Local

Local· 18 Aug 2026

మిషన్ భగీరథ పనులను పరిశీలించిన ఎమ్మెల్యేలు

TG: మేడ్చల్–మల్కాజిగిరి జిల్లా శామీర్‌పేట్ మండలం ఘంపూర్ గుట్ట వెంకటేశ్వర స్వామి ఆలయం వద్ద తెలంగాణ రాష్ట్ర ప్రభుత్వ విప్, ఆలేరు ఎమ్మెల్యే బీర్ల అయిలయ్య, భువనగిరి ఎమ్మెల్యే కుంభం అనిల్ కుమార్ రెడ్డి మిషన్ భగీరథ పనులను పరిశీలించారు. తెలంగాణ రాష్ట్ర ప్రభుత్వం రూ.210 కోట్లతో చేపడుతున్న తాగునీటి సరఫరా పనుల పురోగతిని అధికారులను అడిగి తెలుసుకున్నారు. ప్రజలకు స్వచ్ఛమైన తాగునీరు అందించేందుకు పనులను త్వరగా పూర్తి చేయాలని సూచించారు.

Local· 18 Aug 2026

బహుజనుల కోసం పోరాడిన వీరుడు పాపన్న గౌడ్‌

TG: గద్వాలలో సర్దార్ సర్వాయి పాపన్న గౌడ్ జయంతి వేడుకలు ఘనంగా నిర్వహించారు. గద్వాల గౌడ సంఘం నాయకుల ఆధ్వర్యంలో సర్వాయి పాపన్న గౌడ్ విగ్రహానికి పూలమాలలు వేసి నివాళులు అర్పించారు. ఈ సందర్భంగా బీసీ, ఎస్సీ, ఎస్టీ, బహుజన నాయకులు మాట్లాడుతూ సర్వాయి పాపన్నగౌడ్ తెలంగాణ ఆత్మగౌరవానికి, ధీరత్వానికి ప్రతీకగా నిలిచిన మహనీయుడని కొనియాడారు. బహుజనుల హక్కుల కోసం పోరాడిన వీరుడిగా ఆయనను గుర్తుచేశారు. గెరిల్లా యుద్ధ వ్యూహాలతో 17వ శతాబ్దంలోనే గోల్కొండ కోటపై బడుగుల ఆత్మగౌరవ జెండాను ఎగురవేసిన ధీరుడని పేర్కొన్నారు.

Local· 18 Aug 2026

కళాశాల ఎదుట SFI నాయకుల ఆందోళన

TG: ప్రైవేట్ కళాశాలల అధిక ఫీజులపై ఎస్ఎఫ్ఐ ఆగ్రహం వ్యక్తం చేసింది. హన్మకొండ జిల్లా పరకాల పట్టణంలోని ఎస్వీ జూనియర్ కళాశాల వద్ద ఎస్ఎఫ్ఐ ఆధ్వర్యంలో మంగళవారం ధర్నా నిర్వహించారు. ఈ సందర్భంగా పట్టణ అధ్యక్షుడు బొజ్జ హేమంత్ మాట్లాడుతూ.. అడ్మిషన్ల సమయంలో ఫీజులు తీసుకోమని చెప్పి, తర్వాత విద్యార్థుల నుంచి అధిక మొత్తాలు వసూలు చేస్తున్నారని ఆరోపించారు. టీసీలు, ఒరిజినల్ సర్టిఫికెట్లు, మార్కుల మెమోలు ఇవ్వకుండా ఫీజుల కోసం ఒత్తిడి చేస్తున్నారని అన్నారు.

Local· 18 Aug 2026

విజయవాడ ట్రాఫిక్ సమస్యల పరిష్కారమే లక్ష్యం

AP: విజయవాడ నగరంలో ట్రాఫిక్ సమస్యలకు శాశ్వత పరిష్కారం చూపేందుకు రైల్వే, వీఎంసీ అధికారులతో ఎంపీ కేశినేని చిన్ని సమావేశమయ్యారు. ఆర్‌యూబీలు, ఆర్‌ఓబీ లు, డ్రైనేజీ, పైప్‌లైన్ సమస్యలపై చర్చించారు. వచ్చే వారంలో యాక్షన్ ప్లాన్ రెడీ చేసి పనులు ప్రారంభిస్తామని ఎంపీ తెలిపారు. ట్రాఫిక్ సమస్యలు లేని నగరంగా విజయవాడను తీర్చిదిద్దడమే తన లక్ష్యమన్నారు.

