Latest
వందేమాతరం బిల్లుకు లోక్సభ ఆమోదం
జాతీయ గేయం ‘వందేమాతరం’ గౌరవాన్ని కాపాడేందుకు ఉద్దేశించిన కీలక బిల్లుకు లోక్సభ ఆమోదం తెలిపింది. కేంద్ర హోంశాఖ సహాయ మంత్రి నిత్యానంద రాయ్ ఈనెల 24న రాజ్యసభలో ఈ బిల్లును ప్రవేశపెట్టారు. బుధవారం సుదీర్ఘ చర్చ అనంతరం రాజ్యసభ ఆమోదించింది. ఇవాళ మూజువాణి ఓటుతో లోక్సభ ఈ బిల్లును ఆమోదించింది. ఇకపై వందేమాతరాన్ని అవమానించినా, ఎవరైనా పాడుతున్న టైంలో ఆటంకం కలిగించినా చట్టప్రకారం నేరంగా పరిగణిస్తారు.
నా రాజకీయ కోరిక ఏంటో అప్పుడే చెబుతా: జగ్గారెడ్డి
TG: కాంగ్రెస్ సీనియర్ నేత జగ్గారెడ్డి ఓ సమావేశంలో ఆసక్తికర వ్యాఖ్యలు చేశారు. 'నాకు సీఎం కావాలనే కోరిక లేదు. సీఎం పదవికి ఉత్తమ్ కుమార్ రెడ్డి లైన్లో ఉన్నారు. కానీ నాకు మరో బలమైన రాజకీయ కోరిక ఉంది. నా మనసులోని మాటలన్నీ నవంబర్లో బయటపెడతాను. అప్పుడే నా రాజకీయ కోరిక ఏమిటో చెబుతాను' అని జగ్గారెడ్డి అన్నారు. జగ్గారెడ్డి చేసిన ఈ వ్యాఖ్యలు రాష్ట్ర రాజకీయల్లో చర్చకు దారితీశాయి.
‘శ్రీనివాస మంగాపురం’ టాక్
ఘట్టమనేని జయకృష్ణ, రషా తడానీ జంటగా అజయ్ భూపతి దర్శకత్వంలో వచ్చిన ‘శ్రీనివాస మంగాపురం’ మూవీకి సోషల్ మీడియాలో మిక్స్డ్ టాక్ వస్తోంది. జయకృష్ణ నటన, డైలాగ్ డెలివరీ, యాక్షన్ సీన్స్, రషా స్క్రీన్ ప్రెజెన్స్, జీవీ ప్రకాశ్ మ్యూజిక్, మోహన్ బాబు నటన మెప్పించాయి. అయితే రొటీన్ కథ, ముందే ఊహించగలిగే స్క్రీన్ప్లే, ట్విస్టులు లేవని నెటిజన్లు కామెంట్ చేస్తున్నారు. బాక్సాఫీస్ వసూళ్లపై రాబోయే రోజుల్లో క్లారిటీ వస్తుంది.
ఒక్క తప్పు.. అమెరికా డ్రీమ్కు బ్రేక్ వేయొచ్చా..?
"అమెరికా వెళ్లే వాళ్లకు కొత్త టెన్షన్ మొదలైందా?" ట్రంప్ ప్రభుత్వం తీసుకొచ్చిన ప్రతిపాదనతో ఇదే ప్రశ్న వినిపిస్తోంది. J-1 వీసాపై అమెరికా వెళ్లే విదేశీ విద్యార్థులు, ఎక్స్చేంజ్ విజిటర్లు వీసా కోసం తప్పుడు సమాచారం లేదా ఫేక్ డాక్యుమెంట్స్ ఇచ్చినట్లు తేలితే.. వారి ప్రోగ్రామ్ను వెంటనే రద్దు చేసేలా కొత్త రూల్ను ప్రతిపాదించింది. అలాంటి వారికి అమెరికా విడిచిపోవాల్సి రావొచ్చు. ఈ రూల్ అమల్లోకి వస్తే భారతీయ విద్యార్థులపైనా ప్రభావం ఉండే అవకాశం ఉంది. అయితే ఇది ఇప్పటికి డ్రాఫ్ట్ రూల్ మాత్రమే.
