AP

AP· 10 Aug 2026

ప్రశ్న రావణ్‌కు రిటైర్డ్ IPS సునీల్ కుమార్ సపోర్ట్!

AP: రిటైర్డ్ IPS ఆఫీసర్ <a href="https://x.com/PV_Sunil_Kumar/status/2086749933248643295?s=20">PV. సునీల్ కుమార్</a> నెల్లూరు సెంట్రల్ జైల్లో ఉన్న 'ప్రశ్న రావణ్'ను ఈ రోజు కలిశారు. నిజాయితీగా సమాజం వైపు నిలబడే వాళ్లకు సపోర్ట్ ఇవ్వడం తన బాధ్యత అని ఆయన ఎక్స్ లో పోస్ట్ చేశారు. జైల్లో ఉన్న రావణ్ చాలా ధైర్యంగా ఉన్నాడని, అతను బయటకొచ్చాక డబుల్ స్ట్రాంగ్ ఎపిసోడ్స్ చూడవచ్చని చెప్పారు. ఈ మేరకు కలసి మాట్లాడిన విషయాన్ని పివి సునీల్ కుమార్ సోషల్ మీడియా ద్వారా షేర్ చేసుకున్నారు.

▶

AP· 10 Aug 2026

చంద్రగిరి అటవీ ప్రాంతంలో 22 ఏనుగులు

AP: తిరుపతి జిల్లా చంద్రగిరి పరిధిలోని ఎర్రవారిపాలెం అటవీ ప్రాంతంలో 22 ఏనుగులు సంచరిస్తున్నట్టు అటవీ శాఖ అధికారులు గుర్తించారు. సిద్ధలగండి చెరువు సమీపంలో ఏనుగులున్నాయని, వీఆర్‌ కాలనీ, వేములవాడ, కోటకడపల్లి గ్రామాల వైపు వచ్చే అవకాశం ఉందని హెచ్చరించారు. అయ్యగారిపల్లి, పులిగోనపల్లి, నెరబైలు గ్రామాల ప్రజలు అప్రమత్తంగా ఉండాలని సూచించారు.

AP· 10 Aug 2026

శాంతియుత సమావేశాన్ని అడ్డుకోవడం హక్కుల ఉల్లంఘన

AP: విశాఖపట్నంలో డేటా సెంటర్ల వ్యతిరేక శాంతియుత సమావేశాన్ని పోలీసులు అడ్డుకోవడం హక్కుల ఉల్లంఘన అని HRF(Human Rights Forum) తెలిపింది. గ్రీన్ విశాఖ సభ్యులు భగత్ సింగ్ విగ్రహం వద్ద డేటా సెంటర్ల పర్యావరణ ప్రభావాలపై శాంతియుతంగా సమావేశమైనప్పుడు పోలీసులు వారిని చెదరగొట్టడం దారుణమని ఓ ప్రకటనలో వివరించారు. తర్లువాడలో భూములు కోల్పోయినవారిని కలవకుండా కార్యకర్తలను అదుపులోకి తీసుకోవడం, ఆన్‌లైన్ విమర్శలు తొలగించడాన్ని హెచ్‌ఆర్‌ఎఫ్ ఖండిస్తున్నట్టు తెలిపింది.

AP· 10 Aug 2026

66 రోజులైనా దొరకని జ్ఞానేశ్వరి ఆచూకీ

AP: కాకినాడ జిల్లా తుని గ్రామీణ మండలం సీహెచ్ అగ్రహారానికి చెందిన రెండున్నరేళ్ల చిన్నారి సుంకర జ్ఞానేశ్వరి (జానూ) జూన్ 6న మిస్సయ్యింది. తన వెంట వెళ్లిన పెంపుడు కుక్క తిరిగి వచ్చి చనిపోయింది. జ్ఞానేశ్వరి ఆచూకీ మాత్రం దొరకలేదు. మరో కుక్క పిల్లను తెచ్చుకున్న జ్ఞానేశ్వరి తల్లిదండ్రులు దానికి ‘జాను’ అని పేరుపెట్టారు. తమ కుమార్తెను ఎవరో వెంట తీసుకు వెళ్ళిపోయారని భావిస్తున్న తల్లి భవాని కుమార్తె ఆచూకీ చెప్పాలని వేడుకుంటోంది.

