10 గంటల నుంచి మధ్యాహ్నం 1 గంట వరకు వేర్వేరుగా ఈ సమావేశాలు జరుగుతాయి. ప్రజలు తమ సమస్యలను అధికారుల దృష్టికి తీసుకువెళ్లి దరఖాస్తులు అందించవచ్చు. ఇప్పటికే ఇచ్చిన దరఖాస్తుల పరిష్కార పరిస్థితి ఏ దశలో ఉందో తెలుసుకోవడానికి అర్జీదారులు 1100 నంబర్‌కు ఫోన్ చేయవచ్చని ఆయన ప్రకటనలో పేర్కొన్నారు.

Local· 23 Aug 2026

ప్రశ్నించే గొంతు నొక్కడం సరికాదు

AP: కాలేజీల్లోకి రాకుండా ఆంక్షలు పెడుతూ ఇచ్చిన జీవోను క్యాన్సిల్ చేయాలని బిసి, ఎస్సీ, ఎస్టీ, మైనారిటీ స్టూడెంట్ యూనియన్ కర్నూలు కలెక్టరేట్ దగ్గర ప్రొటెస్ట్ చేసింది. ఎలక్షన్స్ ముందు ఇచ్చిన ప్రామిసెస్ గవర్నమెంట్ నెరవేర్చలేదని, వన్ టైమ్ సెటిల్మెంట్ కింద ఫీజు రీయింబర్స్ మెంట్ ఇస్తామని చెప్పి ఇంకా ఇవ్వలేదంటూ స్టూడెంట్స్ ఫైర్ అయ్యారు.హాస్టళ్లలో వసతులు లేక విద్యార్థులు ప్రాణాలు కోల్పోతున్నారని, ప్రశ్నించే గొంతు నొక్కడం సరికాదని మండిపడ్డారు. ఇచ్చిన్ హామీ ప్రకారం నిరుద్యోగ భృతి ఇవ్వాలని డిమాండ్ చేశారు.

Local· 23 Aug 2026

దళితవాడల సమస్యలపై కలెక్టరేట్ వద్ద ధర్నా

AP : కాకినాడ జిల్లా పిఠాపురం పరిధిలోని పిరాయవరం, తిమ్మాపురం దళితవాడల్లో స్మశానాలు, తాగునీరు, పారిశుద్ధ్యం, ఇళ్ల స్థలాలు సరిగ్గా లేవని నాయకులు మండిపడ్డారు. ఈ సమస్యల పరిష్కారం కోసం సోమవారం కాకినాడ కలెక్టరేట్ వద్ద చేపట్టే ధర్నాను జయప్రదం చేయాలని ఆయన పిలుపునిచ్చారు. ఆదివారం గ్రామాల ప్రజలకు కరపత్రాలు పంపిణీ చేస్తూ, ప్రతి ఒక్కరూ ఈ ఆందోళనలో పాల్గొనాలని కోరారు.

Local· 23 Aug 2026

రావులపాలెంలో పెన్షనర్స్ బిల్డింగ్

AP : విశ్రాంత ఉద్యోగుల సంక్షేమం, గౌరవం, భద్రత కోసం కూటమి ప్రభుత్వం ఎప్పుడూ ముందుంటుందని కొత్తపేట ఎమ్మెల్యే బండారు సత్యానందరావు అన్నారు. రావులపాలెంలో మండల పెన్షనర్స్ బిల్డింగ్ నిర్మాణానికి ఆయన భూమి పూజ చేశారు. ఈ సందర్భంగా ఎమ్మెల్యే మాట్లాడుతూ, సమాజ నిర్మాణంలో ప్రభుత్వ ఉద్యోగుల సేవలు మరువలేనివని కొనియాడారు. పదవీ విరమణ తర్వాత కూడా వారి అనుభవం ఎంతో విలువైనదని, వారి సమస్యల పరిష్కారానికి ప్రభుత్వం తరఫున పూర్తి సహాయ సహకారాలు అందిస్తామని తెలిపారు.

Local· 23 Aug 2026

సైన్స్‌ను ప్రజల్లోకి తీసుకెళ్లిన మహానీయుడికి నివాళులు!