▶

Local· 18 Aug 2026

నరసరావుపేటలో భారీ అగ్నిప్రమాదం

AP: పల్నాడు జిల్లా నరసరావుపేటలో భారీ అగ్నిప్రమాదం జరిగింది. వినుకొండ రోడ్డులోని 'NSB కార్ డెకార్స్‌'లో వెల్డింగ్ పని చేస్తుండగా ప్రమాదవశాత్తు కారుకు మంటలు అంటుకున్నాయి. పక్కనే ఉన్న ఫార్చ్యునర్ కార్లు కాలిపోయాయి. భారీగా ఆస్తి నష్టం జరిగిందని స్థానికులు అంటున్నారు. పక్కనే ఉన్న బిరియాని రెస్టారెంట్‌కి సైతం మంటలు వ్యాపించాయి.

Local· 18 Aug 2026

కొండగట్టు ప్రమాదంపై సమగ్ర దర్యాప్తు.. పోలీసులకు SP ఆదేశాలు

TG: జగిత్యాల జిల్లా కొండగట్టు వద్ద రోడ్డు <a href="https://www.theclearcutnews.com/n/MJPz7jK">ప్రమాద</a> స్థలాన్ని జిల్లా ఎస్పీ అశోక్ కుమార్ పరిశీలించారు. కరీంనగర్–జగిత్యాల ప్రధాన రహదారిపై జరిగిన ప్రమాదానికి దారితీసిన పరిస్థితులపై పోలీసు అధికారులను అడిగి వివరాలు తెలుసుకున్నారు. రహదారి పరిస్థితి, వాహనాల కదలిక, వాహనాల వేగం తదితర అంశాలను పరిశీలించారు. ప్రమాదానికి గల కారణాలను అన్ని కోణాల్లో విచారించి సమగ్ర దర్యాప్తును వేగవంతం చేయాలని అధికారులను ఆదేశించారు. రహదారులపై వాహనదారులు అప్రమత్తంగా వ్యవహరించాలని సూచించారు.

Local· 18 Aug 2026

ఘనంగా సర్దార్ సర్వాయి పాపన్న గౌడ్ జయంతి

TG: బహుజన పోరాట యోధుడు సర్దార్ సర్వాయి పాపన్న గౌడ్ జయంతి వేడుకలను మహబూబ్‌నగర్ పట్టణంలో ఘనంగా నిర్వహించారు. ప్రభుత్వ విప్, ఎమ్మెల్యే యెన్నం శ్రీనివాస్‌రెడ్డి, ఎంపీ డి.కె.అరుణ, మేయర్ గుమ్మల మమతా శ్రీనివాస్ పాపన్న గౌడ్ విగ్రహానికి పూలమాలలు వేసి నివాళులర్పించారు. కార్యక్రమంలో DCC ప్రెసిడెంట్ సంజీవ్ ముదిరాజ్, దేవరకద్ర ఎమ్మెల్యే జి.మధుసూదన్‌రెడ్డి, జడ్చర్ల ఎమ్మెల్యే జనంపల్లి అనిరుధ్‌రెడ్డి, మైనారిటీ ఫైనాన్స్ కార్పొరేషన్ చైర్మన్ ఒబేదుల్లా కొత్వాల్, జిల్లా కలెక్టర్ శ్రీమతి ఖుష్బూ గుప్తా పాల్గొన్నారు.