వరద నీళ్లు వస్తున్నా.. పంప్లు ఆన్ చేయడం లేదు
తెలంగాణలో గోదావరి, కృష్ణా నదులకు భారీగా వరద నీరు వస్తున్నప్పటికీ ప్రభుత్వం ప్రాజెక్టుల పంపులను పూర్తిస్థాయిలో నడపడం లేదని మాజీ మంత్రి శ్రీనివాస్ గౌడ్ విమర్శించారు. జూరాల నుంచి పవర్ జనరేషన్ పేరుతో భారీగా నీటిని దిగువకు విడుదల చేస్తున్నారని, అదే సమయంలో రిజర్వాయర్లను నింపే ప్రయత్నాలు చేయడం లేదన్నారు. రైతుల ఆందోళన తర్వాతే కొన్ని పంపులను ప్రారంభించారని పేర్కొన్నారు. ఎల్నినో ప్రభావాన్ని దృష్టిలో ఉంచుకుని వచ్చే ప్రతి చుక్క నీటిని నిల్వ చేసుకోవాలని సూచించారు.
రైట్ వింగ్ ఇన్ఫ్లుయెన్సర్లకు Radical Ajay పిలుపు
తెలుగులో ఉన్న రైట్ వింగ్ ఇన్ఫ్లుయెన్సర్లకు, కంటెంట్ క్రియేటర్లకు అంబేడ్కరైట్, కంటెంట్ క్రియేటర్ ర్యాడికల్ అజయ్(Radical Ajay) పిలుపునిచ్చారు. వారితో పోడ్కాస్ట్ డిస్కషన్ చేసేందుకు తను సిద్ధమని, అందుకు తనే స్టూడియో ఏర్పాటు చేస్తానని అన్నారు. ఈ డిస్కషన్ను ఎటువంటి ఎడిటింగ్ లేకుండా అప్లోడ్ చేస్తానని, నిజాలు, ఆధారాలతో మాత్రమే ఈ డిస్కషన్ ఉంటుందని చెప్పారు. ఈ కార్యక్రమం కోసం రూల్స్ కూడా పేర్కొన్నారు. ఆసక్తి ఉన్నవారు radicalajaykumar@gmail.comకి మెయిల్ చేయాలని చెప్పారు.
వీడియో కాల్ చేసి వ్యక్తి ఆత్మహత్య
AP: తిరుపతికి చెందిన జగదీశ్ (47) కుటుంబ కలహాలతో ఉరివేసుకుని ఆత్మహత్య చేసుకున్నాడు. రంగంపేటలోని ఓ కళాశాలలో ఉద్యోగం చేస్తున్న ఆయన, భార్యతో జరిగిన వాగ్వాదం అనంతరం చంద్రగిరిలోని తన తల్లిదండ్రుల ఇంటికి వెళ్లాడు. ఆత్మహత్యకు ముందు భార్యకు వీడియో కాల్ చేసి తన నిర్ణయాన్ని తెలపడంతో ఆమె వెంటనే పోలీసులకు సమాచారం అందించింది. సంఘటనా స్థలానికి చేరుకున్న పోలీసులు ఇంటి తలుపులు పగులగొట్టి లోపలికి వెళ్లగా, జగదీశ్ అప్పటికే మృతి చెందినట్లు గుర్తించారు. మృతదేహాన్ని పోస్టుమార్టం నిమిత్తం ఆస్పత్రికి తరలించారు.
భోజనం లేట్ అయ్యిందని వదినపై దారుణం
బీహార్లోని జెహానాబాద్ జిల్లాలో భర్త పొలానికి వెళ్లగా భార్య అన్షు దేవి(25) ఇంట్లో ఉంది. ఆ సమయంలో ఆమె మరిది 'కునాల్' ఇంటికి వచ్చి భోజనం అడిగాడు. అన్నం పెట్టడం లేట్ అవ్వడంతో గొడ్డలి తీసుకొని వదిన తల నరికేశాడు. ఆ తలను ఇంటి ముందు ఉన్న చెట్టుకు వేలాడదీసి, పారిపోకుండా అక్కడే కూర్చున్నాడు. అక్కడి వాళ్లు పోలీసులకు చెప్పడంతో వచ్చి అతన్ని అరెస్ట్ చేశారు. కునాల్ ఎప్పుడూ డ్రగ్స్ మత్తులో ఉండేవాడనీ ఊరివాళ్లు చెప్పారు. ఈ ఘటనపై పోలీసులు విచారణ జరుపుతున్నారు.