AP : ప్రముఖ శాస్త్రవేత్త, విద్యావేత్త డాక్టర్ ఎంపీ పరమేశ్వరన్ సంతాప సూచకంగా యానాంలో నివాళులర్పించారు. జనవిజ్ఞాన వేదిక, CITU నాయకులు ఈ కార్యక్రమంలో పాల్గొన్నారు. సైన్స్‌ని కేవలం విశ్వవిద్యాలయాలకే పరిమితం చేయకుండా, సామాన్య ప్రజల్లోకి తీసుకెళ్లిన గొప్ప వ్యక్తి. నేటి తరానికి ఆయన నిజంగా ఒక మార్గదర్శి అని తెలిపారు. ఈ కార్యక్రమంలో కేవీపీ సత్యనారాయణ, దాట్ల దేవానందం, అశోక్, దుర్గాప్రసాద్, కుంచే సత్యనారాయణ, రాంబాబు, వాకపల్లి శాస్త్రి, బాలసుబ్రమణ్యం పాల్గొన్నారు.

Local· 23 Aug 2026

గుండె సమస్యతో బాధపడుతున్న మహిళకు రూ.5 లక్షల LOC

TG : ఆదిలాబాద్ జిల్లా ఉట్నూర్ పరిధిలోని ఇంద్రవెల్లి బుద్దనగర్‌కు చెందిన కాంబ్లే జయశ్రీ గుండె సమస్యతో హైదరాబాద్ నిమ్స్ ఆసుపత్రిలో చేరారు. ఆమెకు ఆపరేషన్ అవసరమని డాక్టర్లు చెప్పడంతో, ఇంద్రవెల్లి టౌన్ ప్రెసిడెంట్ జితేందర్, మార్కెట్ కమిటీ చైర్మన్ ఉత్తమ్ ఈ విషయాన్ని ఎమ్మెల్యే దృష్టికి తీసుకెళ్లారు. సమస్య తెలుసుకున్న వెంటనే స్పందించిన ఎమ్మెల్యే వెడ్మ బొజ్జు పటేల్ సీఎం సహాయనిధి నుంచి రూ. 5 లక్షల LOC ని మంజూరు చేయించారు. ఉట్నూర్ ఎమ్మెల్యే క్యాంప్ కార్యాలయంలో చెక్కును బాధితురాలి కుటుంబసభ్యులకు అందించారు.

Local· 23 Aug 2026

14 దేశాల్లో TRS పార్టీ అధ్యక్షుల నియామకం

విదేశాల్లో పార్టీని మరింత బలోపేతం చేసేందుకు తెలంగాణ రక్షణ సేన చీఫ్ కల్వకుంట్ల కవిత కీలక నిర్ణయం తీసుకున్నారు. విదేశాల్లోని 14 దేశాలకు పార్టీ అధ్యక్షులను ప్రకటించారు. మహారాష్ట్ర శాఖ అధ్యక్షుడిగా సుల్గే శ్రీనివాస్‌ను నియమించారు. ఆస్ట్రేలియాకు కిషోర్ కత్తి, యూకేకు సుమన్ రావు బాల్మూరి, కెనడాకు వెంకట్రామణ్ మెట్పల్లి, ఇటలీకి కిషోర్ యాదవ్, యూఏఈకి శేఖర్ గౌడ్ ఆరె, సౌదీ అరేబియాకు మొజ్జమ్ అలీ ఇఫ్తేకర్‌లను అధ్యక్షులుగా బాధ్యతలు ఇచ్చారు.

▶

Local· 23 Aug 2026

అర్హులందరికీ స్మార్ట్ రేషన్ కార్డులు

TG : నాగర్ కర్నూలు జిల్లా చారకొండ రైతు వేదికలో స్మార్ట్ రేషన్ కార్డుల పంపిణీ కార్యక్రమం జరిగింది. ఈ కార్యక్రమంలో అచ్చంపేట ఎమ్మెల్యే డాక్టర్ చిక్కుడు వంశీకృష్ణ పాల్గొని లబ్ధిదారులకు కార్డులను అందించారు. ఈ సందర్భంగా ఆయన మాట్లాడుతూ, అర్హత ఉన్న ప్రతి కుటుంబానికి రేషన్ కార్డు మంజూరు చేస్తామని హామీ ఇచ్చారు. రాష్ట్ర ప్రభుత్వం ఉచితంగా అందిస్తున్న సన్నబియ్యం పథకం ద్వారా పేద ప్రజలకు ఎంతో మేలు జరుగుతోందని తెలిపారు. ఈ కార్యక్రమంలో అధికారులు, కాంగ్రెస్ నాయకులు, లబ్ధిదారులు పాల్గొన్నారు.