Local· 18 Aug 2026

చెకుముకి సైన్స్ సంబరాలు.. పోస్టర్ ఆవిష్కరణ

AP: తిరుపతి జిల్లా సూళ్లూరుపేటలో చెకుముకి సైన్స్ సంబరాల పోస్టర్‌ను ఆవిష్కరించారు. జన విజ్ఞాన వేదిక తిరుపతి జిల్లా ఆధ్వర్యంలో ఆగస్టు 27న 8, 9, 10వ తరగతి ప్రభుత్వ, ప్రైవేట్ పాఠశాలల విద్యార్థులకు పాఠశాల స్థాయి చెకుముకి సైన్స్ టాలెంట్ టెస్ట్ నిర్వహించనున్నారు. ఈ సందర్భంగా టాలెంట్ టెస్ట్ పోస్టర్‌ను యూటీఎఫ్ తిరుపతి జిల్లా అధ్యక్షుడు జీజే రాజశేఖర్, జిల్లా కార్యదర్శి ప్రభాకర్, జన విజ్ఞాన వేదిక నాయకులు చంగయ్య, రామ్మూర్తి, మస్తాన్ తదితరులు ఆవిష్కరించారు.

Local· 18 Aug 2026

ప్రభుత్వ పాలిటెక్నిక్‌లను ప్రైవేటీకరించొద్దు: AISF

TG: జీవో నంబర్‌ 97ను వెనక్కి తీసుకోవాలని ఏఐఎస్ఎఫ్‌ డిమాండ్‌ చేసింది. తెలంగాణ ప్రభుత్వం యంగ్ ఇండియా స్కిల్స్ యూనివర్సిటీ ద్వారా ప్రభుత్వ పాలిటెక్నిక్ కళాశాలలను ఐటీఐ, ఏటీసీలతో అనుసంధానిస్తూ జారీ చేసిన జీవోను రద్దు చేయాలని రంగారెడ్డి జిల్లా షాద్‌నగర్ నియోజకవర్గంలో పాలిటెక్నిక్ విద్యార్థులతో కలిసి ఏఐఎస్ఎఫ్ రాష్ట్ర సమితి సభ్యుడు ఆకాష్ నాయక్ ఫరూక్‌నగర్ తహసీల్దార్ కార్యాలయ అధికారులకు వినతిపత్రం అందజేశారు. ప్రభుత్వ పాలిటెక్నిక్ కళాశాలలను కొత్త పీపీపీ విధానం ద్వారా ప్రైవేటీకరించడం సరికాదని అన్నారు.

Local· 18 Aug 2026

అనంతపురం జిల్లాలో అక్రమ రిజిస్ట్రేషన్లు

AP: అనంతపురం జిల్లా బ్రహ్మసముద్రం మండలంలో అక్రమ రిజిస్ట్రేషన్ల వ్యవహారం వెలుగు చూస్తోంది. ఇటీవల వెస్ట్ కొడిపల్లిలో జరిగిన ఘటన మరవకముందే, యర్రకొండాపురం గ్రామంలో మరొక వివాదాస్పద అక్రమ రిజిస్ట్రేషన్ వ్యవహారం బయటపడింది. సర్వే నంబర్ 38లో ఉన్న 6.67 ఎకరాల భూమిని, ఇప్పటికే మృతిచెందిన వ్యక్తి పేరుతో నకిలీ పత్రాలు సృష్టించి అక్రమంగా రిజిస్ట్రేషన్ చేసినట్లు బాధితులు ఆరోపిస్తున్నారు. ఆగస్టు 14, 2026న ఈ అక్రమ రిజిస్ట్రేషన్ దస్తావేజులను రద్దు చేసినట్లు సమాచారం.

Local· 18 Aug 2026

గిరిజనుల సాగు భూములకు సౌకర్యాలు కల్పించాలి

TG: ఖమ్మం జిల్లా పెనుబల్లి మండల గిరిజన రైతుల సమస్యలు పరిష్కరించాలని వ్యవసాయ కార్మిక సంఘం డిమాండ్ చేసింది. గిరిజనులు సాగుచేస్తున్న భూములకు హక్కుపత్రాలు మంజూరు చేయడంతోపాటు బోర్లు, విద్యుత్ సౌకర్యం కల్పించాలని కోరుతూ సోమవారం భద్రాచలం ఐటీడీఏ పీఓకు వినతిపత్రం అందజేశారు. మండలంలోని పది గ్రామాల్లో గిరిజనులు సుమారు 20ఏళ్లుగా పోడు భూముల్లో సాగు చేస్తున్నారని, సాగునీటివసతి లేక పంటలు నష్టపోతున్నారని తెలిపారు. హక్కుపత్రాలు లేని రైతులకు వెంటనే పట్టాలు అందించి ప్రభుత్వ రుణాలు పొందేలా చర్యలు తీసుకోవాలని కోరారు.