10 ఏళ్ల ‘పెళ్లిచూపులు’
విజయ్ దేవరకొండ, రీతూ వర్మ జంటగా తరుణ్ భాస్కర్ దర్శకత్వంలో వచ్చిన క్లాసిక్ హిట్ సినిమా ‘పెళ్లిచూపులు’ (2016) ఈ రోజూ తో విజయవంతంగా 10 ఏళ్లు పూర్తి చేసుకున్న సందర్భంగా, విజయ్ దేవరకొండ తన 'x 'లో పోస్ట్ చేస్తూ, తన కెరీర్కు పునాది వేసిన ఈ సినిమా, దర్శకుడు తరుణ్ భాస్కర్, నిర్మాత రాజ్ కందుకూరి, టీమ్కు ధన్యవాదాలు తెలిపారు. రెండు (National Awards) జాతీయ అవార్డులు సాధించి టాలీవుడ్లో ఒక బెంచ్మార్క్గా నిలిచిందని అభిమానులు గుర్తుచేసుకుంటున్నారు.
"అమిత్ షా రావాల్సిందే".. ప్రతిపక్షం వాక్అవుట్!
పేపర్ లీక్ ఇష్యూ ఇంకా పార్లమెంట్ను వదలట్లేదు. నిన్న లోక్సభలో రాహుల్ గాంధీ చేసిన కామెంట్స్తో హీట్ పెరగగా.. ఇవాళ అదే ఇష్యూపై రాజ్యసభలో కూడా రచ్చ కొనసాగింది. "జూలై 20న విద్యార్థులపై పోలీసులు ఎందుకు బలప్రయోగం చేశారు..? అమిత్ షా సభకు వచ్చి సమాధానం చెప్పాలి" అంటూ ప్రతిపక్ష ఎంపీలు డిమాండ్ చేశారు. సమాధానం ఇవ్వాలంటూ పట్టుబట్టిన వారు చివరకు సభ నుంచి వాక్అవుట్ చేశారు. మరోవైపు.. లోక్సభలో ఇప్పటికే ఆమోదం పొందిన యాంటీ పేపర్ లీక్ బిల్లుపై ఇవాళ రాజ్యసభలో చర్చ జరగనుంది.
మద్యం మత్తులో అంబులెన్స్ డ్రైవర్
TG: హైదరాబాద్లో డ్రంకన్ డ్రైవ్ తనిఖీల్లో షాకింగ్ ఘటన వెలుగుచూసింది. గచ్చిబౌలి ఆల్ సబా హోటల్ సమీపంలో రాయదుర్గం పోలీసులు తనిఖీలు నిర్వహించగా, అంబులెన్స్ డ్రైవర్ రాఘవేంద్ర మద్యం మత్తులో వాహనం నడుపుతూ పట్టుబడ్డాడు. బ్రీత్ అనలైజర్ పరీక్షలో అతనికి ఏకంగా 324 రీడింగ్ నమోదవడంతో పోలీసులు షాకయ్యారు. రోగుల ప్రాణాలను కాపాడాల్సిన అంబులెన్స్ను ఇంత ప్రమాదకర స్థితిలో నడపడం తీవ్ర నిర్లక్ష్యంగా పోలీసులు పేర్కొన్నారు. డ్రైవర్పై డ్రంకన్ డ్రైవ్ కేసు నమోదు చేసి అంబులెన్స్ను సీజ్ చేశారు.
ప్రభుత్వం దిగొచ్చే వరకు పోరాటం ఆగదు
AP: మార్కాపురం జిల్లా పెద్దారవీడు మండలం గొబ్బూరులో పొగాకు రైతులు గిట్టుబాటు ధర కోసం భారీ ఆందోళన చేపట్టారు. మార్కాపురం–ఎర్రగొండపాలెం ప్రధాన రహదారిపై బైఠాయించి నిరసన వ్యక్తం చేశారు. పొగాకుకు గిట్టుబాటు ధర ప్రకటించడంతో పాటు రూ.1000 కోట్లు కేటాయించి మార్క్ఫెడ్ ద్వారా రైతుల వద్ద ఉన్న పొగాకును కొనుగోలు చేయాలని డిమాండ్ చేశారు. ప్రభుత్వం రైతులను నిర్లక్ష్యం చేస్తోందని ఆగ్రహం వ్యక్తం చేస్తూ, డిమాండ్లు నెరవేరే వరకు పోరాటం కొనసాగుతుందని హెచ్చరించారు. నిరసనతో హైవేపై వాహనాల రాకపోకలు నిలిచిపోయాయి.