AP· 9 Aug 2026

ప్రియాంక కుటుంబానికి చంద్రబాబు భరోసా

AP: రాజమహేంద్రవరం ఘటనలో మెడికో ప్రియాంక<a href="https://www.theclearcutnews.com/n/Bs69Rid"> మృతి</a> చెందడం తీవ్రంగా కలిచివేసిందని CM చంద్రబాబు తెలిపారు. ఆమె మృతికి కారణమైన నిందితులపై కఠిన చర్యలు తీసుకోవాలని అధికారులను ఆదేశించారు. నిర్లక్ష్యంగా వాహనం నడిపి ప్రాణం తీసిన వారిపై కఠిన సెక్షన్లతో కేసు నమోదు చేసి శిక్షపడేలా చూడాలని CM సూచించారు. బాధిత కుటుంబానికి రూ.20 లక్షల ఆర్థిక సాయం అందించాలన్నారు. కుటుంబానికి ప్రభుత్వం అన్నివిధాలా అండగా ఉంటుందని హామీ ఇచ్చారు. ప్రియాంక సికింద్రాబాద్ కిమ్స్ ఆస్పత్రిలో చికిత్స పొందుతూ మృతి చెందిన విషయం తెలిసిందే.

▶

AP· 9 Aug 2026

ప్రియాంక ఘటనపై హైటెన్షన్.. విద్యాసంస్థలు బంద్

AP: రాజమహేంద్రవరం మెడికో ప్రియాంక ఘటనలో ప్రభుత్వ తీరును నిరసిస్తూ రేపు రాజమండ్రిలో విద్యాసంస్థల బంద్‌కు పిలుపునిచ్చినట్లు మాజీ MP మార్గాని భరత్ తెలిపారు. ప్రియాంకను కారు ఢీకొట్టిన ఘటన తర్వాత నిందితులపై కేసు నమోదు విషయంలో పోలీసులు ఆలస్యం చేశారని ఆరోపించారు. ఆసుపత్రిలో చికిత్స పొందుతున్న సమయంలో CM చంద్రబాబు, డిప్యూటీ CM పవన్‌కల్యాణ్, ఇతరులెవరూ పరామర్శించలేదని విమర్శించారు. నిందితులను కాపాడేందుకు ప్రయత్నాలు జరిగాయని ఆరోపణలు చేశారు. ఆమె కాసేపటి క్రితమే చికిత్స పొందుతూ <a href="https://www.theclearcutnews.com/n/Bs69Rid">మృతి</a> చెందిన విషయం తెలిసిందే.

AP· 9 Aug 2026

సూర్యలంకకు వెళ్తుండగా ఊహించని విషాదం

AP: గుంటూరు బైపాస్‌ వద్ద జరిగిన ఘోర రోడ్డు ప్రమాదంలో విజయవాడ ట్రాఫిక్‌ DCP సిరీనా బేగం కుమార్తె హఫీఫా మృతి చెందారు. హఫీఫా మరో ముగ్గురు స్నేహితులతో కలిసి బాపట్ల జిల్లా సూర్యలంక బీచ్‌కు కారులో వెళ్తుండగా ఈ ప్రమాదం జరిగింది. బైపాస్‌ సమీపంలో రేషన్‌ సరఫరా లారీని కారు వెనుక నుంచి బలంగా ఢీకొట్టింది. ప్రమాదంలో తీవ్రంగా గాయపడిన హఫీఫాను వెంటనే సమీపంలోని ఆదిత్య ఆస్పత్రికి తరలించారు. అయితే అప్పటికే ఆమె మృతి చెందినట్లు వైద్యులు నిర్ధారించారు. ఘటనపై పోలీసులు కేసు నమోదు చేసి దర్యాప్తు చేస్తున్నారు.

AP· 9 Aug 2026

కూతురు జ్ఞాపకాలను మరిచిపోలేక భావోద్వేగ నిర్ణయం

AP: రెండున్నరేళ్ల చిన్నారి జ్ఞానేశ్వరి <a href="https://www.theclearcutnews.com/n/b9hxZvG">అదృశ్యమై</a> దాదాపు 65రోజులు గడుస్తున్నా ఆచూకీ <a href="https://www.theclearcutnews.com/n/hYPgSsi">లభించకపోవడం</a>తో తల్లిదండ్రులు కన్నీరుమున్నీరవుతున్నారు. కాకినాడ జిల్లా తుని మండలం CH అగ్రహారంలో జూన్‌ 6న చిన్నారి కనిపించకుండా పోయింది. పోలీసులు, SDRF, NDRF బృందాలు గాలింపు చేపట్టినా ఎలాంటి ఆధారం <a href="https://www.theclearcutnews.com/n/WtyuUGy">దొరకలేదు</a>. చిన్నారి వెంట వెళ్లిన పెంపుడు కుక్క మూడురోజుల తర్వాత ఇంటికి తిరిగి వచ్చి మృతి చెందింది. కూతురు జ్ఞాపకాల నుంచి బయటపడేందుకు తల్లిదండ్రులు మరో కుక్కపిల్లను ఇంటికి తెచ్చుకుని దానికి జాను అని పేరు పెట్టుకున్నారు.