Local· 18 Aug 2026

అభివృద్ధికి నోచుకోని పెదపాలెం

AP: గుంటూరు జిల్లా దుగ్గిరాల మండలం పెదపాలెం గ్రామం ఇబ్బందులతో అల్లాడుతోంది. వర్షం వస్తే చాలు రోడ్లు నీళ్లతో నిండిపోతున్నాయి. దోమలు విపరీతంగా ఇంట్లోకి వచ్చి ఇబ్బందికి గురి చేస్తున్నాయిజ గ్రామంలో డ్రైనేజీ వ్యవస్థ సరిగా లేదు. ఎక్కడ నీరు అక్కడే నిలిచి ఉంటోంది.

▶

Local· 18 Aug 2026

తెలంగాణ లో పాలిటెక్నిక్ విద్యను కాపాడాలి: SFI

తెలంగాణలో పాలిటెక్నిక్ విద్యను కాపాడాలని ఎస్ఎఫ్ఐ డిమాండ్ చేసింది. మహబూబాబాద్ జిల్లా కేసముద్రం పట్టణంలో ఎస్ఎఫ్ఐ ఆధ్వర్యంలో జీవో నంబర్ 97ను రద్దు చేయాలని కోరుతూ భారీ ర్యాలీ నిర్వహించారు. ఈ సందర్భంగా ఎస్ఎఫ్ఐ మహబూబాబాద్ జిల్లా కార్యదర్శి పట్ల మధు మాట్లాడుతూ పాలిటెక్నిక్ విద్యను ప్రభుత్వం పరిరక్షించాలని డిమాండ్ చేశారు. కాంగ్రెస్ ప్రభుత్వం పేద విద్యార్థులకు ఉన్నత విద్యను దూరం చేసే విధంగా వ్యవహరిస్తోందని విమర్శించారు. పాలిటెక్నిక్ విద్యను బలోపేతం చేసి, విద్యార్థులకు అందుబాటులో ఉంచాలని కోరారు.

Local· 18 Aug 2026

ఈ నెల 27 నుంచి చెకుముకి సైన్స్ సంబరాలు

AP: కాకినాడ జిల్లాలో ఈనెల 27 నుంచి చెకుముకి సైన్స్ సంబరాలు ప్రారంభం కానున్నాయి. గొల్లప్రోలు MEO ఆఫీస్‌లో చెకుముకి సైన్స్ సంబరాల పోస్టర్‌ను విద్యాశాఖ అధికారులు, జనవిజ్ఞాన వేదిక ప్రతినిధులు ఆవిష్కరించారు. విద్యార్థుల్లో సృజనాత్మకత, శాస్త్రీయ ఆలోచనా విధానం, ప్రశ్నించే తత్వాన్ని పెంపొందించేందుకు చెకుముకి టాలెంట్ టెస్ట్ నిర్వహిస్తున్నట్లు తెలిపారు. పాఠశాల స్థాయి పరీక్ష ఈనెల 27న, మండలస్థాయి సెప్టెంబరు 11న, జిల్లాస్థాయి సెప్టెంబరు 27న, రాష్ట్రస్థాయి నవంబరు 1, 2, 3 తేదీల్లో జరుగుతాయన్నారు.

Local· 18 Aug 2026

దళితవాడల్లో మౌలిక వసతులు కల్పించాలి

AP: తిరుపతి జిల్లాలో దళితుల సమస్యల పరిష్కారం కోసం ‘చలో కలెక్టరేట్’కు పిలుపు ఇచ్చారు. దళితులకు స్మశానాలు, వాటికి దారులు, భూ సమస్యలు, మౌలిక వసతులు కల్పించాలని డిమాండ్ చేస్తూ ఆగస్టు 24న పెద్ద ఎత్తున ఆందోళన నిర్వహించనున్నట్లు కుల వివక్ష వ్యతిరేక పోరాట సంఘం, ఆంధ్రప్రదేశ్ వ్యవసాయ కార్మిక సంఘం నాయకులు తెలిపారు. సమస్యలపై కలెక్టరేట్ లో ఫిర్యాదు చేశారు. జిల్లాలోని పలు గ్రామాల్లో దళితులు ఇప్పటికీ వివక్షను ఎదుర్కొంటున్నారని, అనేక ప్రాంతాల్లో స్మశానాలకు స్థలాలు, దారులు లేవని ఆరోపించారు.