కడెం జలాశయంలోకి పోటెత్తుతున్న వరద
గత రెండు రోజులుగా కురుస్తున్న వర్షాలకు నిర్మల్ జిల్లాలోని కడెం ప్రాజెక్టుకు భారీగా వరద నీరు చేరుతోంది. అధికారులు అప్రమత్తమై ప్రాజెక్టు 9 గేట్లను ఎత్తి దిగువకు నీటిని విడుదల చేశారు. ప్రాజెక్టు వద్ద పరిస్థితిని జిల్లా SP జానకి షర్మిల క్షేత్రస్థాయిలో పరిశీలించి అధికారులతో వరద పరిస్థితిపై సమీక్ష నిర్వహించారు. ప్రాజెక్టు పరిసర ప్రాంతాల్లో భద్రతను మరింత కట్టుదిట్టం చేయాలని పోలీసులకు ఆదేశించారు. ఎట్టి పరిస్థితుల్లోనూ ప్రాజెక్టు సమీపానికి వెళ్లొద్దని, వరద నీటిలో సెల్ఫీలు, ఫోటోలు తీయొద్దని హెచ్చరించారు.
స్టూడెంట్స్కు EMIలో డ్రగ్స్ అమ్ముతున్న టీచర్లు
కేరళలో కోజికోడ్లోని పెరంబ్రా బ్లాక్ రిసోర్స్ సెంటర్లో స్పెషల్ ఇన్వెస్టిగేషన్ టీమ్ (SIT) విచారణ జరిపింది. ఇందులో గవర్నమెంట్ టీచర్లు డ్రగ్స్ ఏజెంట్లుగా ఉన్నట్లు విచారణలో తేలింది. ఈ కేసులో రెండు రోజుల క్రితం ఇద్దరు టీచర్లు పోలీసులు అరెస్టు చేయగా, ఈరోజు ఇంకో టీచర్ను అరెస్ట్ చేశారు. స్టూడెంట్స్కు EMI పద్ధతిలో డ్రగ్స్ అమ్ముతున్నట్లు విచారణలో తేలింది. ఒకవైపు విద్యార్థుల్లో డ్రగ్స్కు వ్యతిరేకంగా అవేర్నెస్ కల్పిస్తూ, మరోవైపు వారికే డ్రగ్స్ అమ్మడం గమనార్హం.
స్నేహితుడిపై కత్తితో దాడి
TG: తనకంటే బాగా చదువుతున్నాడనే అసూయతో ఓ విద్యార్థి తన స్నేహితుడిపై కత్తితో దాడి చేశాడు. ఈ ఘటన హైదరాబాద్లోని బహదూర్పురా పోలీస్ స్టేషన్ పరిధిలో జరిగింది. మోబిన్, నిజాం ఇద్దరూ ఒకే ట్యూషన్ సెంటర్లో చదువుకుంటున్నారు. చదువులో మోబిన్ ముందుండటాన్ని జీర్ణించుకోలేక నిజాం కత్తితో దాడి చేశాడు. తీవ్రంగా గాయపడిన మోబిన్ను వెంటనే ఆస్పత్రికి తరలించగా, ప్రస్తుతం చికిత్స పొందుతున్నాడు. ఘటనపై పోలీసులు కేసు నమోదు చేసి దర్యాప్తు చేపట్టారు.
ఏపీలో కరోనా భయంతో తెలంగాణలో పరీక్షలు
TG: ఆంధ్రలో కొత్తగా 49 కోవిడ్ కేసులు రావడంతో తెలంగాణలో జనాలు అలెర్ట్ అయ్యారు. హైదరాబాద్లోని హాస్పిటల్ ల్లో కరోనా పరీక్షల గురించి ఎక్కువగా అడుగుతున్నారు. ట్రావెల్ చేసి వచ్చినవాళ్లు, చిన్నపాటి అనారోగ్య లక్షణాలు ఉన్నవాళ్లు ఈ పరీక్షలకు వస్తున్నారు. అయితే, ఇప్పటివరకు చేసిన టెస్ట్ ల్లో ఎవరికీ పాజిటివ్ రాలేదని డాక్టర్లు చెప్పారు. జలుబు, జ్వరం, శ్వాస సమస్యలు ఉంటేనే పరీక్షలు చేసుకోవాలని అధికారులు తెలిపారు.
ఇవాళ ‘రంగులూ, ఫిరంగులూ’ పుస్తకావిష్కరణ
TG: ప్రముఖ రచయిత దివంగత రాచకొండ విశ్వనాథ శాస్త్రి(రావిశాస్త్రి) రచనల్లోని కీలక వాక్యాలను , గుర్తుంచుకోదగిన పేరాలను, వ్యంగాత్మక సంభాషణలను, విషాద దృశ్యాలను సేకరించి ‘రంగులూ, ఫిరంగులూ’ పేరుతో 350 పేజీల పుస్తకంగా తీసుకొస్తున్నారు. ఇవాళ సాయంత్రం 6 గంటలకు హైదరాబాద్ నగరంలోని బషీర్బాగ్ ప్రెస్క్లబ్లో ఈ పుస్తకాన్ని ఆవిష్కరించనున్నారు. రచయితలు ఎం.ఎస్.నాయుడు, మృణాళిని, జి.ఎస్.చలం తదితరులు పాల్గొంటారు.