▶

Local· 23 Aug 2026

'జలసిరి’తో భూగర్భ జలాలు సేవ్ చేద్దాం! 💧

TG : నిజామాబాదు జిల్లాలో వర్షపు నీటిని వేస్ట్ చేయకుండా భూమిలోకి ఇంకించి, వాటర్ లెవెల్స్ పెంచడమే లక్ష్యంగా నందిపేట్‌ రాజ్‌నగర్‌ (ధుబ్బా) ఎస్సీ హాస్టల్‌ దగ్గర ‘జలసిరి’ ప్రోగ్రామ్ స్టార్ట్ చేశారు. ఇందులో భాగంగా సర్పంచ్‌ ఎర్రం సిలిండర్‌ లింగం వెర్టికల్ సోక్‌పిట్ (ఇంకుడు గుంత) పనులను ప్రారంభించారు. ఈ సందర్భంగా ఆయన మాట్లాడుతూ, వాన నీటిని వేస్ట్ కాకుండా ఇంకుడు గుంతల్లోకి మళ్లిస్తే వాటర్ ప్రాబ్లమ్స్ రావు అని చెప్పారు. నెక్స్ట్ జెనరేషన్ కోసం నీటిని పొదుపుగా వాడుతూ, వాన నీటిని కాపాడుకోవాలని అన్నారు.

Local· 23 Aug 2026

SIR ఫేస్ 2

TG : హనుమకొండ జిల్లా పరకాల నియోజకవర్గంలో SIR ప్రక్రియ ఫేస్ 2 ను విజయవంతం చేయాలని పరకాల AMC చైర్మన్, నియోజకవర్గ ఇంచార్జ్ చందుపట్ల రాజిరెడ్డి పిలుపునిచ్చారు. ఓటరు జాబితాలో అర్హులైన ప్రతి ఒక్కరి పేరు ఉండేలా బూత్‌ల వారీగా వివరాలను పరిశీలించాలని BLAలకు సూచించారు. ప్రజలకు ఈ ప్రక్రియపై అవగాహన కల్పిస్తూ పనిచేయాలని కోరారు. అర్హులైన ప్రతి ఒక్కరికీ ఓటు హక్కు కల్పించడమే లక్ష్యంగా అందరూ కృషి చేయాలన్నారు.

Local· 23 Aug 2026

పొలం బాట పట్టిన స్కూలు పిల్లలు

TG : వరంగల్ జిల్లా నర్సంపేటలోని Wisdom High School విద్యార్థులు వ్యవసాయ పొలాలను సందర్శించారు. ప్రాక్టికల్‌గా వరి పంట ఎలా పండిస్తారో తెలుసుకోవడానికి ఫీల్డ్ ట్రిప్ వెళ్లారు. ఉపాధ్యాయులు పిల్లలకు క్రాప్ ప్రాసెసింగ్ చూపించి లైవ్‌గా ఎక్స్‌ప్లెయిన్ చేశారు. కేవలం క్లాస్‌రూమ్ బుక్స్ వరకే పరిమితం కాకుండా, ఇలాంటి ప్రకృతి పర్యటనల వల్ల స్టూడెంట్స్‌కి మైండ్ రిఫ్రెష్ అయ్యి బాగా అర్థమవుతుంది. రైతుల కష్టం, ఫుడ్ వాల్యూ, ‘రైతే దేశానికి వెన్నెముక’ అనే మెయిన్ కాన్సెప్ట్‌ను వీరికి నేర్పించడమే ఈ ట్రిప్ ముఖ్య ఉద్దేశం.