Local· 18 Aug 2026

భూబాధితులకు న్యాయం చేయాలి.. కలెక్టర్‌కు సీపీఎం ఫిర్యాదు

AP: తిరుపతిలో భూసమస్యపై సీపీఎం నాయకులు ఆందోళన చేశారు. శెట్టిపల్లిలో ల్యాండ్‌ పూలింగ్‌ ద్వారా ప్రభుత్వం భూములు తీసుకున్నప్పటికీ అర్హులైన లబ్ధిదారులకు వారి వాటా భూమికి సంబంధించిన ప్రొసీడింగ్స్‌ మంజూరు చేయడంలో జాప్యం జరుగుతోందని సీపీఎం జిల్లా కార్యదర్శి వందవాసి నాగరాజు ఆరోపించారు. గ్రీవెన్స్‌ డే సందర్భంగా భూ బాధితులతో కలిసి జిల్లా కలెక్టర్‌కు ఫిర్యాదు చేశారు. సమస్యపై ఇప్పటికే సుమారు 40 సార్లు అర్జీలు ఇచ్చినా పరిష్కారం కాలేదన్నారు.

Local· 18 Aug 2026

మంత్రి ఫరూక్‌కు ఉరుసు మహోత్సవ ఆహ్వానం

AP: విజయవాడలో మంత్రి ఎన్‌ఎండీ ఫరూక్‌కు ఉరుసు మహోత్సవ ఆహ్వానం అందించారు. ఎన్టీఆర్ జిల్లా గన్నవరం మండలం ముస్తాబాదాలోని హజరత్ సయ్యద్ ముస్తఫావలీ ఆవులియా 61వ ఉరుసు మహోత్సవాలు ఈనెల 27, 28 తేదీల్లో నిర్వహించనున్నారు. ఈ వేడుకలకు హాజరు కావాలని కోరుతూ దర్గా కమిటీ సభ్యులు సూఫీ మత గురువు మహమ్మద్ అల్తాఫ్ బాబా, ఉర్దూ అకాడమీ రాష్ట్ర చైర్మన్ ఫారూఖ్ షుబ్లీతో కలిసి రాష్ట్ర మైనార్టీ శాఖ మంత్రి ఎన్‌ఎండీ ఫరూక్‌ను మర్యాదపూర్వకంగా కలిసి ఆహ్వాన పత్రిక అందజేశారు.

Local· 18 Aug 2026

భువనగిరిలో ముఖ్య నేతల కీలక సమావేశం

TG: యాదాద్రిభువనగిరి జిల్లా భువనగిరి పట్టణంలోని న్యూ వివేర హోటల్‌లో కాంగ్రెస్ PAC (పొలిటికల్ ఎఫైర్ కమిటీ) కీలక సమావేశం నిర్వహించారు. యాదాద్రి, నల్లగొండ, సూర్యాపేట జిల్లాల కాంగ్రెస్ పార్టీ రాజకీయ వ్యవహారాల కమిటీ సమావేశం జరిగింది. తెలంగాణ కాంగ్రెస్ పార్టీ ఇన్‌చార్జి మీనాక్షి నటరాజన్ ముఖ్య అతిథిగా హాజరయ్యారు. మూడు జిల్లాల్లో పార్టీ సంస్థాగత బలోపేతం, ప్రస్తుత రాజకీయ పరిస్థితులు, ప్రజా సమస్యలు, ప్రభుత్వ సంక్షేమ కార్యక్రమాలను ప్రజల్లోకి విస్తృతంగా తీసుకెళ్లడంపై చర్చించారు.