AP· 9 Aug 2026

చావుబతుకుల పోరాటం ముగిసింది.. మెడికో మృతి

AP: రాజమహేంద్రవరం ఘటనలో తీవ్రంగా గాయపడిన మెడికో ప్రియాంక మృతి చెందారు. బ్రెయిన్‌‌డెడ్‌ కావడంతో సికింద్రాబాద్‌ కిమ్స్‌ ఆస్పత్రిలో చికిత్స పొందుతూ ఆమె ప్రాణాలు కోల్పోయినట్లు వైద్యులు ధ్రువీకరించారు. మద్యంమత్తులో ఉన్న సూరవరపు దస్వంత్‌, ఆండ్రూ జోసెఫ్‌ <a href="https://www.theclearcutnews.com/n/BNi4iQK">ర్యాష్‌ డ్రైవింగ్‌</a> చేస్తూ స్కూటీపై వెళ్తున్న ప్రియాంకను రాజమహేంద్రవరంలో కారుతో మూడుసార్లు ఢీకొట్టినట్లు పోలీసులు తెలిపారు. ఘటనలో ఆమె తీవ్రంగా గాయపడటంతో తొలుత స్థానిక ఆస్పత్రిలో, అనంతరం కిమ్స్‌లో చికిత్స అందించారు. నిందితులను పోలీసులు <a href="https://www.theclearcutnews.com/n/ontXSYW">అరెస్ట్</a> చేశారు.

AP· 9 Aug 2026

ప్రియాంక కేసులో షాకింగ్ విషయాలు

AP: తూర్పుగోదావరి జిల్లా రాజమహేంద్రవరంలో మెడికో ప్రియాంకను కారుతో <a href="https://www.theclearcutnews.com/n/NHxpTeJ">ఢీకొట్టిన</a> ఘటనలో జిల్లా SP నరసింహ కిషోర్ కీలక విషయాలను వెల్లడించారు. మద్యంమత్తులో ఉన్న నిందితులను మాల్‌ సెక్యూరిటీ సిబ్బంది లోపలికి అనుమతించకపోవడంతో వారు సిబ్బందిపై దాడిచేసి కారులో పారిపోయేందుకు ప్రయత్నించారని తెలిపారు. ఈ క్రమంలో స్కూటీపై వెళ్తున్న ప్రియాంక, ఆమె స్నేహితుడిని నిందితులు కారుతో మూడుసార్లు ఢీకొట్టినట్లు CCTV ఆధారాల్లో తేలిందన్నారు. ఇద్దరు నిందితులను అరెస్టు చేసి రిమాండ్‌కు పంపినట్లు SP పేర్కొన్నారు.

AP· 9 Aug 2026

వాహనంలో ఇరుక్కుపోయిన డ్రైవర్లు.. ఇద్దరి కండిషన్ సీరియస్!

అనంతపురం జిల్లా పామిడి మండలం పోగూరు దగ్గర ఓ ప్రైవేట్ ట్రావెల్స్ బస్ ఘోరమైన యాక్సిడెంట్‌కి గురైంది. ఓవర్ స్పీడ్‌తో వెళ్తున్న ఈ బస్, ఎదురుగా వస్తున్న ఐచర్ వెహికల్‌ని డైరెక్ట్‌గా ఢీకొట్టింది. ఆ ఇంపాక్ట్‌కి బస్ కంట్రోల్ తప్పి హైవే పక్కనే ఉన్న కల్వర్టు పైనుంచి కింద పడిపోయింది. ఈ యాక్సిడెంట్‌లో 18 మంది ప్యాసింజర్స్‌కి సీరియస్ ఇంజ్యూరీస్ అయ్యాయి. బస్, ఐచర్ డ్రైవర్లు క్యాబిన్‌లోనే ఇరుక్కుపోవడంతో.. పోలీసులు, స్థానికులు వాహనం భాగాలను కట్ చేసి వాళ్లని బయటికి తీశారు. ప్రజెంట్ ఇద్దరి కండిషన్ సీరియస్‌గా ఉంది.

