పిల్లలకు సోషల్ మీడియా.. నిషేధానికి 27 దేశాలు రెడీ!

By Anusha· 21h ago

చిన్నారుల సోషల్ మీడియా వాడకంపై 27 దేశాలతో కూడిన ఐరోపా సమాఖ్య(EU) ఆంక్షలకు సిద్ధమవుతోంది. 13 ఏళ్లలోపు పిల్లలకు SM వాడకం నిషేధించాలని ప్రపోజ్ చేసింది. 13–15 ఏళ్ల వారికి సంరక్షకుల పర్యవేక్షణలో పరిమిత ఫీచర్లతో అకౌంట్స్ అనుమతించాలని, 15–18 ఏళ్ల వారికి ప్లాట్‌ఫామ్‌లు ప్రత్యేక సురక్షిత డిజైన్‌ను అందించాలని సూచించింది. వ్యసనానికి దారితీసే ఫీచర్లు, ఏఐతో అసభ్య చిత్రాల సృష్టి నుంచి పిల్లలను రక్షించడమే లక్ష్యమని ఈయూ కమిషన్ అధ్యక్షురాలు ఉర్సులా వాన్ డెర్ లెయెన్ తెలిపారు.

More in International

International· 26m ago

ముఖం చూసి మనసు తెలుసుకోవచ్చా?

ఒకరి ఫేస్ చూసి వారి ఆలోచనలు, భావాలు, వ్యక్తిత్వం తెలుసుకోవచ్చా? చరిత్రకారిణి ఫే బౌండ్-అల్బెర్టీ రాసిన ‘The Face’ పుస్తకం ఈ ఆసక్తికర అంశాన్ని పరిశీలిస్తుంది. శతాబ్దాలుగా మనుషులు ముఖాన్ని గుర్తింపు, వ్యక్తిత్వం, భావోద్వేగాలకు ప్రతిబింబంగా భావిస్తూ వచ్చారని ఇందులో వివరించారు. నేటి రోజుల్లో ముఖ కవళికలు, బాడీ లాంగ్వేజ్‌తో మనసును అంచనా వేయొచ్చనే నమ్మకం ఉన్నా.. ఫేస్ చూసి ఒకరి అంతరంగాన్ని పూర్తిగా తెలుసుకోవడం సాధ్యం కాదనే అంశాన్ని పుస్తకం చర్చిస్తుంది.

International· 3h ago

నిద్రపోతే 13.76 లక్షలిస్తారు..ఎక్కడంటే?

జపాన్‌లోని టోక్యోలో నిద్రపై ఓ వింత పోటీ నిర్వహించనున్నారు. ‘కోలా జపాన్’ సంస్థ ఈ పోటీని ఏర్పాటు చేసింది. ఇందులో పాల్గొనేవారు 90 నిమిషాల పాటు నిద్రపోవాలి. నిద్ర ఎంత బాగా పట్టిందో ప్రత్యేక పరికరాలతో పరిశీలిస్తారు. పోటీ సమయంలో శబ్దాలు చేసినా, వాటిని పట్టించుకోకుండా బాగా నిద్రపోయేవారికి ఎక్కువ పాయింట్లు వస్తాయి. ఈ పోటీలో గెలిచిన వారికి 22.2 లక్షల యెన్‌లు.. అంటే సుమారు 13.76 లక్షల రూపాయలు బహుమతిగా ఇస్తారు.

International· 3h ago

సముద్రంలో భారత్–పాక్ నౌకల ఢీ

ఉత్తర అరేబియా సముద్రంలో పాకిస్థాన్ నౌకాదళానికి చెందిన ‘PNS Hunain’ నౌక భారత యుద్ధనౌకను ఢీకొట్టింది.<br>మంగళవారం సాయంత్రం పాక్ నౌక వేగంగా భారత నౌకకు దగ్గరగా రావడంతో ఈ ప్రమాదం జరిగినట్లు అధికారులు తెలిపారు. ఈ ఘటనలో భారత యుద్ధనౌకకు ఎలాంటి నష్టం జరగలేదు. పాక్ నౌకకు మాత్రం కొంత నష్టం జరిగినట్లు తెలుస్తోంది. ఘటనపై భారత్ పాక్ అధికారిని పిలిపించి నిరసన తెలిపింది.

International· 6h ago

యెమెన్‌లో సౌదీ F-15 కూల్చివేత?

సౌదీ బలగాలు, యెమెన్‌లోని హౌతీల మధ్య ఘర్షణలు పెరుగుతున్నాయి. తాజాగా యెమెన్‌లోని మారిబ్ ప్రావిన్స్‌లో సౌదీ F-15 యుద్ధ విమానాన్ని లోకల్ మేడ్ మిస్సైల్‌తో కూల్చేసినట్లు హౌతీలు తెలిపారు. ఇందుకు సంబంధించిన ఫొటో, వీడియోలను రిలీజ్ చేశారు. సౌదీ చేస్తున్న వైమానిక దాడులను అడ్డుకుంటున్నట్లు తెలిపారు. పవిత్రమైన మక్కాపై హౌతీల డ్రోన్ అటాక్‌ను సౌదీ ఎయిర్ డిఫెన్స్ కూల్చేసిన విషయం తెలిసిందే.