Local· 23 Aug 2026

శ్మశాన వాటికలో తీరిన నీటి తిప్పలు

TG : రంగారెడ్డి జిల్లా షాద్‌నగర్ మున్సిపాలిటీలోని హిందూ శ్మశాన వాటికలో ఇన్నాళ్లూ ఉన్న నీటి సమస్యకు పరిష్కారం లభించింది. నీటి సౌకర్యం లేక అంత్యక్రియలకు వచ్చే ప్రజలు పడుతున్న ఇబ్బందులను స్థానిక నాయకులు గుర్తించారు. అందె మోహన్ ఆధ్వర్యంలో, మున్సిపల్ చైర్మన్ బసవప్ప, కౌన్సిలర్ బచ్చలి నరేష్‌లు కలిసి శ్మశాన వాటికలో కొత్తగా బోరు వేయించారు. దీంతో ఇకపై ఇక్కడికి వచ్చే వారికి నీటి కొరత తీరనుంది. సమస్యను పరిష్కరించిన నాయకులకు స్థానిక ప్రజలు ధన్యవాదాలు తెలిపారు.

Local· 23 Aug 2026

కరెంట్ షాక్‌తో లైన్‌మెన్‌కు తీవ్ర గాయాలు

TG : మంచిర్యాల జిల్లా దండేపల్లి మండలం మోకాసిగూడెం స్టేజి దగ్గర విద్యుత్ ప్రమాదం జరిగింది. 33 కేవీ కరెంట్ స్తంభానికి తగులుతున్న చెట్టు కొమ్మలను నరకడానికి జూనియర్ లైన్‌మెన్ మహేందర్ స్తంభం ఎక్కాడు. ఆ సమయంలో అనుకోకుండా కరెంట్ షాక్ తగలడంతో ఆయన స్తంభం పైనుంచి కింద పడిపోయాడు. ఇది చూసిన చుట్టుపక్కల ప్రజలు వెంటనే స్పందించి, 108 అంబులెన్స్‌లో లైన్‌మెన్ చికిత్స కోసం లక్షిట్టిపేట ప్రభుత్వ ఆసుపత్రికి తరలించారు. ప్రస్తుతం ఆయన తీవ్ర గాయాలతో చికిత్స పొందుతున్నారు.

Local· 23 Aug 2026

నర్సంపేటలో MRPS నూతన కమిటీలు

TG : MRPS, MSP, MSF నర్సంపేట అర్బన్, రూరల్ కొత్త కమిటీలను సెప్టెంబరు 2న ఏర్పాటు చేయనున్నట్లు దళితరత్న అవార్డు గ్రహీత కళ్లపెళ్లి ప్రణయ్‌దీప్‌ తెలిపారు. ఆర్‌అండ్‌బీ గెస్ట్ హౌస్‌లో జరిగిన ఎమర్జెన్సీ మీటింగ్‌లో ఆయన మాట్లాడారు. గడిచిన 30 ఏళ్లుగా ఎమ్మార్పీఎస్‌ చేసిన పోరాటాల వల్ల ఆరోగ్యశ్రీ, బియ్యం కోటా, పింఛన్ల పెంపు వంటి మంచి ఫలితాలు వచ్చాయని గుర్తుచేశారు. మాదిగల ఆత్మగౌరవం, సామాజిక న్యాయం కోసం ప్రతీ ఒక్కరూ ఐక్యంగా కలిసి పోరాడాలని పిలుపునిచ్చారు.

Local· 23 Aug 2026

నెల్లూరు జిల్లాల్లో కొత్త ఆఫీసర్స్

AP : నెల్లూరు జిల్లా వ్యాప్తంగా ఉన్న 35 మండలాలకు ప్రత్యేక అధికారులను నియమిస్తూ కలెక్టర్ హిమాంశు శుక్లా ఆదేశాలు జారీ చేశారు. ఇందులో భాగంగా ఉదయగిరి నియోజకవర్గ పరిధిలోని 8 మండలాలకు ఆఫీసర్లను కేటాయించారు. ఉదయగిరికి వెంకటరెడ్డి, సీతారాంపురానికి రమేష్ నాయక్, వరికుంటపాడుకు వెంకటేశ్వర్లు, దుత్తలూరుకు MD జహురుద్దీన్ అహ్మదాస్, వింజమూరుకు సింహాద్రి, కొండాపురానికి శ్రీనివాస్ రెడ్డి, జలదంకి మండలానికి విశాక్‌లను స్పెషల్ ఆఫీసర్లుగా అపాయింట్ చేశారు.