AP· 8 Aug 2026

మెడికో ప్రియాంక ఆరోగ్యంపై హైటెన్షన్

AP: రాజమండ్రి <a href="https://www.theclearcutnews.com/n/NtiWpLS">ఘటన</a>లో తీవ్రంగా గాయపడిన మెడికో ప్రియాంక ఆరోగ్య పరిస్థితి అత్యంత విషమంగా ఉందని కిమ్స్ వైద్యులు తెలిపారు. సికింద్రాబాద్‌లోని కిమ్స్ ఆసుపత్రిలో ఆమెకు చికిత్స కొనసాగుతోంది. ప్రియాంకకు అప్నియా టెస్ట్ నిర్వహించేందుకు డాక్టర్స్ ప్రయత్నించినప్పటికీ, శరీరం సహకరించకపోవడంతో పరీక్షను నిలిపివేశారు. అనంతరం ఆరోగ్య పరిస్థితిపై తల్లిదండ్రులతో వైద్యులు చర్చించారు. ఈ నెల 3న రాజమహేంద్రవరంలో తోటి విద్యార్థితో బైక్‌పై వెళ్తుండగా ఇద్దరు యువకులు కారుతో ఢీకొట్టడంతో ఆమెకు తీవ్ర గాయాలయ్యాయి.

AP· 8 Aug 2026

మన్యం బంద్‌తో ఏజెన్సీలో టెన్షన్

AP: అల్లూరి, పోలవరం జిల్లాల్లో ఆదివాసీ సంఘాలు చేపట్టిన మన్యం బంద్ కొనసాగుతోంది. జీవో నంబర్‌ 3ను పునరుద్ధరించడంతోపాటు స్థానిక గిరిజనులకు 100శాతం ఉద్యోగ రిజర్వేషన్‌ కల్పించాలని ఆందోళనకారులు డిమాండ్‌ చేశారు. 1/70 చట్టాన్ని పక్కాగా అమలుచేసి, భూబదలాయింపులను అడ్డుకోవాలని కోరారు. పాడేరులో ఆదివాసీ సంఘాల నేతలు RTC కాంప్లెక్స్‌ వద్ద రోడ్డుపై బైఠాయించి బస్సులు, వాహనాలను అడ్డుకోవడంతో ఉద్రిక్తత నెలకొంది. పోలీసులు నిరసనకారులను చెదరగొట్టారు. రంపచోడవరం సహా పలు ఏజెన్సీ ప్రాంతాల్లో దుకాణాలు మూతపడ్డాయి.

AP· 8 Aug 2026

పెళ్లైన నాలుగు నెలలకే విషాదం

AP: విజయవాడ అజిత్‌సింగ్‌నగర్‌ PS పరిధిలోని అయోధ్యనగర్‌లో ఓ వివాహిత మహిళ ఆత్మహత్య చేసుకుంది. అన్నమయ్య జిల్లా మదనపల్లికి చెందిన చంద్రకళ(24)కు ఈ ఏడాది ఏప్రిల్‌లో దేవేంద్రతో వివాహం జరిగింది. భర్త పనికి వెళ్లిన సమయంలో ఆమె ఇంట్లో ఉరివేసుకుని ఆత్మహత్యకు పాల్పడింది. స్నేహితుడి ఫోన్‌తో ఇంటికి చేరుకున్న భర్త.. తలుపులు వేసి ఉండటాన్ని గమనించి, చూడగా ఆమె ఫ్యాన్‌కు వేలాడుతూ కనిపించింది. ఆసుపత్రికి తరలించినా అప్పటికే మృతి చెందినట్లు వైద్యులు తెలిపారు. పోలీసులు కేసు నమోదు చేసి దర్యాప్తు చేపట్టారు.