లక్షకు పైగా స్కూళ్లలో ఒక్కరే టీచర్!
భారతదేశంలో ప్రభుత్వ, ప్రైవేట్ పాఠశాలలు లక్షకు పైగా (1,00,843) ఒక్క టీచర్ తోనే నడుస్తున్నాయని UDISE+ 2025–26 డేటా ఆధారం తో కేంద్ర విద్యాశాఖ వెల్లడించింది. దేశంలో ఎక్కువగా ఆంధ్రప్రదేశ్లో 16,357 సింగిల్-టీచర్ పాఠశాలలు ఉన్నాయి. ఇది దేశం మొత్తంలో 16శాతం పైగా ఉంది. తెలంగాణలో ఇలాంటి స్కూళ్లు 4,793 ఉన్నాయి. ఏపీ, జార్ఖండ్, మహారాష్ట్ర, కర్ణాటక సహా ఏడు రాష్ట్రాల్లోనే దేశంలోని 65శాతం సింగిల్-టీచర్ స్కూళ్లు ఉన్నాయి. రిక్రూట్మెంట్ లోపాల వల్లే ఈ ప్రాబ్లమ్ వచ్చిందని గవర్నమెంట్ రాజ్యసభలో చెప్పింది.
ఉప్పొంగిన పొచ్చెర జలపాతం.. హైఅలర్ట్
TG: ఆదిలాబాద్ జిల్లాలో కురుస్తున్న భారీ వర్షాలకు ప్రముఖ పర్యాటక కేంద్రం పొచ్చెర జలపాతం ఉగ్రరూపం దాల్చింది. గత రెండు రోజులుగా కురుస్తున్న ఎడతెరిపి లేని వర్షాలతో ఎగువ ప్రాంతాల నుంచి భారీగా వరద నీరు చేరి జలపాతం ప్రమాదకర స్థాయిలో ప్రవహిస్తోంది. వరద ఉధృతి నిన్నటితో పోలిస్తే మరింత పెరగడంతో అటవీ శాఖ అధికారులు అప్రమత్తమయ్యారు. పర్యాటకుల భద్రత దృష్ట్యా జలపాతం సందర్శనను తాత్కాలికంగా నిలిపివేసి, ఎవరినీ అనుమతించడం లేదు. వరద ప్రవాహం తగ్గే వరకు పొచ్చెర జలపాతం వద్దకు రావద్దని అధికారులు విజ్ఞప్తి చేశారు.
REAL/FAKE..కేసులు వాపస్ తీసుకోవాలంటే NEET అడ్మిట్ కార్డు?
NEET పేపర్ లీక్ వివాదం తర్వాత CJP ఆధ్వర్యంలో ఆందోళనలు జరిగాయి. ఆ టైంలో పోలీసులు నిరసనకారుల మీద FIRలు/కేసులు నమోదు చేశారు. వీటిని వాపస్ తీసుకోవడానికి NEET అడ్మిట్ కార్డు చూపాలనే నిబంధన విధించారని సోషల్ మీడియాలో ఓ వార్త వైరల్ అవుతోంది. ఇది నిజమని చాలామంది నమ్ముతున్నారు. అయితే దీనికి సంబంధించి ఎక్కడా ఎలాంటి అధికారిక ప్రకటనా లేదు. ఈ విషయం కూడా ఏ అధికారిక వార్తల్లో లేదు. ఇది పూర్తిగా FAKE NEWS.
సౌరవ్ దాస్ వెంట కంగనా..అదేనా కారణం?
CJP(Cockroach Janata Party) ప్రతినిధి సౌరవ్ దాస్ను నటి, ఎంపీ కంగనా రనౌత్ ‘useless’, ‘unemployed’ అని పిలిచిన విషయం తెలిసిందే. అనంతరం జర్నలిస్ట్ బర్ఖా దత్తో చేసిన ఇంటర్వ్యూలో సౌరవ్ దాస్ మాట్లాడుతూ ‘కంగనా నన్ను ఎందుకు అటాక్ చేస్తుందో అర్థం కాలేదు. అయితే నేను యంగ్ హృతిక్ రోషన్లా ఉంటానని, అందుకే తను నా వెంట పడుతోందని అన్నారు. అది నిజమా? తను నా మీద ఎందుకు దాడి చేస్తోంది?’ అని సరదాగా వ్యాఖ్యానించారు. ఈ వీడియో వైరల్గా మారింది.