AP· 8 Aug 2026

ప్రియాంక కేసులో పవన్ కల్యాణ్ కీలక ఆదేశాలు

AP: మెడికో ప్రియాంక ఘటనపై డిప్యూటీ CM పవన్ కల్యాణ్ సీరియస్ అయ్యారు. నిందితులపై కఠిన చర్యలు తీసుకోవాలని ఏలూరు రేంజ్ DIGతో ఫోన్‌లో మాట్లాడి ఆదేశించారు. బాధితురాలికి మెరుగైన వైద్యం అందించాలని సూచించారు. ఈ నెల 3న రాజమండ్రిలో సినిమా థియేటర్ వద్ద ప్రియాంక, ఆమె స్నేహితుడితో కలిసి బైక్‌పై వెళ్తుండగా ఇద్దరు యువకులు కారుతో బైక్‌ను <a href="https://www.theclearcutnews.com/n/BNi4iQK">ఢీకొట్టారు</a>. అనంతరం మరోసారి ఢీకొట్టడంతో ఆమె తీవ్రంగా గాయపడ్డారు. హైదరాబాద్‌లోని ఓ ప్రైవేట్ ఆస్పత్రిలో చికిత్స పొందుతున్న ఆమె పరిస్థితి విషమంగా ఉన్నట్లు వైద్యులు తెలిపారు.

AP· 8 Aug 2026

శ్రీవారి దర్శనం తర్వాత తీరని విషాదం

AP: తిరుమల మొదటి ఘాట్‌ రోడ్డులో ఘోర ప్రమాదం జరిగింది. శ్రీవారి దర్శనం అనంతరం తిరుపతికి వస్తున్న కర్ణాటకకు చెందిన భక్తుల కారు 22వ మలుపు వద్ద అదుపుతప్పి డివైడర్‌ను ఢీకొని 15అడుగుల లోతులోకి బోల్తా పడింది. ప్రమాదంలో సతీష్ కుమార్(72) తీవ్రంగా గాయపడి స్విమ్స్ ఆసుపత్రిలో చికిత్స పొందుతూ మృతి చెందారు. మరోఇద్దరు చిన్నారులు సహా కుటుంబసభ్యులకు స్వల్ప గాయాలయ్యాయి. బాధితులు బెంగళూరులోని బన్నేరుఘట్ట రోడ్, గోట్టిగెరికి చెందినవారిగా పోలీసులు గుర్తించారు. డ్రైవర్ నిద్రమత్తు వల్లే ప్రమాదం జరిగినట్లు తెలిపారు.

AP· 8 Aug 2026

ఆంధ్రా గోవాకు కొత్త రూపు

AP: సూర్యలంక బీచ్‌కు ప్రపంచ స్థాయి గుర్తింపు తీసుకొచ్చేలా అభివృద్ధి చేస్తామని CM చంద్రబాబు తెలిపారు. బాపట్ల జిల్లా వేటపాలెం మండలంలో నిర్వహించిన కార్యక్రమంలో ఆయన మాట్లాడారు. తూర్పు తీర ఆంధ్రా గోవాగా పేరున్న ఈ ప్రాంతాన్ని పర్యాటక కేంద్రంగా తీర్చిదిద్దేందుకు ఇప్పటికే స్వదేశీ దర్శన్ పథకం కింద రూ.97.52 కోట్లతో పనులు జరుగుతున్నాయని చెప్పారు. బీచ్‌ నుంచి చీరాల వరకు 18 కిలోమీటర్ల తీర ప్రాంతాన్ని బీచ్‌ కారిడార్‌గా అభివృద్ధి చేసి, ఆధునిక సౌకర్యాలు కల్పించనున్నట్లు వెల్లడించారు.

AP· 8 Aug 2026

వెలిగొండ ప్రాజెక్టుకు ముహూర్తం ఫిక్స్

AP: వెలిగొండ ప్రాజెక్టును ఈ నెలాఖరులో ప్రారంభించనున్నట్లు మంత్రి నిమ్మల రామానాయుడు తెలిపారు. ప్రాజెక్టు పురోగతిపై ఆయన అధికారులతో సమీక్షించారు. కృష్ణా జలాలను విడుదల చేసి నల్లమలసాగర్ జలాశయాన్ని నింపనున్నట్లు వెల్లడించారు. కూటమి ప్రభుత్వం అధికారంలోకి వచ్చిన తర్వాత ప్రాజెక్టు పనులను వేగవంతం చేశామన్నారు. ప్రస్తుతం ప్రాజెక్టులో 99శాతం పనులు పూర్తయ్యాయని, మిగిలిన పనులను నెలాఖరులోపు పూర్తి చేస్తామన్నారు. టన్నెళ్లలో CC లైనింగ్, TBM మిషన్ తొలగింపు పనులను త్వరితగతిన పూర్తిచేయాలని అధికారులను ఆదేశించారు.